ବିଦାୟ ୨୦୨୪: ଚଳିତବର୍ଷ ଏହି କାରଗୁଡକ ରହିଲେ ଚର୍ଚ୍ଚାରେ, ଜଲଓ୍ବା ଦେଖାଇଲା ନୂଆ ଇ-କାର
ନୂଆଦିଲ୍ଲୀ: ୨୦୨୪ ବର୍ଷ ବର୍ତ୍ତମାନ ବିଦାୟ ନେବା ଆଡକୁ ଗତି କରୁଛି | ଏହି ବର୍ଷ ଅଟୋମୋବାଇଲ କ୍ଷେତ୍ରରେ ଅନେକ ନୂତନ ମାଇଲଖୁଣ୍ଟ ହାସଲ କରିଛି | କମ୍ପାନୀଗୁଡିକ ବଜାରରେ ଅନେକ ନୂତନ ଯାନବାହନ ଲଞ୍ଚ କରିଥିଲେ, ଯାହା ହେଡଲାଇନ୍ ରେ ରହିଥିଲା | କିଛି ନୂତନ ଇଲେକ୍ଟ୍ରିକ୍ କାର୍ ବିଷୟରେ ବହୁତ ଚର୍ଚ୍ଚା ହେଉଥିଲା |କେତେକ କାର୍ ମଡେଲକୁ ଅପଗ୍ରେଡ୍ ହୋଇ ଲଞ୍ଚ କରାଯାଇଥିଲା ଏବଂ ସେମାନେ ପୂର୍ବ ଅପେକ୍ଷା ଅଧିକ ସୁରକ୍ଷିତ ହେଲେ | ବଜାରରେ ଅନେକ ଇଲେକ୍ଟ୍ରିକ୍ ଦୁଇ ଚକିଆ ଯାନ ମଧ୍ୟ ଆସିଲା |
ନୂତନ ବୈଦ୍ୟୁତିକ କାରଗୁଡିକର ବର୍ଷ ହେଉଛି ୨୦୨୪
ଟାଟା ମୋଟର୍ସ ନିଜର ବହୁ ଲୋକପ୍ରିୟ କାର ଟାଟା ପଞ୍ଚକୁ ୧୭ ଜାନୁୟାରୀ ୨୦୨୪ରେ ବଜାରରେ ଇଲେକ୍ଟ୍ରିକ୍ ଅବତାରରେ ଲଞ୍ଚ କରିଥିଲା। ଏହା ପରେ ଟାଟା ମୋଟର୍ସ ଏହାର ଅନ୍ୟ ଏକ ନୂତନ ଇଲେକ୍ଟ୍ରିକ୍ କାର ଟାଟା କ୍ରଭ ଇଭି ମଧ୍ୟ ବଜାରକୁ ଆଣିଥିଲା | ପରେ ଏହି କାରର ପେଟ୍ରୋଲ ଭର୍ସନ ମଧ୍ୟ ଲଞ୍ଚ କରାଯାଇଥିଲା। ଏହା ବ୍ୟତୀତ ଅଲ ଇଲେକ୍ଟ୍ରିକ୍ କାର୍ ରୋଲ୍ସ-ରୋଏସ୍ ସ୍ପେକ୍ଟର୍ ମଧ୍ୟ ଚଳିତ ବର୍ଷ ଲଞ୍ଚ କରାଯାଇଥିଲା। ସେହିପରି BYD ସିଲ୍, BMW i5 M60 XDrive, ପୋର୍ସେ ମାକାନ୍ ଇଭି, ମର୍ସିଡିଜ୍-ବେଞ୍ଜ୍ EQA, ମର୍ସିଡିଜ୍-ବେଞ୍ଜ୍ EQB ଫେସେଲିଫ୍ଟ, MG ୱିଣ୍ଡସର ଇଭି, କିଆ ଇଭି 9, BYD eMax7, ମହିନ୍ଦ୍ରା BE 6, ମହିନ୍ଦ୍ରା XEV 9e ଇଲେକ୍ଟ୍ରିକ୍ କାର୍ ମାର୍କେଟକୁ ଓହ୍ଲାଇଥିଲେ ।
ମାରୁତିର ନୂଆ ଡିଜାଇର ଏବଂ ହୋଣ୍ଡା ଆମାଜେ ହେଡଲାଇନରେ ରହିଥିଲେ
ମାରୁତି ସୁଜୁକିର ମଧ୍ୟମ ଆକାରର ସେଡାନ୍ ଡିଜାଇରର ନୂତନ ଏଡିସନ ଚଳିତ ବର୍ଷ ଶିରୋନାମା ମଣ୍ଡନ କରିଥିଲା | କମ୍ପାନୀ ଏହି କାରର ଡିଜାଇନ୍ ରେ ମଧ୍ୟ ପରିବର୍ତ୍ତନ ଆଣିଥିଲା | ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ପ୍ରଥମ ଥର ପାଇଁ ଗ୍ଲୋବାଲ ଏନସିଏପି ରୁ ସୁରକ୍ଷା ଦୃଷ୍ଟିରୁ କାରଟି ୫ଷ୍ଟାର ପାଇଲା | କମ୍ପାନୀ ଏହି କାର ଆଣିବା ଏହି ବିଭାଗରେ ପ୍ରତିଯୋଗିତାକୁ ଆହୁରି ତୀବ୍ର କରିଛି | ତେବେ, ହୋଣ୍ଡା କାର୍ ବି ଡିଜାଇରର ପ୍ରତିଯୋଗୀଭାବେ ହୋଣ୍ଡା ଆମାଜେର ଏକ ନୂତନ ସଂସ୍କରଣ ମଧ୍ୟ ଲଞ୍ଚ କରିଛି ଯାହା ଖବରରେ ରହିଛି ।
ମହିନ୍ଦ୍ରା ଥାର୍ ରକ୍ସ ଏବଂ ସ୍କୋଡା କାଇଲାକ ମଧ୍ୟ ଚର୍ଚ୍ଚାରେ ଥିଲେ
ବହୁ ପ୍ରତୀକ୍ଷିତ ପାଞ୍ଚ ଦ୍ୱାର ବିଶିଷ୍ଟ ଥାର୍ ମଡେଲ୍ ରକ୍ସକୁ ୧୫ ଅଗଷ୍ଟ ୨୦୨୪ରେ ଲଞ୍ଚ କରାଯାଇଥିଲା। ମହିନ୍ଦ୍ରା ଥାର୍ ରକ୍ସ ଦୁଇଟି ଭେରିଏଣ୍ଟ MX ଏବଂ AX ଆସିଥିଲା । ମହିନ୍ଦ୍ରା ଥାର୍ ରକ୍ସର ଦାମ୍ ୧୨.୯୯ ଲକ୍ଷରୁ ଆରମ୍ଭ ହୋଇଥିଲା ଓ ଟପ୍ ମଡେଲର ଦାମ୍ ୨୨.୪୯ ଲକ୍ଷ ଯାଏଁ ଥିଲା । ଥାର୍ ରକ୍ସ ୧୮ଟି ଭେରିଏଣ୍ଟରେ ଉପଲବ୍ଧ । ଥାର ରକ୍ସର ବେସ୍ ମଡେଲ MX1 RWD ଓ ଟପ୍ ମଡେଲ ମହିନ୍ଦ୍ରା ଥାର୍ ROXX AX7L 4WD ଡିଜଲ AT ।
ବର୍ଷ ଶେଷରେ ସ୍କୋଡା କାଇଲାକ ମଧ୍ୟ ଖବରରେ ରହିଥିଲା । କମ୍ପାନୀ ଏହାର ମୂଲ୍ୟ, ପ୍ରକାର ଏବଂ ଫିଚର୍ସଗୁଡିକ ପ୍ରକାଶ କରିସାରିଛି |ଜାନୁଆରୀ ୨୭, ୨୦୨୪ ରୁ ଡେଲିଭରି ଆରମ୍ଭ ହେବ, ଏସୟୁଭି ପାଇଁ ବୁକିଂ ପୂର୍ବରୁ ଆରମ୍ଭ ହୋଇଯାଇଛି ଏବଂ ସ୍କୋଡାକୁ ଏପର୍ଯ୍ୟନ୍ତ ୧୦,୦୦୦ରୁ ଅଧିକ ଅର୍ଡର ମିଳିଛି | କାଇଲାକ ଚାରୋଟି ରୂପରେ ଉପଲବ୍ଧ – କ୍ଲାସିକ୍, ସ୍ନିଗନେଚର, ସ୍ନିଗନେଚର + ଏବଂ ପ୍ରେସ୍ଟିଜ |