ବୈଦିକ ରୀତିନୀତିରେ ଖୋଲିଲା ବାବା କେଦାରନାଥଙ୍କ ମନ୍ଦିର ଦ୍ବାର

ଡେରାଡୁନ୍: ଦୀର୍ଘ ଛଅ ମାସ ପରେ ଉତ୍ତରାଖଣ୍ଡରେ ଖୋଲିଲା ବାବା କେଦାରନାଥଙ୍କ ମନ୍ଦିର ଦ୍ବାର । ଆଜି ସକାଳ ୭ଟାରେ ବୈଦିକ ରୀତିନୀତିରେ ଖୋଲା ହୋଇଛି ଦ୍ବାର । ଏହି ସମୟରେ ହରହର ମହାଦେବ, ଜୟ ଭବାନୀ, ଜୟ ବାବା କେଦାରନାଙ୍କର ଜୟ, ଘଣ୍ଟ ଘଣ୍ଟା ଓ ଓଁକାର ଧ୍ବନୀରେ ପ୍ରକମ୍ପିତ ହେଲା ଗଗନ ପବନ ।

ଏହି ଅବସରରେ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ଶ୍ରଦ୍ଧାଳୁଙ୍କୁ ସ୍ବାଗତ କରିବା ସହ ନିଜେ ମନ୍ଦିର ଭିତରକୁ ଯାଇ ବାବାଙ୍କ ଦର୍ଶନ କରିଥିଲେ । ଶ୍ରଦ୍ଧାଳୁଙ୍କ ଉପରେ ଆକାଶ ମାର୍ଗରୁ ହେଲିକପ୍ଟରରେ ପୁଷ୍ପ ବର୍ଷା କରାଯାଇଥିଲା । ତେବେ ମୋଟ୍ ୧୦୮ କ୍ବିଣ୍ଟାଲ ଫୁଲରେ ସଜା ହୋଇଛି କେଦାରନାଥ ଧାମ ।

ଏହି ଅବସରରେ, ହିମାଳୟରେ ଅବସ୍ଥିତ ଏହି ମନ୍ଦିରକୁ ଭାରତ ଏବଂ ବିଦେଶରୁ ଅଣାଯାଇଥିବା ୧୦୮ କ୍ୱିଣ୍ଟାଲର ବିଭିନ୍ନ ପ୍ରକାରର ଫୁଲରେ ସଜାଯାଇଥିଲା । ମନ୍ଦିର ଖୋଲିବା ମାତ୍ରେ ବାହାରେ ଅପେକ୍ଷା କରି ରହିଥିବା ଶ୍ରଦ୍ଧାଳୁ ମାନେ ଅତି ଉତ୍ସାହର ସହ ଯାଇ ବାବା କେଦାରଙ୍କୁ ଦର୍ଶନ କରିଛନ୍ତି ।

#WATCH | Uttarakhand: Portals of Shri Kedarnath Dham open for the devotees from today; CM Pushkar Singh Dhami also present here on the occasion.

A band of the Indian Army's Garhwal Rifles played devotional tunes on the occasion. pic.twitter.com/QkBZAG3Jc7

— ANI (@ANI) May 2, 2025

କେଦାରନାଥ ଧାମ ରୁଦ୍ରପ୍ରୟାଗ ଜିଲ୍ଲାରେ ସମୁଦ୍ର ପତ୍ତନରୁ ୧୧,୦୦୦ ଫୁଟରୁ ଅଧିକ ଉଚ୍ଚତାରେ ଅବସ୍ଥିତ । ମନ୍ଦିର ସଜାଇବାରେ ନିୟୋଜିତ ସ୍ୱେଚ୍ଛାସେବକଙ୍କ ଦଳର ନେତୃତ୍ୱ ନେଉଥିବା ଗୁଜରାଟର ଭଦୋଦରାର ବାସିନ୍ଦା ଶ୍ରୁଜଲ ବ୍ୟାସ କହିଛନ୍ତି ଯେ, ସାଜସଜ୍ଜା ପାଇଁ ଗୋଲାପ ଏବଂ ଗେଣ୍ଡୁ ସମେତ ୫୪ ପ୍ରକାରର ଫୁଲ ବ୍ୟବହାର କରାଯାଇଛି । ସେ କହିଛନ୍ତି ଯେ ଏହି ଫୁଲଗୁଡ଼ିକ ନେପାଳ, ଥାଇଲ୍ୟାଣ୍ଡ ଏବଂ ଶ୍ରୀଲଙ୍କା ବ୍ୟତୀତ ଦିଲ୍ଲୀ, କଶ୍ମୀର, ପୁଣେ, କୋଲକାତା ଏବଂ ପାଟନାରୁ ଅଣାଯାଇଛି । ବ୍ୟାସ କହିଛନ୍ତି ଯେ ଗେଣ୍ଡୁ ଫୁଲଗୁଡ଼ିକ ବିଶେଷ ଭାବରେ କୋଲକାତାର ଏକ ନିର୍ଦ୍ଦିଷ୍ଟ ଗାଁରୁ ଅଣାଯାଇଥାଏ କାରଣ ସ୍ଥାନୀୟ ପ୍ରକାର ପରି, ଏଗୁଡ଼ିକ ଶୀଘ୍ର ଶୁଖିଯାଏ ନାହିଁ ଏବଂ ହାରାହାରି ୧୦-୧୫ ଦିନ ପାଇଁ ସତେଜ ରହିଥାଏ ।