Vocal For Local: ‘ଗର୍ବରେ କୁହ ଏହା ସ୍ୱଦେଶୀ’, ଶୁଳ୍କ ଚିନ୍ତା ଭିତରେ ‘ମନ କି ବାତ’ରେ ‘ଭୋକାଲ୍ ଫର୍ ଲୋକାଲ’କୁ ଜୋର୍ ଦେଲେ ମୋଦି 

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ତାଙ୍କ ରେଡିଓ କାର୍ଯ୍ୟକ୍ରମ ମନ କି ବାତର ୧୨୫ ତମ ଏପିସୋଡରେ ଲୋକାଲ୍ ଫର ଭୋକାଲ୍ ଉପରେ ଅଧିକ ଗୁରୁତ୍ୱାରୋପ କରିଛନ୍ତି। ଆମେରିକାରେ ଶୁଳ୍କ ପ୍ରହାରକୁ ଜବାବ ଦେବାକୁ ମୋଦି ସ୍ଵଦେଶୀ ଜିନିଷର ଅଧିକ ବ୍ୟବହାର କରିବା ଉପରେ ଜୋର୍ ଦେଇଛନ୍ତି।

ଲୋକମାନଙ୍କୁ ସ୍ୱଦେଶୀ ଉତ୍ପାଦ ବ୍ୟବହାର କରିବାକୁ ଆହ୍ୱାନ କରି ସେ କହିଛନ୍ତି, ଆଗାମୀ ଦିନରେ ଅନେକ ପର୍ବ ହେବ। ଏହି ପର୍ବଗୁଡ଼ିକରେ ଆପଣ ସ୍ୱଦେଶୀର ବିଷୟକୁ କେବେ ଭୁଲିବା ଉଚିତ୍ ନୁହେଁ। ଉପହାର ଭାରତରେ ତିଆରି ହେବା ଉଚିତ, ପୋଷାକ ଭାରତରେ ବୁଣାଯିବା ଉଚିତ, ସାଜସଜ୍ଜା ଭାରତରେ ତିଆରି ସାମଗ୍ରୀରୁ ତିଆରି ହେବା ଉଚିତ, ଭାରତରେ ତିଆରି ଝାଲେରିରୁ ଘର ଆଲୋକିତ ହେବା ଉଚିତ୍ ଏବଂ ଆହୁରି ଅନେକ, ଜୀବନର ପ୍ରତ୍ୟେକ ଆବଶ୍ୟକତାରେ ଥିବା ସବୁକିଛି ସ୍ୱଦେଶୀ ହେବା ଉଚିତ। ଗର୍ବର ସହିତ କୁହନ୍ତୁ ‘ଏହା ସ୍ୱଦେଶୀ’। ଏହି ଭାବନା ସହିତ ଆମକୁ ଆଗକୁ ବଢ଼ିବାକୁ ପଡିବ। କେବଳ ଗୋଟିଏ ମନ୍ତ୍ର ‘ ଭୋକାଲ ଫର୍ ଲୋକାଲ’, କେବଳ ଗୋଟିଏ ପଥ ‘ଆତ୍ମନିର୍ଭର ଭାରତ’, କେବଳ ଗୋଟିଏ ଲକ୍ଷ୍ୟ ‘ବିକଶିତ ଭାରତ’ ବୋଲି ମୋଦି ଜୋର୍ ଦେଇ ଥିଲେ।

ଏଥିସହିତ ମୋଦି ପ୍ରାକୃତିକ ବିପର୍ଯ୍ୟୟରେ ବର୍ତ୍ତମାନ ଦେଶ ସହୁଥିବା କ୍ଷତିରେ ଦୁଃଖ ପ୍ରକାଶ କରିବା ସହିତ ବନ୍ୟା ଏବଂ ବର୍ଷାର ଏହି କ୍ଷୟକ୍ଷତି ମଧ୍ୟରେ, ଜମ୍ମୁ ଓ କାଶ୍ମୀର ମଧ୍ୟ ଦୁଇଟି ବିଶେଷ ସଫଳତା ହାସଲ କରିଛି ବୋଲି କହିଥିଲେ। ମୋଦି କହିଥିଲେ,ଜମ୍ମୁ ଓ କାଶ୍ମୀର ମଧ୍ୟ ଦୁଇଟି ବିଶେଷ ସଫଳତା ହାସଲ କରିଛି। ଏଗୁଡ଼ିକ ଅଧିକ ଧ୍ୟାନ ପାଇଲା ନାହିଁ, କିନ୍ତୁ ଯେତେବେଳେ ଆପଣ ସେହି ସଫଳତା ବିଷୟରେ ଜାଣିବେ, ଆପଣ ବହୁତ ଖୁସି ହେବେ। ଜମ୍ମୁ କାଶ୍ମୀରର ପୁଲୱାମାରେ ଏକ ଷ୍ଟାଡିୟମରେ ରେକର୍ଡ ସଂଖ୍ୟକ ଲୋକ ଏକାଠି ହୋଇଥିଲେ। ପୁଲୱାମାର ପ୍ରଥମ ଡେ-ନାଇଟ୍ କ୍ରିକେଟ୍ ମ୍ୟାଚ୍ ଏଠାରେ ଖେଳାଯାଇଥିଲା। ପୂର୍ବରୁ ଏହା ଅସମ୍ଭବ ଥିଲା, କିନ୍ତୁ ଏବେ ମୋ ଦେଶ ପରିବର୍ତ୍ତନ ହେଉଛି। ଏହି ମ୍ୟାଚ୍ ‘ରୟାଲ୍ ପ୍ରିମିୟର ଲିଗ୍’ର ଏକ ଅଂଶ, ଯେଉଁଥିରେ ଜମ୍ମୁ କାଶ୍ମୀରର ବିଭିନ୍ନ ଦଳ ଖେଳୁଛନ୍ତି। ପୁଲୱାମାରେ ରାତିରେ ହଜାର ହଜାର ସଂଖ୍ୟାରେ ଏତେ ଲୋକ, ବିଶେଷକରି ଯୁବପିଢ଼ି କ୍ରିକେଟ୍ ଉପଭୋଗ କରୁଥିଲେ – ଏହି ଦୃଶ୍ୟ ପ୍ରକୃତରେ ଦେଖିବା ଯୋଗ୍ୟ ଥିଲା।

ଦ୍ୱିତୀୟ କାର୍ଯ୍ୟକ୍ରମ ଯାହା ଧ୍ୟାନ ଆକର୍ଷଣ କରିଥିଲା ତାହା ହେଉଛି ଦେଶର ପ୍ରଥମ ‘ଖେଲୋ ଇଣ୍ଡିଆ ଜଳ କ୍ରୀଡ଼ା ମହୋତ୍ସବ’ ଏବଂ ତାହା ମଧ୍ୟ ଶ୍ରୀନଗରର ଡାଲ୍ ହ୍ରଦରେ ହୋଇଥିଲା। ଏପରି ଉତ୍ସବ ଆୟୋଜନ କରିବା ପାଇଁ ଏହା ଏକ ସ୍ୱତନ୍ତ୍ର ସ୍ଥାନ। ଏହାର ଲକ୍ଷ୍ୟ ହେଉଛି ଜମ୍ମୁ କାଶ୍ମୀରରେ ଜଳ କ୍ରୀଡ଼ାକୁ ଅଧିକ ଲୋକପ୍ରିୟ କରିବା ଏବଂ ସାରା ଭାରତରୁ ୮୦୦ ରୁ ଅଧିକ ଖେଳାଳି ଏଥିରେ ଅଂଶଗ୍ରହଣ କରିଥିଲେ।