ଭୁବନେଶ୍ୱର : ଆଜି ଭାରତୀୟ ବଜାରରେ ସୁନା ଓ ରୂପାର ମୂଲ୍ୟରେ ସାମାନ୍ୟ ପରିବର୍ତ୍ତନ ଦେଖାଯାଇଛି। ସ୍ଥାନୀୟ ଅଳଙ୍କାର ବ୍ୟବସାୟୀଙ୍କ ପକ୍ଷରୁ ବୃଦ୍ଧି ପାଇଥିବା କ୍ରୟ ଏବଂ ବିଶ୍ୱସ୍ତରୀୟ ଭୂ-ରାଜନୈତିକ ଅସ୍ଥିରତା ଯୋଗୁଁ ଏହି ମୂଲ୍ୟବାନ ଧାତୁଗୁଡ଼ିକର ଦରରେ ଏହି ପରିବର୍ତ୍ତନ ଲକ୍ଷ୍ୟ କରାଯାଇଛି। ଭାରତୀୟ ବଜାରରେ ୨୪ କ୍ୟାରେଟ ସୁନାର ମୂଲ୍ୟ ପ୍ରତି ୧୦ ଗ୍ରାମ ପିଛା ୯୮,୪୦୦ ଟଙ୍କା ରହିଥିବା ବେଳେ, ୨୨ କ୍ୟାରେଟ ସୁନା ୯୦,୨୦୦ ଟଙ୍କାରେ କାରବାର ଆରମ୍ଭ କରିଛି। ରାଜଧାନୀ ଭୁବନେଶ୍ୱର, ମୁମ୍ବାଇ, ନୂଆଦିଲ୍ଲୀ, ଚେନ୍ନାଇ ଓ କୋଲକାତା ପରି ପ୍ରମୁଖ ସହରଗୁଡ଼ିକରେ ୨୪ କ୍ୟାରେଟ ସୁନା ୯୮,୪୦୦ ଟଙ୍କା ଏବଂ ୨୨ କ୍ୟାରେଟ ସୁନା ୯୦,୨୦୦ ଟଙ୍କାରେ ସ୍ଥିର ରହିଛି।
ଅନ୍ୟପଟେ, ରୂପାର ମୂଲ୍ୟ କିଲୋଗ୍ରାମ ପିଛା ୧,୧୭,୭୦୦ ଟଙ୍କାରେ କାରବାର ଆରମ୍ଭ ହୋଇଛି। ବିଶେଷଜ୍ଞଙ୍କ ମତରେ, ବିଶ୍ୱସ୍ତରୀୟ ଭୂ-ରାଜନୈତିକ ଉତ୍ତେଜନା ଯୋଗୁ ନିବେଶକମାନେ ସୁନା ଓ ରୂପା ପରି ମୂଲ୍ୟବାନ ଧାତୁଗୁଡ଼ିକୁ ନିରାପଦ ନିବେଶ ଭାବେ ଗ୍ରହଣ କରୁଛନ୍ତି। ଚୀନ୍-ଆମେରିକା ମଧ୍ୟରେ ଚାଲିଥିବା ବାଣିଜ୍ୟ ବିବାଦ ଏବଂ ଅନ୍ୟାନ୍ୟ ଆନ୍ତର୍ଜାତୀୟ ଘଟଣାବଳୀ ସୁନାର ଚାହିଦା ବୃଦ୍ଧି କରିଛି। ଏହା ସହିତ ଭାରତରେ ବିବାହ ଋତୁ ଓ ପାର୍ବଣ ସମୟ ଆସୁଥିବାରୁ ସ୍ଥାନୀୟ ଅଳଙ୍କାର ବ୍ୟବସାୟୀଙ୍କ ପାଖରେ ସୁନାର କ୍ରୟ ବୃଦ୍ଧି ପାଇଛି।
ସୁନା କିଣୁଥିବା ଗ୍ରାହକମାନଙ୍କ ପାଇଁ ସରକାର ଏକ ସୁବିଧାଜନକ ବ୍ୟବସ୍ଥା ଆସିଛି। ‘BIS Care App’ ମାଧ୍ୟମରେ ଗ୍ରାହକମାନେ ସୁନାର ଶୁଦ୍ଧତା, ହଲମାର୍କ ଓ ଲାଇସେନ୍ସ ନମ୍ବର ଯାଞ୍ଚ କରିପାରିବେ। ଯଦି କୌଣସି ଅଳଙ୍କାରରେ ଅଶୁଦ୍ଧତା ବା ଭୁଲ ଥାଏ, ତେବେ ଗ୍ରାହକମାନେ ଏହି ଆପ୍ ମାଧ୍ୟମରେ ସରକାରଙ୍କ ନିକଟରେ ଅଭିଯୋଗ କରିପାରିବେ। ଅଭିଯୋଗ ପରେ ସରକାର ନେଇଥିବା ପଦକ୍ଷେପ ସମ୍ବନ୍ଧରେ ମଧ୍ୟ ସୂଚନା ମିଳିପାରିବ। ଏହା ଗ୍ରାହକଙ୍କୁ ନିରାପଦ କ୍ରୟରେ ସହାୟତା କରୁଛି।
Comments are closed.