ବ୍ରହ୍ମପୁର: ଗଞ୍ଜାମ ଜିଲ୍ଲାର କୋଦଳା ସବ-ଜେଲ ପରିସରରେ ଦୁଷ୍କର୍ମ ଅଭିଯୁକ୍ତ ଜଣେ ବିଚାରାଧୀନ କଏଦୀଙ୍କ ବିବାହ ଉତ୍ସବ ଅନୁଷ୍ଠିତ ହୋଇଯାଇଛି।
ପୋଲସରା ଥାନା ଅନ୍ତର୍ଗତ ଗୋଛାବାଡିର ବାସିନ୍ଦା ସୂର୍ଯ୍ୟକାନ୍ତ ବେହେରା ନଭେମ୍ବର ୨୦୨୪ରୁ ଜେଲରେ ବନ୍ଦୀ ହୋଇରହିଛନ୍ତି। ସେ ନିଜର ୨୨ ବର୍ଷୀୟ ପ୍ରେମିକାଙ୍କ ସହିତ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ଯିଏକି ତାଙ୍କ ବିରୁଦ୍ଧରେ ଦୁଷ୍କର୍ମ ଅଭିଯୋଗ ଆଣିଥିଲେ।
ସୂଚନା ଅନୁଯାୟୀ, ସେ ଗୁଜୁରାଟର ସୁରଟରେ କାମ କରୁଥିଲେ। ପରବର୍ତ୍ତୀ ସମୟରେ ଉଭୟ ପରିବାର ସେମାନଙ୍କର ମତଭେଦ ସମାଧାନ କରିଥିଲେ। ଯାହାପରେ ଦୁହେଁ ବିବାହ ବନ୍ଧନରେ ଆବଦ୍ଧ ହୋଇଥିଲେ। ବିବାହ ପରେ ବର ଜେଲକୁ ଫେରି ଯାଇଥିଲା ବେଳେ କନ୍ୟା ଘରକୁ ଚାଲିଯାଇଥିଲେ।
Comments are closed.