ମୁମ୍ବାଇ: ବଲିଉଡରେ କ୍ରିଶ ଫିଲ୍ମ ମାଧ୍ୟମରେ ହ୍ରିତିକ ରୋଶନ ଓ ତାଙ୍କ ବାପା ରାକେଶ ରୋଶନ ଏକ ସ୍ୱତନ୍ତ୍ର ପରିଚୟ ସୃଷ୍ଟି ହୋଇପାରିଛି । କ୍ରିଶର ୩ଟି ଯାକ ସଂସ୍କରଣ ବକ୍ସ ଅଫିସରେ ଭଲ ବ୍ୟବସାୟ କରିଛି । ଏବେ ଦର୍ଶକ ବ୍ୟଗ୍ରତା ସହକାରେ ଏହାର ଚତୁର୍ଥ ସଂସ୍କରଣକୁ ଅପେକ୍ଷା କରିଛନ୍ତି । ୨୦୧୩ରେ କ୍ରିଶ ୩ ରିଲିଜ ହୋଇଥିଲା । ଏହାର ମେକର୍ସ ରାକେଶ ରୋଶନ ଏକ ସାକ୍ଷାତକାରରେ ସ୍ପଷ୍ଟ କରିଛନ୍ତି ଯେ, ଖୁବ ଶୀଘ୍ର କ୍ରିଶ ୪ର ଘୋଷଣା କରାଯିବ । ଏହି ଅବସରରେ ସେ ନିର୍ଦ୍ଦେଶନାରୁ ଅବସର ନେବେ ବୋଲି ମଧ୍ୟ କହିଛନ୍ତି ।
ରିପୋର୍ଟ ମୁତାବକ କ୍ରିଶ ୪ର ନିର୍ଦ୍ଦେଶନା ସିଦ୍ଧାର୍ଥ ଆନନ୍ଦ ଦେବେ । ହ୍ରିତିକ ଓ ସିଦ୍ଧାର୍ଥଙ୍କ ମଧ୍ୟରେ ଭଲ ବୁଝାମଣା ଥିବାରୁ ସେ ନିଶ୍ଚିତ ଭାବେ କ୍ରିଶ ଫ୍ରାଂଚାଇଜର ସଫଳତାକୁ ଆଗକୁ ବଢ଼େଇ ନେବେ । ୨୦୦୩ରେ କୋଇ ମିଲ ଗୟା ପ୍ରଥମେ ରିଲିଜ ହୋଇଥିଲା । ଏହା ପରେ ୨୦୦୬ରେ ଏହାର ଦ୍ୱିତୀୟ ସଂସ୍କରଣ କ୍ରିଶ ରିଲିଜ ହୋଇଥିଲା । ସେବେଠାରୁ ଏହି କାହାଣୀ ଆଗକୁ ବଢ଼ିବାରେ ଲାଗିଛି ।