ରାଉରକେଲା: ହକି ଇଣ୍ଡିଆ ଲିଗରେ ଘରୋଇ ଦଳର ଦବଦବା । କ୍ରମାଗତ ୨ୟ ବଜୟ ପରେ ପଏଣ୍ଟ ଟେବୁଲର ୩ୟ ସ୍ଥାନ ହାସଲ କରିଛି ବେଦାନ୍ତ କଳିଙ୍ଗ ଲାନସର୍ସ ।
ଗୁରୁବାର ଦିନ ରାଉରକେଲା ବିର୍ସା ମୁଣ୍ଡା ହକି ଷ୍ଟାଡିୟମରେ ଗୋନାସିକା ବିପକ୍ଷରେ ନିଜର ପଞ୍ଚମ ମ୍ୟାଚ ଖେଳିଛି କଳିଙ୍ଗ ଲାନସର୍ସ । ମ୍ୟାଚ ବେଶ୍ ପ୍ରତିଦ୍ବନ୍ଦିତାପୂର୍ଣ୍ଣ ହୋଇଥିଲା । ପ୍ରଥମ କ୍ବାର୍ଟରରେ
ଗୋନାସିକା ପକ୍ଷରୁ ୧୪ମିନିଟ୍ ରେ ଏସଭି ସୁନୀଲ ଗୋଲ୍ କରିଥିଲେ । ୨ୟ କ୍ବାର୍ଟରରେ କଳିଙ୍ଗ ପକ୍ଷରୁ ୨୮ ମିନିଟ୍ ରେ କିନା ଆଣ୍ଟୋଇନା ଗୋଲ କରି ମ୍ୟାଚକୁ ୧-୧ରେ ବରାବାର କରିଥିଲେ ।
୩ୟ କ୍ବାର୍ଟରରେ ୩୩ମିନିଟ୍ ରେ ଘରୋଇ ଦଳ କଳିଙ୍ଗ ପକ୍ଷରୁ ଅଧିନାୟକ ଆରାନ ଜଲେଓ୍ବେସିକ୍ ଗୋଲ୍ କରିକି ୨-୧ରେ ଆଗୁଆ ରହିଥିଲା । ବିପକ୍ଷ ଟିମ୍ ଗୋନାସିକା ଶେଷ ସେକେଣ୍ଡ ପର୍ୟ୍ୟନ୍ତ ଚେଷ୍ଟା କରିଥିଲେ ସୁଦ୍ଧା ପ୍ରୟାସରେ ବିଫଳ ହୋଇଥିଲା । ଶେଷରେ କଳିଙ୍ଗ ଲାନସର୍ସ ୨-୧ରେ ମ୍ୟାଚକୁ ନିଜ ନାଁରେ କରିଥିଲା । ତେବେ ପ୍ଲେୟାର ଅଫ୍ ଦି ମ୍ୟାଚର ପୁରସ୍କାର କିନା ଆଣ୍ଟୋଇନାକୁ ମିଳିଥିଲା ।
ଏହି ମ୍ୟାଚ ପରେ ୭ ପଏଣ୍ଟ ସହ ଘରୋଇ ଦଳ କଳିଙ୍ଗ ଲାନସର୍ସ ପଏଣ୍ଟ ଟେବୁଲରେ ୩ୟ ସ୍ଥାନରେ ରହିଛି । ପ୍ରଥମ ସ୍ଥାନରେ ୯ ପଏଣ୍ଟ ସହ ବଙ୍ଗେଲ ଟାଇଗର୍ସ ଓ ୮ ପଏଣ୍ଟ ୨ୟ ସ୍ଥାନରେ ତାମିଲନାଡୁ ଡ୍ରାଗନ୍ସ ରହିଛି ।
ଆଜି ବଙ୍ଗେଲ ଟାଇଗର୍ସ ଓ ଅମିତ ରୋହିଦାସଙ୍କ ନେତୃତ୍ବରେ ତାମିଲନାଡୁ ଡ୍ରାଗନ୍ସ ମଧ୍ୟରେ ମ୍ୟାଚ ଖେଳାଯିବ ।