ଶ୍ରୀନଗର: ୧୯୯୦ ମସିହାରେ କାଶ୍ମୀର ପଣ୍ଡିତ ମହିଳାଙ୍କୁ ଅପହରଣ କରାଯାଇଥିଲା। ଅପହରଣ ପରେ ମହିଳାଙ୍କୁ ହତ୍ୟା କରାଯାଇଥିଲା। ସରଲା ଭଟ୍ଟଙ୍କ ଅପହରଣ ଏବଂ ହତ୍ୟା ମାମଲାରେ ରାଜ୍ୟ ତଦନ୍ତ ସଂସ୍ଥା (SIA) ମଙ୍ଗଳବାର ଦିନ ଶ୍ରୀନଗରର ବିଭିନ୍ନ ସ୍ଥାନରେ ଚଢାଉ କରିଥିଲା।
SIA ଟିମ୍ ଶ୍ରୀନଗରର ୮ଟି ସ୍ଥାନ ସ୍ଥାନରେ ଚଢାଉ କରୁଛି । ଜେଲରେ ଥିବା JKLF ମୁଖ୍ୟ ୟାସିନ ମାଲିକଙ୍କ ବାସଭବନ ମଧ୍ୟ ସାମିଲ ଅଛି।
ଜଣେ ଅଧିକାରୀ କହିଛନ୍ତି ଯେ ପୋଲିସ ଏବଂ ସିଆରପିଏଫ ସହାୟତାରେ ଏସଆଇଏ ଦଳ ସକାଳେ ସହରର ଏକକାଳୀନ ୮ ସ୍ଥାନରେ ଚଢାଉ କରିଥିଲେ। ସର୍ଚ୍ଚ ଅପରେସନ ଏବେ ବି ଜାରି ରହିଛି।
ପ୍ରାୟ ୩୦ ବର୍ଷ ପୂର୍ବେ, ୨୭ ବର୍ଷ ବୟସ୍କା ସରଲା ଭଟ୍ଟଙ୍କୁ ଅପହରଣ କରାଯାଇଥିଲା। ମହିଳା ଜଣକ ପେଶାରେ ଜଣେ ନର୍ସ ଥିଲେ। କଲେଜ ହଷ୍ଟେଲରୁ ମହିଳାଙ୍କୁ ଅପହରଣ କରାଯାଇଥିଲା। ୧୮ ଏପ୍ରିଲ ୧୯୯୦ରେ ସୌରାର ଶେର-ଏ-କାଶ୍ମୀର ଇନଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ (SKIMS)ର ହାବ୍ବା ଖାତୁନ୍ ହଷ୍ଟେଲରୁ ସରଲା ଭଟ୍ଟଙ୍କୁ ଅପହରଣ କରାଯାଇଥିଲା। ଅପହରଣ ପରେ ପରିବାର ଲୋକେ ସରଲାଙ୍କୁ ବହୁତ ଖୋଜାଖୋଜି କରିଥିଲେ। କିନ୍ତୁ, ତାଙ୍କୁ ପାଇନଥିଲେ।
ପରଦିନ ସକାଳେ, ସରଲାଙ୍କ ମୃତଦେହ ମଲ୍ଲବାଗର ଉମର କଲୋନିରେ ମିଳିଥିଲା। ତାଙ୍କ ଶରୀରରେ ଗୁଳି ଚିହ୍ନ ଥିଲା। ଏହା ପଛରେ ନିଷିଦ୍ଧ ଜମ୍ମୁ କାଶ୍ମୀର ଲିବରେସନ ଫ୍ରଣ୍ଟ (JKLF)ର ହାତ ଥିଲା।
SIA ମୁଖପାତ୍ର କହିଛନ୍ତି ଯେ ଆଠଟି ସ୍ଥାନରେ ରଣନୈତିକ ସନ୍ଧାନ ସମୟରେ କିଛି “ଅପରାଧୀ” ପ୍ରମାଣ ମିଳିଛି। “ଏହା ସମ୍ପୂର୍ଣ୍ଣ ଆତଙ୍କବାଦୀ ଷଡ଼ଯନ୍ତ୍ରର ପର୍ଦ୍ଦାଫାସ କରିବାରେ ସାହାଯ୍ୟ କରିବ। ପୀଡିତା ଏବଂ ତାଙ୍କ ପରିବାରକୁ ନ୍ୟାୟ ପ୍ରଦାନ କରିବା ହେଉଛି ଚୂଡ଼ାନ୍ତ ଲକ୍ଷ୍ୟ,” ଅଧିକାରୀ କହିଛନ୍ତି।
Comments are closed.