ଅଟଳ ବିହାରୀ ବାଜପେୟୀଙ୍କୁ ମନେପକାଇ ଭାବବିହ୍ବଳ ହେଲେ ମୋଦି

ନୂଆଦିଲ୍ଲୀ: ଆଜି ହେଉଛି ଭାରତ ରତ୍ନ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ୧୦୦ ତମ ଜନ୍ମ ଜୟନ୍ତୀ । ଏନେଇ ତାଙ୍କୁ ମନେପକାଉଛି ସାରା ଦେଶ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କୁ ମନେ ପକାଇ ଭାବବିହ୍ବଳ ହୋଇପଡିଛନ୍ତି । ମୋଦି ବାଜପେୟୀଙ୍କ ଉଦ୍ଦେଶ୍ୟରେ ଏକ ଭାବବିହ୍ବଳ ନୋଟ୍‌ ଲେଖିଛନ୍ତି ।

ପ୍ରଧାନମନ୍ତ୍ରୀ ମୋଦି ଅଟଳ ଜୀଙ୍କ କିଛି ଲେଖା ସେୟାର କରି ଲେଖିଛନ୍ତି ଯେ, ମୁଁ ମନ ଭରି ବଞ୍ଚିଲି, ମୁଁ ମନରୁ ମରିବି… ମୁଁ ଫେରି ଆସିବି, ମୃତ୍ୟୁକୁ କାହିଁକି ଭୟ କରିବି? ଅଟଳ ଜୀଙ୍କର ଏହି ଶବ୍ଦଗୁଡ଼ିକ କେତେ ନିର୍ଭିକ ଅଟେ । ଅଟଳ ଜୀ ମୃତ୍ୟୁକୁ କେବେ ଭୟ କରୁନଥିଲେ… ତାଙ୍କ ପରି ବ୍ୟକ୍ତିତ୍ୱ କାହାକୁ ଭୟ କରୁନଥିଲେ । ସେ କହୁଥିଲେ ଜୀବନ ହେଉଛି ନାମମାତ୍ର ଶିବିର, ଆଜି ଏଠି ତ ଆସନ୍ତାକାଲି ଆଉ କେଉଁଠି, କିଏ ଜାଣେ କେଉଁଠାରେ ହେବ ସକାଳ? ଯଦି ସେ ଆଜି ଆମ ମଧ୍ୟରେ ଥାଆନ୍ତେ, ତେବେ ସେ ତାଙ୍କ ଜନ୍ମଦିନରେ ଏକ ନୂଆ ସକାଳ ଦେଖିଥାନ୍ତେ ।

ଅଟଳ ବିହାରୀ ବାଜପେୟୀଙ୍କ ସ୍ମୃତି ମନେପକାଇ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ”ମୁଁ ସେ ଦିନ ଭୁଲି ନାହିଁ ଯେଉଁ ଦିନ ସେ ମୋତେ ଡାକିଥିଲେ ଏବଂ ମୋତେ ଜୋରରେ ଆଲିଙ୍ଗନ କରି ମୋ ପିଠିକୁ ଜୋରରେ ଥାପୁଡାଇ ଥିଲେ । ସେହି ସ୍ନେହ, ଭଲପାଇବା, ପ୍ରେମ… ମୋ ଜୀବନ ପାଇଁ ଏକ ବଡ଼ ଆଶୀର୍ବାଦ ଅଟେ । ଆଜି, ୨୫ ଡିସେମ୍ବର, ଭାରତୀୟ ରାଜନୀତି ଏବଂ ଭାରତୀୟ ଲୋକଙ୍କ ପାଇଁ ଉତ୍ତମ ଶାସନର ଏକ ଦୃଢ ଦିନ । ଆଜି ସମଗ୍ର ଦେଶ ଏହାର ଭାରତ ରତ୍ନ ଅଟଳ ଜୀଙ୍କୁ ମନେ ପକାଉଛି” ।

ପ୍ରଧାନମନ୍ତ୍ରୀ ଲେଖିଛନ୍ତି “ଏକ ବିଂଶ ଶତାଦ୍ଦୀର ଭାରତ ପରିବର୍ତ୍ତନର ସ୍ଥପତି ହୋଇଥିବାରୁ ଆମ ଦେଶ ସର୍ବଦା ଅଟଳଙ୍କ ନିକଟରେ କୃତଜ୍ଞ । ୧୯୯୮ ସମୟରେ ସେ ଦେଶର ପ୍ରଧାନମନ୍ତ୍ରୀ ପଦ ସମ୍ଭାଳିଥିଲେ । ଯେଉଁ ସମୟରେ ଦେଶ ରାଜନୀତିର ଅସ୍ଥିରତା ମଧ୍ୟରେ ଘେରି ରହିଥିଲା । ୯ ବର୍ଷରେ ଦେଶ ୪ ଥର ଲୋକସଭା ନିର୍ବାଚନ ଦେଖିଲା । ଲୋକଙ୍କ ଆଶଙ୍କା ଥିଲା ଏହି ସରକାରଙ୍କ ପ୍ରଶାସନ ପରିଚାଳନାରେ ସକ୍ଷମ ହେବେନି । ଅଟଳ ଜୀ ହିଁ ସ୍ଥିର ଓ ପ୍ରଭାବଶାଳୀ ଶାସନ ପ୍ରଦାନ କରି ଏହି ଧାରାକୁ ବଦଳାଇଥିଲେ । ଦେଶକୁ ନୂଆ ବିକାଶର ଗ୍ୟାରେଣ୍ଟି ଦେଇଥିଲେ ମୋଦି କହିଛନ୍ତି।

Today, on Atal Ji’s 100th birth anniversary, penned a few thoughts on his monumental contribution to our nation and how his efforts transformed many lives.https://t.co/mFwp6s0uNX

— Narendra Modi (@narendramodi) December 25, 2024

ସେ ଆହୁରି କହିଛନ୍ତି ଯେ, ସେ ଏପରି ଏକ ନେତା ଯାହାଙ୍କ ପ୍ରଭାବ ଆଜି ବି ଅଟଳ । ସେ ଭବିଷ୍ୟ ଭାରତ ପରିକଳ୍ପନା କରୁଥିଲେ । ତାଙ୍କ ସରକାର ଦେଶକୁ ଆଇଟି ଓ ଦୂରସଞ୍ଚାରକୁ ଦୁନିଆରେ ଦ୍ରୁତ ଗତିରେ ଆଗକୁ ବଢାଇଥିଲେ । ତାଙ୍କ ଶାସନକାଳରେ ଉନ୍ନତ ଜ୍ଞାନକୈଶଳକୁ ସାଧାରଣ ମାନବ ପର୍ଯ୍ୟନ୍ତ ପହଞ୍ଚିବା କାମର ଅୟ ଆରମ୍ଭ କରାଯାଇଥିଲା ।

ଅଟଳ ଜୀଙ୍କର ବକ୍ତବ୍ୟର ପ୍ରଶଂସା କରି ମୋଦି କହିଛନ୍ତି ଯେ, ସେ ନିଜ ଆଡକୁ ଲୋକଙ୍କୁ ଆକର୍ଷିତ କରୁଥିଲେ । କବିତା ଏବଂ ଶବ୍ଦରେ ତାଙ୍କର କୌଣସି ଜବାବ ନଥିଲା । ବିରୋଧୀମାନେ ମଧ୍ୟ ଅଟଳ ଜୀଙ୍କ ଭାଷଣର ପ୍ରଶଂସକ ଥିଲେ । ତାଙ୍କ ଦ୍ବାରା ସଂସଦରେ କୁହାଯାଇଥିବା ଏହି ବାକ୍ୟ ସବୁବେଳେ ସବୁ ଦିନ ପାଇଁ ସମସ୍ତଙ୍କ ମନରେ ରହିବ- ‘ସରକାର ଆସିବ, ଯିବ, ଦଳ ଗଠନ ହେବ ଏବଂ ଭାଙ୍ଗିବ । କିନ୍ତୁ ଏହି ଦେଶ ରହିବା ଉଚିତ୍ । ଆଜି ବି ଏହା ଆମ ମନରେ ମନ୍ତ୍ର ପରି ଗୁଞ୍ଜରଣ ହେଉଛି ବୋଲି ମୋଦି କହିଛନ୍ତି ।