ମୁମ୍ବାଇ: ଆମିର ଖାନଙ୍କ ବୟସ ୬୦ ବର୍ଷ। ଦୁଇ ସ୍ତ୍ରୀଙ୍କୁ ଛାଡପତ୍ର ଦେଇଥିବା ଆମିର ତିନୋଟି ସନ୍ତାନର ପିତା। ବୟସର ଅପରାହ୍ନରେ ସେ ଏବେ ଗୌରୀ ସ୍ପ୍ରେଟଙ୍କୁ ଡେଟ୍ କରୁଛନ୍ତି। ତାଙ୍କ ଜନ୍ମଦିନ ଅବସରରେ ସେ ସମସ୍ତଙ୍କୁ ତାଙ୍କ ପ୍ରେମିକାଙ୍କ ସହ ପରିଚିତ କରାଇଥିଲେ। ଯାହାକୁ ନେଇ ଚର୍ଚ୍ଚା ଜୋର ଧରିଛି। ଏବେ ଫିଲ୍ମ ନିର୍ମାତା ବିକ୍ରମ ଭଟ୍ଟ ମଧ୍ୟ ଅଭିନେତାଙ୍କ ଏହି ପ୍ରେମ ସମ୍ପର୍କ ଉପରେ ନିଜର ମତ ଦେଇଛନ୍ତି।
ଗୌରୀ ସ୍ପ୍ରେଟ୍ ଜଣେ ବେଙ୍ଗାଲୁରୁର ବ୍ୟବସାୟୀ ଏବଂ ତାଙ୍କର ଏକ ୬ ବର୍ଷର ପୁଅ ଅଛି। ସେ ଅଭିନେତା ଆମିର ଖାନଙ୍କୁ ଦୁଇ ଦଶନ୍ଧି ଧରି ଜାଣିଛନ୍ତି କିନ୍ତୁ ୧୮ ମାସ ପୂର୍ବେ ଦୁହିଁଙ୍କ ପ୍ରେମ ସମ୍ପର୍କ ଗଢି ଉଠିଛି। ‘ଇଟାଇମ୍ସ’ ସହିତ ଗପସପ୍ ବେଳେ ସେ କହିଥିଲେ, ‘ଯଦି ମୁଁ ୫୦ ବର୍ଷ ବୟସରେ ବିବାହ କରିପାରିବି, ତେବେ ଆମିର ଖାନ ୬୦ ବର୍ଷ ବୟସରେ ଜୀବନସାଥୀ କାହିଁକି ପାଇପାରିବେ ନାହିଁ?’
ବିକ୍ରମ ଭଟ୍ଟ କହିଥିଲେ ଯେ ବୟସ କେବଳ ଏକ ସଂଖ୍ୟା, ‘ସୁଖ ଏବଂ ପାଣିର କୌଣସି ବୟସ ନାହିଁ।’ ଜୀବନ ଆଗକୁ ବଢ଼ୁଥିବା ବେଳେ ଖୁସି ପାଇବାର କୌଣସି ବୟସ ନାହିଁ। ତୁମର ହାତ ଧରିବା ପାଇଁ କେହି ଜଣେ ରହିବା ଉଚିତ, ତୁମକୁ ବୁଝିବା ପାଇଁ କେହି ଜଣେ ରହିବା ଉଚିତ, ସବୁକିଛି ଠିକ୍ ହୋଇଯିବ ବୋଲି କହିବା ପାଇଁ କେହି ଜଣେ ରହିବା ଉଚିତ।
Comments are closed.