ବ୍ରହ୍ମପୁର: ଗୋପାଳପୁର ଗଣଦୁଷ୍କର୍ମ ମାମଲାରେ ଛଅ ଜଣ ଅଭିଯୁକ୍ତଙ୍କୁ ଅଧିକ ପଚରାଉଚରା ପାଇଁ ରିମାଣ୍ଡରେ ନେଇଥିବା କ୍ରାଇମବ୍ରାଞ୍ଚ (ସିବି) ବୁଧବାର ଦିନ କ୍ରାଇମସିନ ରିକ୍ରିଏଟ କରିପାରେ।
ସୋମବାର କୋର୍ଟ ଅଭିଯୁକ୍ତମାନଙ୍କୁ ୨ ଦିନିଆ ରିମାଣ୍ଡରେ ନେବାକୁ ମଞ୍ଜୁର କରିଛନ୍ତି। ସେମାନେ ହେଲେ – ପାଟପୁର ଗ୍ରାମର କୁନାଲ ପ୍ରଧାନ, ବାରୁପଡାର ବାବୁରାମ ଦଳାଇ ଏବଂ ଲକ୍ଷ୍ମଣ ପ୍ରଧାନ, ସିକିରିର ଓମ୍ ପ୍ରଧାନ ଏବଂ ପୁରୁଷୋତ୍ତମପୁରର ଦୀପକ ତରାଇ ଏବଂ ପ୍ରମୋଦ ନାୟକ।
ସୂଚନା ଅନୁଯାୟୀ, କ୍ରାଇମବ୍ରାଞ୍ଚ ଆଇଜି ଏସ ସାଇନିଙ୍କ ତତ୍ତ୍ୱାବଧାନରେ ପ୍ରଥମ ଦିନର ଜେରା ପ୍ରାୟ ତିନି ଘଣ୍ଟା ଧରି ଚାଲିଥିଲା। ଛଅ ଜଣ ଅଭିଯୁକ୍ତଙ୍କୁ ଦ୍ୱିତୀୟ ଦିନରେ ମଧ୍ୟ ପଚରାଉଚରା କରାଯାଇଥିଲା। ଘଟଣାର ସମୟସୀମା ପାଇଁ ତଦନ୍ତକାରୀ ଟିମ୍ କ୍ରାଇମସିନ ରିକ୍ରିଏଟ କରିପାରନ୍ତି।
ଉଲ୍ଲେଖଯୋଗ୍ୟ, ଜୁନ୍ ୧୫ ତାରିଖରେ ଗୋପାଳପୁର ସମୁଦ୍ର ବେଳାଭୂମିରେ ଘଟିଥିବା ଗଣଦୁଷ୍କର୍ମ ଘଟଣାରେ ୪ ଜଣ ନାବାଳକଙ୍କ ସମେତ ମୋଟ ୧୦ ଜଣଙ୍କୁ ଗିରଫ କରାଯାଇଛି। ପ୍ରାପ୍ତବୟସ୍କଙ୍କୁ ସର୍କଲ ଜେଲକୁ ପଠାଯାଇଥିଲା ବେଳେ ନାବାଳକମାନଙ୍କୁ ସୁଧାର ଗୃହରେ ରଖାଯାଇଥିଲା।
Comments are closed.