ଉତ୍ତର ସିକ୍କିମରେ ଭୂସ୍ଖଳନ: ଫସିଥିବା ୧୧୩ ପର୍ଯ୍ୟଟକଙ୍କ ନିକଟରେ ପହଞ୍ଚିଲେ ଭାରତୀୟ ସେନା, ଉଦ୍ଧାର କାର୍ଯ୍ୟ ଜାରି

ସିକ୍କିମ:ଉତ୍ତର ସିକ୍କିମରେ ଏକ ବଡ଼ ଧରଣର ଭୂସ୍ଖଳନ ଯୋଗୁଁ ବ୍ୟାପକ କ୍ଷୟକ୍ଷତି ହୋଇଛି। ଲାଚେନ ହେଉଛି ଉତ୍ତର ସିକିମର ଏକ ପ୍ରମୁଖ ପର୍ଯ୍ୟଟନ ସ୍ଥଳ। ଭୂସ୍ଖଳନ ଯୋଗୁଁ ଏହା ମୁଖ୍ୟଭୂମିରୁ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଯାଇଥିଲା। ଭାରତୀୟ ସେନା ଏକ ପାଦଚଲା ରାସ୍ତା ତିଆରି କରି ବୃଦ୍ଧ ଏବଂ ପିଲାମାନଙ୍କ ସମେତ ୧୧୩ ଜଣ ଫସି ରହିଥିବା ପର୍ଯ୍ୟଟକଙ୍କ ନିକଟରେ ପହଞ୍ଚିଛନ୍ତି । ବାୟୁସେନାର Mi-17 ହେଲିକପ୍ଟର ସହିତ ସେନାର ଉଦ୍ଧାର କାର୍ଯ୍ୟ ଜାରି ରହିଛି।

ଜୁନ୍ ୩ ତାରିଖରେ, ବାୟୁସେନା ହେଲିକପ୍ଟର ସାହାଯ୍ୟରେ କିଛି ବିଦେଶୀ ନାଗରିକଙ୍କ ସମେତ ୩୦ ଜଣ ପର୍ଯ୍ୟଟକଙ୍କୁ ସୁରକ୍ଷିତ ଭାବରେ ସ୍ଥାନାନ୍ତର କରାଯାଇଥିଲା। ବାକି ଲୋକଙ୍କୁ ଯଥାଶୀଘ୍ର ସ୍ଥାନାନ୍ତର କରିବା ପାଇଁ ଯୋଜନା ପ୍ରସ୍ତୁତ କରାଯାଉଛି। ସେନାର ତ୍ୱରିତ କାର୍ଯ୍ୟାନୁଷ୍ଠାନ ଏହି ଦୁର୍ଗମ ଗାଁରେ ଫସି ରହିଥିବା ଲୋକଙ୍କ ପାଇଁ ଆଶାର କିରଣ ପାଲଟିଛି ।

ସୋମବାର ଦିନ ସ୍ଥାନୀୟ ପ୍ରଶାସନ ଉତ୍ତର ସିକିମର ଲାଚେନ ଏବଂ ଲାଚୁଙ୍ଗରେ ଫସି ରହିଥିବା ୧,୨୦୦ ରୁ ଅଧିକ ପର୍ଯ୍ୟଟକଙ୍କୁ ସୁରକ୍ଷିତ ଭାବରେ ଉଦ୍ଧାର କରିଛି।

In the wake of a devastating landslide in North Sikkim, the #IndianArmy is leading relentless search and rescue operations under extreme weather and hazardous terrain. Lachen village, completely cut off, has been reached on foot, with 113 stranded tourists located—30 of them,… pic.twitter.com/b34EBSHetn

— Ministry of Defence, Government of India (@SpokespersonMoD) June 4, 2025

ସେହିପରି ମଣିପୁର ଏବଂ ତ୍ରିପୁରାରେ ବନ୍ୟା ଯୋଗୁଁ ସାଧାରଣ ଜୀବନଯାତ୍ରା ଗୁରୁତର ଭାବରେ ପ୍ରଭାବିତ ହୋଇଛି। ଏଠାକାର ନାଗରିକମାନଙ୍କୁ ସାହାଯ୍ୟ କରିବା ପାଇଁ ଅପରେସନ୍ ଜଳ ରାହତ-୨ ଅଧୀନରେ ଆସାମ ରାଇଫଲ୍ସକୁ ବ୍ୟାପକ ଭାବରେ ନିୟୋଜିତ କରାଯାଇଛି।

In response to the devastating landslides in Sikkim, the #IndianAirForce has launched intensive #HADR operations. #IAF Mi-17 helicopters are airlifting essential relief supplies and deploying @NDRFHQ teams to remote, inaccessible regions. Demonstrating exemplary courage and… pic.twitter.com/gEerpmXGtQ

— Ministry of Defence, Government of India (@SpokespersonMoD) June 4, 2025

ଭାରତୀୟ ସେନା ପ୍ରତ୍ୟେକ ମୁହୂର୍ତ୍ତରେ ନିଜର ଉତ୍ସର୍ଗୀକୃତତାକୁ ପ୍ରମାଣିତ କରିଛି ଯେ ‘ପ୍ରତିଟି ଜୀବନ ଆମ ପାଇଁ ଗୁରୁତ୍ୱପୂର୍ଣ୍ଣ।’