ଆପଣଙ୍କ ନାଁରେ ଚାଲିଛି କି ନକଲି ଲୋନ ?

ନୂଆଦିଲ୍ଲୀ: ବର୍ତ୍ତମାନ ସମୟରେ, ଆମେ ବହୁ ପରିମାଣରେ ଟେକ୍ନୋଲୋଜି ଉପରେ ନିର୍ଭରଶୀଳ। ଆଜ୍ଞା ହଁ, ଏହା ଆମ ଜୀବନକୁ କରିଛି ସହଜ। ଯେଉଁ କାମ ପାଇଁ ପୂର୍ବରୁ ଘରୁ ବାହାରକୁ ଯିବାକୁ ପଡୁଥିଲା, ତାହା ବର୍ତ୍ତମାନ ଘରେ ବସି ଖୁବ କମ ସମୟରେ ହୋଇପାରୁଛି। ଟେକ୍ନୋଲୋଜିର ପରିସର ବିସ୍ତାର ସମୟରେ, ଆମକୁ ମଧ୍ୟ ସତର୍କ ହେବାର ଆବଶ୍ୟକତା ରହିଛି। ବେଫିକର ହେଲେ ଏହା ଆମ ପାଇଁ ସମସ୍ୟା ସୃଷ୍ଟି କରିପାରେ।

ଆପଣଙ୍କ ନାଁରେ ଚାଲିଛି କି ନକଲି ଲୋନ ?
ଟେକ୍ନୋଲୋଜି ଦ୍ରୁତ ଭାବରେ ବଢୁଥିବାରୁ ସାଇବର ଫ୍ରଡମାନଙ୍କର ଠକେଇର ପଦ୍ଧତି ମଧ୍ୟ ବଦଳୁଛି। ସେମାନେ ଲୋକମାନଙ୍କୁ ନୂଆ ଉପାୟରେ ଠକୁଥିବା ଦେଖିବାକୁ ମିଳୁଛି। ଏହି ସାଇବର ଠକମାନେ ନକଲି ଋଣ ମାଧ୍ୟମରେ ଲୋକଙ୍କୁ ଠକିବାରେ ଲାଗିଛନ୍ତି। ଆପଣଙ୍କ ନାଁରେ କେହି ଋଣ ନେଇଛି କି ? ଆସନ୍ତୁ ଜାଣିବା କିପରି କରିବେ ଯାଞ୍ଚ ।

କିପରି ପାଇବେ ନକଲି ଋଣର ବିବରଣୀ ?
ଆପଣଙ୍କ ନାମରେ କୌଣସି ନକଲି ଋଣ ସମ୍ପର୍କରେ ଜାଣିବା ପାଇଁ ଆପଣ ଅନଲାଇନ୍ ଯାଞ୍ଚ କରିପାରିବେ। ଏଥିପାଇଁ ଆପଣଙ୍କୁ ଆପଣଙ୍କର CIBIL ସ୍କୋର ଯାଞ୍ଚ କରିବାକୁ ପଡିବ। CIBIL ସ୍କୋର ମାଧ୍ୟମରେ ,ଆପଣଙ୍କ ପାନ୍ କାର୍ଡରେ କେତେ ଋଣ ନିଆଯାଇଛି ସେ ବିଷୟରେ ସୂଚନା ମିଳିପାରିବ। CIBIL (କ୍ରେଡିଟ୍ ସୂଚନା ବ୍ୟୁରୋ ଇଣ୍ଡିଆ ଲିମିଟେଡ୍) ରିପୋର୍ଟରୁ ଆପଣ ଆପଣଙ୍କର ଋଣର ସ୍ଥିତି ଜାଣିପାରିବେ। ଏହି ରିପୋର୍ଟରେ, ଆପଣଙ୍କ ନାମରେ ନିଆଯାଇଥିବା ସମସ୍ତ ପ୍ରକାର ଋଣ ଏବଂ ଋଣ ପ୍ରଦାନର ସମୟ ସମ୍ପର୍କରେ ସୂଚନା ମିଳିପାରିବ। CIBIL ରିପୋର୍ଟ ଦ୍ବାରା ଆପଣ ଆପଣଙ୍କର କ୍ରେଡିଟ୍ ସ୍କୋର ମଧ୍ୟ ଜାଣିପାରିବେ ।

କିପରି କରିବେ ଅନଲାଇନ ଯାଞ୍ଚ ?
CIBIL ରିପୋର୍ଟ ଯାଞ୍ଚ କରିବାକୁ, ଆପଣ ଅଫିସିଆଲ୍ ୱେବସାଇଟ୍ https://www.cibil.com/ ପରିଦର୍ଶନ କରିପାରିବେ। ଆପଣ ଏହି ରିପୋର୍ଟକୁ ବ୍ୟାଙ୍କ ମାଧ୍ୟମରେ ମଧ୍ୟ ପାଇପାରିବେ। ପ୍ରଥମେ CIBIL ସାଇଟରେ ଲଗ୍ ଇନ୍ କରିବା ପରେ ଆପଣଙ୍କୁ ଦିଆଯାଇଥିବା ଫର୍ମରେ ଆପଣଙ୍କର ବିବରଣୀ ପୂରଣ ସହ ସଦସ୍ୟତା ପାଇଁ ଦେୟ ଦେବାକୁ ପଡିବ। ଏହାପରେ ଆପଣ ମେଲ ମାଧ୍ୟମରେ ରିପୋର୍ଟ ପାଇପାରିବେ।

ନକଲି ଋଣ ସମ୍ପର୍କରେ କିପରି ଅଭିଯୋଗ କରିବେ ?
CIBIL ରିପୋର୍ଟ ଯାଞ୍ଚ ପରେ, ଆପଣଙ୍କ ନାମରେ ଥିବା ସମସ୍ତ ଋଣ ସମ୍ପର୍କରେ ସୂଚନା ମିଳି ପାରିବ। ଏଥିରେ କୌଣସି ନକଲି ଋଣ ଥିଲେ ଏଭଳି ପରିସ୍ଥିତିରେ, ଆପଣଙ୍କୁ ଉଭୟ କ୍ରେଡିଟ୍ ବ୍ୟୁରୋ ଏବଂ କ୍ରେଡିଟ୍ ପ୍ରଦାନକାରୀ ବ୍ୟାଙ୍କ କିମ୍ବା କମ୍ପାନୀ ସହିତ ଯୋଗାଯୋଗ କରିବାକୁ ପଡିବ।

ସ୍କାମରମାନେ ପାନ କାର୍ଡ ବିବରଣୀ ପାଇବା ମାତ୍ରେ ଆପଣଙ୍କ ନାମରେ ନକଲି ଋଣ ନେଇଥାନ୍ତି । ତେଣୁ, ଏହାକୁ ଯତ୍ନର ସହିତ ବ୍ୟବହାର କଲେ ଆପଣ ନକଲି ଋଣ ପାରି ସାଇବର ଠକେଇରୁ ବଞ୍ଚି ପାରିବେ ।

ବ୍ୟୁରୋ ରିପୋର୍ଟ ଓଡ଼ିଶା ସମ୍ବାଦ