ପୁଣି ଟ୍ରମ୍ପଙ୍କ ବିଧେୟକକୁ ନେଇ ଅସନ୍ତୋଷ ଝାଡିଲେ ମସ୍କ: କହିଲେ, ‘ପାଗଳାମିରେ ଭରା ବିନାଶକାରୀ ନିଷ୍ପତ୍ତି’

ନୂଆଦିଲ୍ଲ: ପୁଣି ରାଷ୍ଟ୍ରପତି ଟ୍ରମ୍ପଙ୍କ ବିଗ୍ ବିୟୁଟିଫିଲ୍ ବିଲକୁ ନେଇ ବିରକ୍ତି ପ୍ରକାଶ କରିଛନ୍ତି ଆମେରିକା ଟେକ୍ ଏଲନ୍ ମସ୍କ । ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା କର ଛାଡ଼, ଖର୍ଚ୍ଚ ହ୍ରାସ ଏବଂ ନିର୍ବାସନ ପାଣ୍ଠି ବୃଦ୍ଧି ସମ୍ପର୍କରେ ଆଗତ ବିଲ୍ ପରେ ଆମେରିକୀୟ ସଂସଦର ଉଚ୍ଚ ସଦନ ସିନେଟରେ ହଙ୍ଗାମା ଦେଖିବାକୁ ମିଳିଛି । ଯଦିଓ ଏହି ବିଲ୍ ଏହାର ଗୁରୁତ୍ୱପୂର୍ଣ୍ଣ ପ୍ରକ୍ରିୟାଗତ ପର୍ଯ୍ୟାୟ ଅତିକ୍ରମ କରିନାହିଁ, କିନ୍ତୁ ଏହାକୁ ନେଇ ପୁଣି ଏକ ବିରାଟ ଯୁଦ୍ଧ ଆରମ୍ଭ ହୋଇଛି। ଡୋନାଲ୍ଡ ଟ୍ରମ୍ପଙ୍କ ତଥାକଥିତ ଅତି ନିକଟତମ ସହଯୋଗୀ ଥିବା ଏଲୋନ୍ ମସ୍କ ଏହି ବିଲ୍ ସହିତ ସବୁଠାରୁ ଅଧିକ ବିରକ୍ତ ଥିବା ବେଳେ ପୁଣି ଏବେ ଏହାକୁ “ପାଗଳାମିରେ ଭରା ଏକ ବିନାଶକାରୀ ନିଷ୍ପତ୍ତି” ସମ୍ବୋଧନ କରିଛନ୍ତି । ଯାହା ଏବେ ଆମେରିକା ପ୍ରଶାସନକୁ ମଧ୍ୟ ଆଶର୍ଯ୍ୟ କରିଛି ।

କାରଣ ଏହି ବିଲ୍ ପାଇଁ ଆମେରିକା ପ୍ରଶାସନର ହାତ ଛାଡିଥିବା ମସ୍କ ବେଶ୍ କିଛି ଦିନ ଧରି ଟ୍ରମ୍ପଙ୍କୁ କଡା ଭାଷାରେ ନିନ୍ଦା କରିଥିଲେ । ଆଉ ଦୁହିଁଙ୍କ ମଧ୍ୟରେ ବାକ୍ ଯୁଦ୍ଧର ସ୍ତର ଅପରସ୍ତରକୁ ଯାଇଥିଲା । ହେଲେ ପରେ ମସ୍କ ନିଜେ ତାଙ୍କର ମତକୁ ନେଇ ଦୁଃଖ ପ୍ରକାଶ କରିବା ସହ ପଛଘୁଞ୍ଚା ଦେଇଥିଲେ ହେଲେ ଏବେ ପୁଣି ସଂସଦରେ ବିଲ୍ ଆଗତ ଚିହିଁକି ଉଠିଛନ୍ତି ମସ୍କ । ଆମେରିକୀୟ ଶିଳ୍ପପତି ଏଲୋନ ମସ୍କ ଏହି ବିଲ୍ ଉପରେ ଏକ ଦୃଢ଼ ଏବଂ ତୀକ୍ଷ୍ଣ ପ୍ରତିକ୍ରିୟା ଦେଇଛନ୍ତି। ଶନିବାର, ସେ ପୁଣି ଥରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବ୍ୟାପକ ଟିକସ ଏବଂ ଖର୍ଚ୍ଚ ହ୍ରାସ ବିଲ୍ ପ୍ରତି ତାଙ୍କର ଗଭୀର ଅସନ୍ତୋଷ ପ୍ରକାଶ କରିଛନ୍ତି। ମସ୍କ କହିଛନ୍ତି ଯେ ରିପବ୍ଲିକାନ୍ ପାର୍ଟିର ସାଂସଦମାନେ ଯେଉଁ ବିଲ୍ ପାସ୍ କରିବାକୁ ସଂଘର୍ଷ କରୁଛନ୍ତି ତାହା ଅତ୍ୟନ୍ତ ବିନାଶକାରୀ… ଏହା ଚାକିରି ଏବଂ ସ୍ଥିର ଉଦୀୟମାନ ଶିଳ୍ପଗୁଡ଼ିକୁ ନଷ୍ଟ କରିବ। ମସ୍କ ଶନିବାର ନିଜ ଏକ୍ସରେ ଲେଖିଛନ୍ତି, “ସେନେଟର ସଦ୍ୟତମ ଡ୍ରାଫ୍ଟ ବିଲ୍ ଆମେରିକାରେ ଲକ୍ଷ ଲକ୍ଷ ଚାକିରି ହଟାଇବ ଏବଂ ଆମ ଦେଶକୁ ବିଶାଳ ରଣନୈତିକ କ୍ଷତି ପହଞ୍ଚାଇବ ।

ଏଥିସହିତ ମସ୍କ ଟ୍ରମ୍ପଙ୍କ ଏହି ବିଲ୍ କୁ “ରିପବ୍ଲିକାନ୍ ପାର୍ଟି ପାଇଁ ରାଜନୈତିକ ଆତ୍ମହତ୍ୟା” ପରି ଏକ ପଦକ୍ଷେପ ବୋଲି କହିଛନ୍ତି। ସେ ଏପରି ସମୟରେ ଏହା କହିଛନ୍ତି ଯେତେବେଳେ ସେନେଟକୁ ପ୍ରାୟ ୧୦୦୦ ପୃଷ୍ଠାର ବିଲ୍ ଉପରେ ଖୋଲା ବିତର୍କ ପାଇଁ ଭୋଟିଂ କରିବାକୁ ପଡିବ। ସେ କହିଛନ୍ତି, ଯଦିଓ ଏହା ପୁରୁଣା ଶିଳ୍ପଗୁଡ଼ିକୁ ଲାଭ ଦେବ, ଏହା ଉଦୀୟମାନ ଶିଳ୍ପଗୁଡ଼ିକୁ ଗମ୍ଭୀର ଭାବରେ କ୍ଷତି ପହଞ୍ଚାଇବ। ଟେସଲା ଏବଂ ସ୍ପେସଏକ୍ସର ସିଇଓ ପରେ ଏକ ପୋଷ୍ଟରେ ଲେଖିଥିଲେ ଯେ ଏହି ବିଲ୍ “ରିପବ୍ଲିକାନ୍ ପାର୍ଟି ପାଇଁ ରାଜନୈତିକ ଆତ୍ମହତ୍ୟା” ହେବ । ମସ୍କ ଟ୍ରମ୍ପଙ୍କ ଉପରେ ଏକ ନୂତନ ଆକ୍ରମଣ ଆରମ୍ଭ କରିଛନ୍ତି। ସମ୍ପ୍ରତି, ଟ୍ରମ୍ପ ପ୍ରଶାସନର ସରକାରୀ ଦକ୍ଷତା ବିଭାଗ ଛାଡିବା ସମୟରେ ମସ୍କ ତାଙ୍କ ବିରୁଦ୍ଧରେ ଗମ୍ଭୀର ଅଭିଯୋଗ ଆଣିଥିଲେ।

ସେପଟେ କୁହାଯାଉଛି ଯେ ଟ୍ରମ୍ପଙ୍କ ଦ୍ୱାରା ଆଗତ ଏହି ବିଲ୍ ପାସ୍ ପାଇଁ ଶେଷ ତାରିଖ ଜୁଲାଇ ୪ ତାରିଖ ଧାର୍ଯ୍ୟ କରାଯାଇଛି । ଏ ସମ୍ପର୍କରେ ଶନିବାର ବିଳମ୍ବିତ ରାତିରେ ସେନେଟର ଏକ ବୈଠକ ମଧ୍ୟ ଅନୁଷ୍ଠିତ ହୋଇଥିଲା। ଏହି ସମୟରେ, ପ୍ରଥମ ପ୍ରକ୍ରିୟାଗତ ପର୍ଯ୍ୟାୟରେ ଭୋଟିଂ କରାଯାଇଥିଲା। ଏହି ବିଲ୍ ସପକ୍ଷରେ ୫୧ ଭୋଟ ପଡ଼ିଥିଲା ​​ବେଳେ ଏହା ବିରୁଦ୍ଧରେ ୪୯ ଭୋଟ ପଡ଼ିଥିଲା। ଉଭୟ ଭୋଟ ସମାନ ହେଲେ ‘ଟାଇ ବ୍ରେକ୍’ ପାଇଁ ଉପରାଷ୍ଟ୍ରପତି ଜେ.ଡି. ଭାନ୍ସ ଗୃହରେ ଉପସ୍ଥିତ ଥିଲେ। ଯେତେବେଳେ ବିରୋଧୀ ସାଂସଦମାନେ ଆଲୋଚନା ପାଇଁ ଏକାଠି ହେଲେ, ସେତେବେଳେ ଗୃହରେ ଏକ ଉତ୍ତେଜନାପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଥିଲା ଏବଂ ଅଚଳାବସ୍ଥା ଯୋଗୁଁ ଘଣ୍ଟା ଘଣ୍ଟା ଧରି ଭୋଟିଂ ବନ୍ଦ ରହିଲା। କିନ୍ତୁ ଶେଷରେ ଏହା ଏହାର ପ୍ରଥମ ପ୍ରତିବନ୍ଧକ ଅତିକ୍ରମ କଲା। ତଥାପି, ଚ୍ୟାଲେଞ୍ଜଗୁଡ଼ିକ ହ୍ରାସ ପାଇନାହିଁ ।

ତେବେ କୁହାଯାଉଛି, ଟ୍ରମ୍ପଙ୍କ ୨୦୨୫ ‘କର ଏବଂ ଖର୍ଚ୍ଚ ହ୍ରାସ ବିଲ୍’, ଆନୁଷ୍ଠାନିକ ଭାବରେ “ୱାନ୍ ବିଗ୍ ବିୟୁଟିଫୁଲ୍ ବିଲ୍ ଆକ୍ଟ” (OBBBA), ଏକ ବ୍ୟାପକ, ହଜାର ପୃଷ୍ଠାର ପୁଞ୍ଜି ବିଲ୍, ଯାହା ମୁଖ୍ୟତଃ କର ହ୍ରାସ, ସାମରିକ ଖର୍ଚ୍ଚ, ସୀମା ସୁରକ୍ଷା ଏବଂ ସାମାଜିକ ସୁରକ୍ଷାରେ ବଡ଼ ଧରଣର ହ୍ରାସ ପାଇଁ ଡିଜାଇନ୍ କରାଯାଇଛି। ଏହା ୨୦୧୭ ଟିକସ ହ୍ରାସକୁ ବିସ୍ତାର କରେ। ଏହା ଅଧୀନରେ, ସ୍ଥାୟୀ ଭାବରେ କିମ୍ବା ୨୦୧୮ ପର୍ଯ୍ୟନ୍ତ ବ୍ୟକ୍ତିଗତ ଏବଂ କର୍ପୋରେଟ୍ ଟିକସ ହାର ବୃଦ୍ଧି କରିବା ବିଷୟରେ ଆଲୋଚନା ହେଉଛି। ନୂତନ ଟିକସ ଲାଭ ଭାବରେ, 65 ବର୍ଷରୁ ଅଧିକ ବୟସ ଗୋଷ୍ଠୀ (୨୦୨୫-୨୦୨୮) ପାଇଁ ଟିପ୍ସ ଉପରେ ଟିକସ ଛାଡ଼, ଓଭରଟାଇମ୍, କାର୍ ଋଣ ସୁଧ ଉପରେ ରିହାତି, 65 ବର୍ଷରୁ ଅଧିକ ବୟସ ଗୋଷ୍ଠୀ (୨୦୨୫-୨୦୨୮) ପାଇଁ ୪୦୦୦ ଆମେରିକୀୟ ଡଲାର ଅତିରିକ୍ତ ମାନକ ରିହାତି ପାଇଁ ଏକ ବ୍ୟବସ୍ଥା ଅଛି। ଏହା ବ୍ୟତୀତ, ୨୦୨୪-୨୮ ମସିହାରେ ଜନ୍ମିତ ପିଲାମାନଙ୍କୁ “ଟ୍ରମ୍ପ ଆକାଉଣ୍ଟ” ରୁ ୧୦୦୦ ଆମେରିକୀୟ ଡଲାର ପ୍ରଦାନ କରାଯିବ ବୋଲି କୁହାଯାଇଛି । ସେହିପରି, ପ୍ରତିରକ୍ଷା, ସୁରକ୍ଷା ଏବଂ ସ୍ୱାସ୍ଥ୍ୟ ସମ୍ପର୍କରେ ଅନେକ ପରିବର୍ତ୍ତନ ଅନ୍ତର୍ଭୁକ୍ତ ।