ନୂଆଦିଲ୍ଲୀ: ଆଗାମୀ ଦିନରେ ମୋଷ୍ଟ ୱାଣ୍ଟେଡ୍ ଖଲିସ୍ତାନି ଆତଙ୍କବାଦୀ ହାପି ପାସିଆକୁ ଆମେରିକାରୁ ଭାରତ ପ୍ରତ୍ୟର୍ପଣ କରାଯିବ।
ଗଣମାଧ୍ୟମ ରିପୋର୍ଟ ଅନୁଯାୟୀ, ବର୍ତ୍ତମାନ ଆମେରିକା ହେପାଜତରେ ଥିବା ପାସିଆ ଖୁବ୍ ଶୀଘ୍ର କଡ଼ା ସୁରକ୍ଷା ମଧ୍ୟରେ ଦିଲ୍ଲୀ ବିମାନବନ୍ଦରରେ ପହଞ୍ଚିବ। ତେବେ ଭାରତୀୟ ଏଜେନ୍ସିଗୁଡ଼ିକ ସହିତ ନିରନ୍ତର ସମନ୍ୱୟ ପରେ ଆମେରିକା ଇମିଗ୍ରେସନ୍ ଏବଂ କଷ୍ଟମ୍ସ ପ୍ରବର୍ତ୍ତନ (ଆଇସିଇ) ଦ୍ୱାରା ଏପ୍ରିଲ ୧୭ ତାରିଖରେ କାଲିଫର୍ନିଆର ସାକ୍ରାମେଣ୍ଟୋରେ ପାସିଆଙ୍କୁ ଗିରଫ କରାଯାଇଥିଲା। ପଞ୍ଜାବରେ ଅନେକ ଆତଙ୍କବାଦୀ ଆକ୍ରମଣରେ ବିଶେଷକରି ଥାନା ଏବଂ ସାର୍ବଜନୀନ ପ୍ରତିଷ୍ଠାନଗୁଡ଼ିକୁ ଆକ୍ରମଣ ପଛରେ ସେ ସମ୍ପୃକ୍ତ ଥିଲା। ଯାହା ପରଠୁ ସେ ଭାରତୀୟ କର୍ତ୍ତୃପକ୍ଷଙ୍କ ରାଡାରରେ ଥିଲେ।
ଉଲ୍ଲେଖଯୋଗ୍ୟ, ହାପି ପାସିଆ ପଞ୍ଜାବର ଅମୃତସର ଜିଲ୍ଲାର ପାସିଆ ଗାଁର ବାସିନ୍ଦା ଏବଂ ବହୁ ବର୍ଷ ଧରି ଅପରାଧିକ କାର୍ଯ୍ୟକଳାପରେ ଜଡିତ ରହିଛି। ସେ ୧୭ଟି ଅପରାଧିକ ମାମଲାରେ ଗିରଫ ହୋଇଥିଲା। ଯେଉଁଥିରେ ବେଆଇନ କାର୍ଯ୍ୟକଳାପ (ନିବାରଣ) ଆଇନ (UAPA), ଅସ୍ତ୍ରଶସ୍ତ୍ର ଆଇନ ଏବଂ ନାର୍କୋଟିକ୍ ଡ୍ରଗ୍ସ ଏବଂ ସାଇକୋଟ୍ରୋପିକ୍ ସବଷ୍ଟେନ୍ସ (NDPS) ଆଇନ ଅନୁଯାୟୀ ଅଭିଯୋଗ ରହିଛି।
Comments are closed.