ଭୁବନେଶ୍ଵର: ପୁଣି ଅଲୋଡ଼ା ହେଲା ଶିଶୁ କନ୍ୟା । ସେ ବି ପୁଣି କେଉଁ ଗାଁ ଗହଳିରେ ନୁହେଁ । ଖୋଦ ରାଜଧାନୀର ଛାତି ଉପରୁ ସାମ୍ନାକୁ ଆସିଛି ଏପରି ଘଟଣା । ଶିକ୍ଷିତ ରାଜଧାନୀରେ ଆଜି ଶିଶୁ କନ୍ୟା ଅଲୋଡା । ଭୁବନେଶ୍ବର ଆଚାର୍ଯ୍ୟ ବିହାର ସ୍ଥିତ ଆର୍ଟିଓ-୧ ନିକଟ ବସ୍ତିରୁ ଶିଶୁ କନ୍ୟା ଉଦ୍ଧାର । ଶିଶୁକନ୍ୟାର କାନ୍ଦ ଶୁଣି ଉଦ୍ଧାର କଲେ ବସ୍ତିବାସିନ୍ଦା । ଉଦ୍ଧାର ଶିଶୁକୁ ସହିଦନଗର ଥାନା ପୋଲିସକୁ ହସ୍ତାନ୍ତର କଲେ ବସ୍ତିବାସିନ୍ଦା ।
ସୂଚନା ଅନୁସାରେ, ଆଜି ସକାଳୁ ସକାଳୁ ଆଚାର୍ଯ୍ୟ ବିହାର ସ୍ଥିତ ଆର୍ଟିଓ-୧ ନିକଟରେ ଥିବା ବସ୍ତିରୁ ଏକ ଶିଶୁ କନ୍ୟାର କାନ୍ଦ ସ୍ଵର ଶୁଣିଥିଲେ କିଛି ବସ୍ତି ବାସିନ୍ଧା । ପରେ ଖୋଜାଖୋଜି କରିବାରୁ ଶେଷରେ ଶିଶୁ କନ୍ୟାକୁ ଉଦ୍ଧାର କରିଥିଲେ ଲୋକେ । ଉଦ୍ଧାର ଶିଶୁକୁ ସହିଦନଗର ଥାନା ପୋଲିସକୁ ହସ୍ତାନ୍ତର କଲେ ବସ୍ତିବାସିନ୍ଦା । ତେବେ କିଏ ଓ କାହିଁକି ସେଠାରେ ଶିଶୁ କନ୍ୟାକୁ ଛାଡି ଯାଇଛି ସେନେଇ କୌଣସି ସୂଚନା ମିଳିନଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।