Spend Money In Air: ପବନରେ ୧୯ ହଜାର ଟଙ୍କା ଉଡାଇ ଦେଲେ ପର୍ଯ୍ୟଟକ….ଲୋକେ କାବା…ଭାଇରାଲ ହେଉଛି ଭିଡିଓ

ସିମଲା: ହିମାଚଳ ପ୍ରଦେଶର ସିମଲାରେ ଜଣେ ବ୍ୟକ୍ତି ହଜାର ହଜାର ଟଙ୍କା ପବନରେ ଉଡ଼ାଇ ଦେଇଛନ୍ତି । ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି । ସୋସିଆଲ ମିଡିଆରେ ନୋଟ୍ ଉଡାଇବାର ଏହି ଭିଡିଓ ଅଧିକ ଭାଇରାଲ ହେବାରେ ଲାଗିଛି। ଭିଡିଓଟି ସିମଲାର ରିଜ୍ ଗ୍ରାଉଣ୍ଡର। ପୋଲିସଠାରୁ ମିଳିଥିବା ସୂଚନା ଅନୁଯାୟୀ, ଏହି ବ୍ୟକ୍ତି ଦିଲ୍ଲୀର ବାସିନ୍ଦା ଏବଂ ତାଙ୍କ ନାମ ସତୀଶ ଖୁରାନା । ୫୫ ବର୍ଷୀୟ ବ୍ୟକ୍ତି ଜଣକ ସିମଲାକୁ ବୁଲିବାକୁ ଆସିଥିଲେ ଏବଂ ପୋଲିସ ସହିତ ପଚରାଉଚରା ସମୟରେ ସେ କହିଥିଲେ ଯେ ସେ ଟଙ୍କା ବାଣ୍ଟିବା ପାଇଁ କାହାକୁ ପାଉ ନାହାଁନ୍ତି, ତେଣୁ ସେ ରିଜ୍ ଯାଇ ଟଙ୍କା ଉଡ଼ାଇ ଦେଇଛନ୍ତି । ତାହା ପୁଣି କୌଣସି ଛୋଟମୋଟ ରକମ ନୁହେଁ, ପୂରା ୧୯ ହଜାର ଟଙ୍କାକୁ ଏମିତି ପବନରେ ଉଡାଇ ଦେଇଛନ୍ତି ।

ଘଟଣା ସହିତ ଜଡିତ ଦୁଇଟି ଭିଡିଓ ସାମ୍ନାକୁ ଆସିଛି, ଯେଉଁଥିରେ ଜଣେ ବ୍ୟକ୍ତି ନୋଟ୍ ଫୁଙ୍କୁଥିବାର ଦେଖାଯାଉଛି। ଗୋଟିଏ ଭିଡିଓ କିଛି ଝିଅ ତିଆରି କରିଛନ୍ତି, ଯେଉଁମାନେ ତଳେ ଠିଆ ହୋଇ ଉପରୁ ନୋଟ୍ ଫୁଙ୍କୁଥିବା ବ୍ୟକ୍ତିଙ୍କୁ ଏପରି କରିବାକୁ ଉତ୍ସାହିତ କରୁଛନ୍ତି। ଝିଅମାନେ ସେହି ବ୍ୟକ୍ତିଙ୍କୁ ତାଚ୍ଛଲ୍ୟ କରିବା ସହିତ ପ୍ରଶଂସା ମଧ୍ୟ କରୁଛନ୍ତି। ଭିଡିଓରେ ଦେଖାଯାଉଛି ଯେ ପଡିଆ ସାରା ଶହ ଶହ ନୋଟ୍ ପଡ଼ିଛି। ପରେ, ଯେତେବେଳେ ଏହି ନୋଟଡ଼ିକୁ ଉଠାଇ ଗଣନା କରାଯାଇଥିଲା, ପ୍ରାୟ ୧୯ ହଜାର ଟଙ୍କା ମିଳିଥିଲା। ଏହି ଟଙ୍କା ସେହି ବ୍ୟକ୍ତିଙ୍କୁ ଫେରସ୍ତ କରାଯାଇଥିଲା।

ଭାଇରାଲ୍ ଭିଡିଓରେ, କିଛି ଲୋକଙ୍କୁ ଏହା ମଧ୍ୟ କହୁଥିବା ଶୁଣିବାକୁ ମିଳୁଛି ଯେ ନୋଟ୍ ଫୁଙ୍କୁଥିବା ବ୍ୟକ୍ତି ମଦ୍ୟପାନ କରିଛନ୍ତି। କିନ୍ତୁ, ଘଟଣା ପରେ, ପୋଲିସ ନୋଟ୍ ଫୁଙ୍କୁଥିବା ବ୍ୟକ୍ତିଙ୍କୁ ମଧ୍ୟ ପଚରାଉଚରା କରିଥିଲା। ଏହି ସମୟରେ, ସେ ମଦ୍ୟପାନ କରିଥିବା କଥା ଜଣାପଡ଼ିନଥିଲା। ସୂଚନା ଅନୁଯାୟୀ, ନୋଟ୍ ଫୁଙ୍କୁଥିବା ବ୍ୟକ୍ତି ସେୟାର ବଜାରରେ ନିବେଶରେ କାମ କରନ୍ତି। ସେ ୧୦୦, ୨୦୦ ଏବଂ ୫୦୦ ଟଙ୍କାର ନୋଟ୍ କୁ ପବନରେ ଉଡ଼ାଇ ଦେଇଥିଲେ। ଯାହାର ଭିଡିଓ ଭାଇରାଲ ହୋଇଥିବା ବେଳେ ଲୋକ ମଧ୍ୟ ବ୍ୟକ୍ତିଙ୍କ କାର୍ଯ୍ୟକଳାପ ନେଇ ଆଶ୍ଚର୍ଯ୍ୟ ବ୍ୟକ୍ତ କରିଛନ୍ତି ।