ଭାରତର ‘ଭୂତିଆ’ ରେଳ ଷ୍ଟେସନ, ଲୋକମାନେ ଏଠାକୁ ଯିବାକୁ କରନ୍ତି ଭୟ

ଭୁବନେଶ୍ବର: ହଣ୍ଟେଡ ପ୍ଲେସ ବିଷୟରେ ଯେତିକି ଶୁଣିବାକୁ ଇଚ୍ଛା ହୁଏ ସେହି ସ୍ଥାନକୁ ଯିବାକୁ ସେତେ ଡର ବି ଲାଗେ। ଆମ ଭାରତରେ ଏପରି ରେଳ ଷ୍ଟେସନ୍ ଅଛି ସେହି ସ୍ଥାନ ହଣ୍ଟେଡ ରେଳ ଷ୍ଟେସନ୍ ଭାବରେ ପରିଚିତ । ଆଜି ଆମେ ଆପଣଙ୍କୁ ଏପରି କିଛି ରେଳ ଷ୍ଟେସନ ବିଷୟରେ କହିବୁ ଯାହା ବିଷୟରେ ଅନେକ ଲୋକକଥା ପ୍ରଚଳିତ ଅଛି ।

ପଶ୍ଚିମବଙ୍ଗର ବେଗୁନକୋଦର ରେଳ ଷ୍ଟେସନ

ପଶ୍ଚିମବଙ୍ଗର ପୁରୂଲିଆ ଜିଲ୍ଲାରେ ଅବସ୍ଥିତ ବେଗୁନକୋଦର ରେଳ ଷ୍ଟେସନ ସବୁଠାରୁ ହଣ୍ଟେଡ ରେଳ ଷ୍ଟେସନ ମଧ୍ୟରେ ଗଣାଯାଏ । କୁହାଯାଏ ଯେ, ଏଠାକୁ ଆସୁଥିବା ଅନେକ ଯାତ୍ରୀ ଧଳା ଶାଢୀ ପିନ୍ଧିଥିବା ମହିଳା ଭୂତ ଦେଖିଛନ୍ତି। ଏହା ବ୍ୟତୀତ, ଏହି ଷ୍ଟେସନ ସହିତ ଜଡିତ ଆହୁରି ଅନେକ ଭୟଭୀତ କଲାଭଳି କାହାଣୀ ଅଛି । ସେଠାକାର ବାସିନ୍ଦା ଭୂତିଆ ଷ୍ଟେସନ ଭାବେ ଦାବି କରିଥିଲେ ତେଣୁ ଏହାକୁ ୪୨ ବର୍ଷ ପର୍ଯ୍ୟନ୍ତ ବନ୍ଦ ରଖାଯାଇଥିଲା ।

ନୈନୀ ରେଳ ଷ୍ଟେସନ, ୟୁପି

 

ଉତ୍ତରପ୍ରଦେଶର ପ୍ରୟାଗରାଜ ଜିଲ୍ଲା ନିକଟରେ ନୈନୀ ଜେଲରେ ବ୍ରିଟିଶମାନଙ୍କ ନିର୍ଯାତନା ଯୋଗୁଁ ଅନେକ ଭାରତୀୟଙ୍କର ମୃତ୍ୟୁ ଘଟିଥିଲା। ଏହି ଜେଲଠାରୁ ଅଳ୍ପ ଦୂରରେ ନୈନୀ ରେଳ ଷ୍ଟେସନ ଅବସ୍ଥିତ । ଯଦିଓ ଏଠାରେ କୌଣସି ଅଘଟଣ ଘଟିନାହିଁ, ତଥାପି ଲୋକମାନେ ଏହା ବିଷୟରେ ଏକ ଅଜବ ଧାରଣା ରଖିଛନ୍ତି । ଅନେକ ଲୋକ ବିଶ୍ବାସ କରନ୍ତି ଯେ ଆତ୍ମାମାନେ ଷ୍ଟେସନ ନିକଟରେ ବୁଲନ୍ତି ଏବଂ ରାତିରେ କାନ୍ଦିବା ଏବଂ ଚିତ୍କାର ଶବ୍ଦ ଶୁଣାଯାଏ ।

ମୁଲୁଣ୍ଡ ଷ୍ଟେସନ, ମୁମ୍ବାଇ

ମୁମ୍ବାଇରେ ଅବସ୍ଥିତ ମୁଲୁଣ୍ଡ ଷ୍ଟେସନରେ ମଧ୍ୟ ଦେଶର ହଣ୍ଟେଡ ରେଳ ଷ୍ଟେସନ ମଧ୍ୟରେ ଗଣାଯାଏ | ଏହି ଷ୍ଟେସନକୁ ଆସୁଥିବା ଲୋକମାନେ ଦାବି କରନ୍ତି ଯେ, ସେମାନେ ସନ୍ଧ୍ୟା ପରେ ଚିତ୍କାର ଏବଂ କାନ୍ଦିବାର ଶବ୍ଦ ଶୁଣିଛନ୍ତି । ଲୋକମାନେ ବିଶ୍ବାସ କରନ୍ତି ଯେ, ଏହି ସ୍ୱରଗୁଡ଼ିକ ସେହି ଲୋକଙ୍କର, ଯେଉଁମାନେ ଏହି ଷ୍ଟେସନରେ କିଛି ଅଘଟଣର ଶିକାର ହୋଇଥିଲେ ।

ଚିତ୍ତୋର ରେଳ ଷ୍ଟେସନ,ଆନ୍ଧ୍ରପ୍ରଦେଶ

ଆନ୍ଧ୍ରପ୍ରଦେଶର ଚିତ୍ତୋର ଜିଲ୍ଲାରେ ଅବସ୍ଥିତ ଚିତ୍ତୋର ରେଳ ଷ୍ଟେସନ ନିକଟରେ ରହୁଥିବା ଲୋକମାନେ କୁହନ୍ତି ଯେ ଥରେ ହରି ସିଂ ନାମକ ଜଣେ ସିଆରପିଏଫ୍ ଯବାନ ଷ୍ଟେସନରେ ଟ୍ରେନରୁ ଓହ୍ଲାଇଥିଲେ। ଟ୍ରେନରୁ ଓହ୍ଲାଇବା ପରେ ହରି ସିଂଙ୍କୁ ଆରପିଏଫ ଯବାନ ଏବଂ ଟିଟିଇ ଏତେ ମାଡ ମାରିଥିଲେ ଯେ ସେଠାରେ ତାଙ୍କର ମୃତ୍ୟୁ ଘଟିଥିଲା । ସେବେଠାରୁ ଷ୍ଟେସନ ନିକଟରେ ରହୁଥିବା ଲୋକମାନେ ଅନେକ ଅଜବ ଘଟଣା ଅନୁଭବ କରିଛନ୍ତି ।

ବାରୋଗ ରେଳ ଷ୍ଟେସନ, ହିମାଚଳ ପ୍ରଦେଶ

 

ବାରୋଗ ରେଳ ଷ୍ଟେସନ ହିମାଚଳ ପ୍ରଦେଶର ସୋଲନ ଜିଲ୍ଲାରେ ଅଛି । କାଲକା-ଶିମଳା ରେଳ ମାର୍ଗରେ ଥିବା ଏହି ଛୋଟ ରେଳ ଷ୍ଟେସନ ଦେଖିବା ପାଇଁ ଯେତିକି ସୁନ୍ଦର, ସେତିକି ଭୟାନକ ବୋଲି କୁହାଯାଏ । ଷ୍ଟେସନ ନିକଟରେ ବାରୋଗ ନାମକ ଏକ ଟନେଲ ଅଛି । ବାରୋଗ ଟନେଲକୁ ବ୍ରିଟିଶ ଇଞ୍ଜିନିୟର କର୍ଣ୍ଣେଲ ବାରୋଗ ନିର୍ମାଣ କରିଥିଲେ। ପରେ ସେ ଆତ୍ମହତ୍ୟା କରିଥିଲେ। ଏଠାରେ କାମ କରିଥିବା ଲୋକମାନେ କୁହନ୍ତି ଯେ କର୍ଣ୍ଣେଲ ବାରୋଗଙ୍କ ଆତ୍ମା ​​ଏହି ଟନେଲରେ ବୁଲୁଛି ।

 

ବିଶେଷ ସୂଚନା- ଏହି ସୂଚନା ଇଣ୍ଟରନେଟରେ ଉପଲବ୍ଧ ରିପୋର୍ଟ ଉପରେ ଆଧାରିତ ।