ହିମାଚଳରେ ପ୍ରକୃତିର ତାଣ୍ଡବ: ୬୯ ମୃତ,୩୭ ନିଖୋଜ; ୭୦୦କୋଟିର ସମ୍ପତ୍ତି ନଷ୍ଟ

ହିମାଚଳପ୍ରଦେଶ:ମୌସୁମୀ ଆସିବା ସହିତ ହିମାଚଳପ୍ରଦେଶରେ ପ୍ରବଳ ବର୍ଷା ଏବଂ ବିପର୍ଯ୍ୟୟ ତାଣ୍ଡବ ସୃଷ୍ଟି କରିଛି। ହିମାଚଳରେ ବନ୍ୟା ଏବଂ ଭୂସ୍ଖଳନ ଯୋଗୁଁ ଧ୍ୱଂସାବଶେଷ ଜାରି ରହିଛି। ମୌସୁମୀ ଆରମ୍ଭ ହେବା ପରଠାରୁ ୬୯ ଜଣ ପ୍ରାଣ ହରାଇଛନ୍ତି, ୩୭ ଜଣ ନିଖୋଜ ଅଛନ୍ତି ଏବଂ ୧୧୦ ଜଣ ଆହତ ହୋଇଛନ୍ତି। ଏଥିମଧ୍ୟରୁ ୨୬ ଜଣଙ୍କର ମୃତ୍ୟୁ ଦୁର୍ଘଟଣା ଯୋଗୁଁ ହୋଇଛି। ରାଜ୍ୟରେ ଯୁଦ୍ଧକାଳୀନ ଭିତ୍ତିରେ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଚାଲିଛି।

ରାଜ୍ୟ ପ୍ରାୟ ₹୭୦୦ କୋଟି ଟଙ୍କାର କ୍ଷତି ସହିଛି। ମୁଖ୍ୟମନ୍ତ୍ରୀ କହିଛନ୍ତି, ‘ବର୍ଷା ଆରମ୍ଭ ହେବା ପରଠାରୁ ରାସ୍ତା, ଜଳ ପ୍ରକଳ୍ପ, ବିଦ୍ୟୁତ୍ ତାର ଏବଂ ଖୁଣ୍ଟଗୁଡ଼ିକର ବ୍ୟାପକ କ୍ଷତି ହୋଇଛି। ବିଦ୍ୟୁତ୍ ଖୁଣ୍ଟଗୁଡ଼ିକ ଉପୁଡ଼ି ପଡ଼ିଛି, ଫଳରେ ବିଦ୍ୟୁତ୍ ଯୋଗାଣକୁ ପ୍ରଭାବିତ କରୁଛି।’

इस आपदा में हमें जन-धन की भारी हानि हुई है। स्थानीय प्रशासन और राहत दलों की टीमें युद्ध-स्तर पर बचाव और सहायता कार्यों में जुटी हैं। हम प्रभावित क्षेत्रों में सभी ज़रूरी सुविधाएं तत्परता से पहुँचा रहे हैं।

बीते कल राहतकर्मियों के सहयोग से 92 कॉलेज विद्यार्थियों को सफलतापूर्वक… pic.twitter.com/T0vJE9hhJN

— Sukhvinder Singh Sukhu (@SukhuSukhvinder) July 4, 2025

ଏହି ବର୍ଷ ମୌସୁମୀ ଆରମ୍ଭରୁ ହିମାଚଳରେ ବହୁତ କ୍ଷୟକ୍ଷତି ହୋଇଛି ବୋଲି ହିମାଚଳ ପ୍ରଦେଶ ସିଏମ କହିଛନ୍ତି। ସେ ଏ ସମ୍ପର୍କରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସହ କଥା ହୋଇଛନ୍ତି, ରାଜ୍ୟକୁ ସମସ୍ତ ପ୍ରକାରର ସାହାଯ୍ୟର ପ୍ରତିଶ୍ରୁତି ଦେଇଛନ୍ତି ଗୃହମନ୍ତ୍ରୀ।

ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ ରାଜ୍ୟର ୧୪ଟି ସ୍ଥାନରେ ବାଦଲ ଫଟା ବର୍ଷା ଘଟଣାର ରିପୋର୍ଟ ହୋଇଛି। ସେ କହିଛନ୍ତି, ‘କାହିଁକି ଏତେ ଥର ବାଦଲ ଫଟା ଘଟଣା ଘଟୁଛି ତାହା ଆମେ ଅଧ୍ୟୟନ କରୁଛୁ

ଏଥିସହ ବିପର୍ଯ୍ୟୟରେ ପ୍ରଭାବିତ ପରିବାର ପ୍ରତି ସମବେଦନା ପ୍ରକାଶ କରି ମୁଖ୍ୟମନ୍ତ୍ରୀ କହିଛନ୍ତି, ‘ହିମାଚଳ ପ୍ରଦେଶ ସରକାର ପ୍ରଭାବିତ ପରିବାର ସହିତ ଠିଆ ହୋଇଛି। ଆମେ ନିଷ୍ପତ୍ତି ନେଇଛୁ ଯେ ଯେଉଁ ପରିବାରର ଘର କ୍ଷତିଗ୍ରସ୍ତ ହୋଇଛି ସେମାନଙ୍କୁ ଭଡା ଘରେ ରହିବା ପାଇଁ ୫,୦୦୦ଟଙ୍କାର ସହାୟତା ଦିଆଯିବ।’