‘ରାମ ପୌରାଣିକ ବ୍ୟକ୍ତିତ୍ଵ’: ରାହୁଲଙ୍କ ମନ୍ତବ୍ୟକୁ ‘ହିନ୍ଦୁ ବିରୋଧୀ’ କହି ବର୍ଷିଲା ବିଜେପି 

ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ଏବେ ଆମେରିକା ଗସ୍ତରେ ଯାଇଛନ୍ତି। ସେଠି ଆମେରିକା ବିଶ୍ୱବିଦ୍ୟାଳୟରେ ଏକ ଆଲୋଚନା ସମୟରେ ପ୍ରଭୁ ରାମଙ୍କୁ “ପୌରାଣିକ ବ୍ୟକ୍ତିତ୍ୱ” ବୋଲି ପରିପ୍ରକାଶ କରିବା ପରେ ଏହାକୁ ନେଇ ଏବେ ତୁମ୍ବିତୋଫନ ସୃଷ୍ଟି କରିଛି ବିଜେପି। ରାହୁଲଙ୍କ ଏହି ମନ୍ତବ୍ୟ ତାଙ୍କ ଦଳର ‘ହିନ୍ଦୁ ବିରୋଧୀ ମାନସିକତାକୁ ଦର୍ଶାଇଥିବା ବେଳେ କହି ରାହୁଲଙ୍କୁଙ୍କୁ “ରାମ ବିରୋଧୀ” ଆଖ୍ୟା ଦେଇଛି ବିଜେପି।

ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀ, ବ୍ରାଉନ୍ ବିଶ୍ୱବିଦ୍ୟାଳୟର ୱାଟସନ ଇନଷ୍ଟିଚ୍ୟୁଟ୍ ଫର୍ ଇଣ୍ଟରନ୍ୟାସନାଲ ଆଣ୍ଡ ପବ୍ଲିକ୍ ଆଫେୟାର୍ସରେ ଯୋଗ ଦେଇଥିବା ବେଳେ ରାମଙ୍କ ଉପରେ ଏହି ମନ୍ତବ୍ୟ ଦେଇଥିଲେ। ଯେତେବେଳେ ତାଙ୍କୁ ପ୍ରଶ୍ନ କରାଯାଇଥିଲା, ହିନ୍ଦୁ ଜାତୀୟତାବାଦର ପ୍ରାଧାନ୍ୟ ଥିବା ଯୁଗରେ ସମସ୍ତ ସମ୍ପ୍ରଦାୟକୁ ଗ୍ରହଣ କରୁଥିବା ଧର୍ମନିରପେକ୍ଷ ରାଜନୀତି କିପରି ପ୍ରସ୍ତୁତ ହେବା ଉଚିତ? ଯାହାର ଉତ୍ତରରେ ରାହୁଲ କହିଥିଲେ, ଭାରତର କୌଣସି ମହାନ ସମାଜ ସଂସ୍କାରକ ଏବଂ ରାଜନୈତିକ ଚିନ୍ତାଧାରାଙ୍କ ଧର୍ମାନ୍ଧ ନଥିଲେ। ଆମର ସମସ୍ତ ପୌରାଣିକ ବ୍ୟକ୍ତି, ପ୍ରଭୁ ରାମ ସେହି ପ୍ରକାରର ଥିଲେ। ସେ କ୍ଷମାଶୀଳ ଥିଲେ, ସେ କରୁଣାମୟ ଥିଲେ। ବିଜେପି ଯାହା କହୁଛି ତାହା ମୁଁ ହିନ୍ଦୁ ଧାରଣା ବୋଲି ବିବେଚନା କରେ ନାହିଁ। ତେଣୁ ସେ ବିଜେପିର ଚିନ୍ତାଧାରାକୁ ହିନ୍ଦୁ ବୋଲି ବିବେଚନା କରନ୍ତି ନାହିଁ।

ମୁଁ ହିନ୍ଦୁ ଧାରଣାକୁ ବହୁତ ଅଧିକ ବହୁଳବାଦୀ, ବହୁତ ଅଧିକ ଆଲିଙ୍ଗନକାରୀ, ବହୁତ ଅଧିକ ସ୍ନେହପୂର୍ଣ୍ଣ, ବହୁତ ଅଧିକ ସହିଷ୍ଣୁ ଏବଂ ଖୋଲା ବୋଲି ବିବେଚନା କରେ ବୋଲି କହିଛନ୍ତି ରାହୁଲ। ପ୍ରତ୍ୟେକ ରାଜ୍ୟ ଏବଂ ସମ୍ପ୍ରଦାୟରେ ଏପରି ଲୋକ ଅଛନ୍ତି ଯେଉଁମାନେ ସେହି ଧାରଣା ପାଇଁ ଠିଆ ହୋଇଥିଲେ, ସେହି ଧାରଣା ପାଇଁ ବଞ୍ଚିଥିଲେ ଏବଂ ସେହି ଧାରଣା ପାଇଁ ମୃତ୍ୟୁବରଣ କରିଥିଲେ। ଗାନ୍ଧୀଜୀ ସେମାନଙ୍କ ମଧ୍ୟରୁ ଜଣେ। ମୋ ପାଇଁ, ଲୋକଙ୍କ ବିରୁଦ୍ଧରେ ଘୃଣା ଏବଂ କ୍ରୋଧ ଭୟରୁ ଆସିଥାଏ। ଯଦି ଆପଣ ଭୟଭୀତ ନୁହଁନ୍ତି, ତେବେ ଆପଣ କାହାକୁ ଘୃଣା କରନ୍ତି ନାହି।

ଯାହାକୁ କଡ଼ା ଟାର୍ଗେଟ କରିଛି ବିଜେପି। ସାମାଜିକ ଗଣମାଧ୍ୟମରେ ସାକ୍ଷାତକାରର ଏକ କ୍ଲିପ୍ ସେୟାର କରି, ବିଜେପି ନେତାମାନେ କଂଗ୍ରେସ ସାଂସଦଙ୍କୁ ଟାର୍ଗେଟ କରି କହିଛନ୍ତି, ସେମାନେ ରାମ ମନ୍ଦିର ନିର୍ମାଣକୁ ବିରୋଧ ମଧ୍ୟ କରିଥିଲେ। ହିନ୍ଦୁ ଏବଂ ଭଗବାନ ରାମଙ୍କୁ ଅପମାନିତ କରିବା କଂଗ୍ରେସ ଦଳର ପରିଚୟ ପାଲଟିଛି। ଯେଉଁମାନେ ଏକ ଶପଥପତ୍ର ମାଧ୍ୟମରେ ଭଗବାନ ରାମଙ୍କ ଅସ୍ତିତ୍ୱକୁ ପ୍ରତ୍ୟାଖ୍ୟାନ କରିଥିଲେ, ରାମ ମନ୍ଦିର ନିର୍ମାଣକୁ ବିରୋଧ କରିଥିଲେ, ‘ହିନ୍ଦୁ ଆତଙ୍କବାଦ’ ବାକ୍ୟାଂଶ ପ୍ରସ୍ତୁତ କରିଥିଲେ, ସେମାନେ ଏବେ ରାହୁଲ ଗାନ୍ଧୀଙ୍କୁ ‘ପୌରାଣିକ’ ବୋଲି କହିଛନ୍ତି। ରାହୁଲ ଗାନ୍ଧୀ ଏବଂ ସୋନିଆ ଗାନ୍ଧୀ ରାମ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମରେ ଯୋଗ ଦେଇ ନଥିଲେ। ଏହା ସେମାନଙ୍କର ରାମ ବିରୋଧୀ ଏବଂ ହିନ୍ଦୁ ବିରୋଧୀ ମାନସିକତାକୁ ଦର୍ଶାଏ। ସେମାନେ ପାକିସ୍ତାନର ଭାଷା କୁହନ୍ତି, ଶକ୍ତିଗୁଡ଼ିକର ମନୋବଳକୁ ଆଘାତ କରନ୍ତି। ସେମାନେ ରାମ ବିରୋଧୀ ଏବଂ ଭାରତ ବିରୋଧୀ ଏବଂ ଲୋକମାନେ ଏହାକୁ କ୍ଷମା କରିବେ ନାହିଁ ବୋଲି ଏକ୍ସ ରେ ଲେଖିଛନ୍ତି, ବିଜେପି ମୁଖପାତ୍ର ଶେହଯାଦ ପୁନେୱାଲା।

ସେହିପରି ବିଜେପିର ଅନ୍ୟ ଜଣେ ମୁଖପାତ୍ର ପ୍ରଦୀପ ଭଣ୍ଡାରୀ କହିଛନ୍ତି, ପ୍ରଭୁ ଶ୍ରୀ ରାମ କେବଳ ଏକ ପୌରାଣିକ ବ୍ୟକ୍ତି ଥିଲେ, ଏହା କଂଗ୍ରେସର ମାନସିକତା। ହିନ୍ଦୁ ବିଶ୍ୱାସକୁ ଉପହାସ କରନ୍ତୁ, ପ୍ରଭୁ ରାମଙ୍କୁ ପ୍ରଶ୍ନ କରନ୍ତୁ, ଏବଂ ନିର୍ବାଚନ ସମୟରେ ସନାତନ ପ୍ରତି ନକଲି ପ୍ରେମ କରନ୍ତୁ। କଂଗ୍ରେସ ସ୍ପଷ୍ଟ ଭାବରେ ହିନ୍ଦୁ ବିରୋଧୀ! ବୋଲି କହି କଂଗ୍ରେସ ଉପରେ ବର୍ଷିଛି ବିଜେପି।