Great Honour Nishan of Ethiopia: ଇଥିଓପିଆର ସର୍ବୋଚ୍ଚ ସମ୍ମାନ ପାଇବାରେ ପ୍ରଥମ ବିଶ୍ୱ ନେତା ହେଲେ ପିଏମ୍ ମୋଦୀ
ନୂଆଦିଲ୍ଲୀ: ଇଥିଓପିଆ ପ୍ରଧାନମନ୍ତ୍ରୀ ମୋଦୀଙ୍କୁ ନିଜର ସର୍ବୋଚ୍ଚ ସମ୍ମାନ, ଗ୍ରେଟ୍ ଅନର ଅଫ୍ ଦି ଅର୍ଡର ଅଫ୍ ଇଥିଓପିଆ (The Great Honour Nishan of Ethiopia)ପ୍ରଦାନ କରିଛି। ଇଥିଓପିଆର ପ୍ରଧାନମନ୍ତ୍ରୀ ଡକ୍ଟର ଆବି ଅହମ୍ମଦ ଅଲି ପ୍ରଧାନମନ୍ତ୍ରୀ ମୋଦୀଙ୍କୁ ଏହି ସମ୍ମାନ ପ୍ରଦାନ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ପ୍ରଥମ ବିଦେଶୀ ରାଷ୍ଟ୍ରମୁଖ୍ୟ ଯାହାଙ୍କୁ ଇଥିଓପିଆର ସର୍ବୋଚ୍ଚ ସମ୍ମାନ(Ethiopia’s highest award), “ଗ୍ରେଟ୍ ଅନର ଅଫ୍ ଦି ଅର୍ଡର ଅଫ୍ ଇଥିଓପିଆ” ପ୍ରଦାନ କରାଯାଇଛି।
ଇଥିଓପିଆ ବିଶ୍ୱର ୨୫ତମ ଦେଶ ଯିଏ ମୋଦୀଙ୍କୁ ନିଜର ସର୍ବୋଚ୍ଚ ସମ୍ମାନ ପ୍ରଦାନ କରିଛି। ପ୍ରଧାନମନ୍ତ୍ରୀ ମୋଦୀ ଡିସେମ୍ବର ୧୬-୧୭, ୨୦୨୫ ପର୍ଯ୍ୟନ୍ତ ଇଥିଓପିଆକୁ ତାଙ୍କର ପ୍ରଥମ ଦ୍ୱିପାକ୍ଷିକ ଗସ୍ତରେ ଅଛନ୍ତି।
ଅଦିସ୍ ଅବାବାରେ ଅନ୍ତର୍ଜାତୀୟ ସମ୍ମିଳନୀ କେନ୍ଦ୍ରରେ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ପ୍ରଧାନମନ୍ତ୍ରୀ ମୋଦୀଙ୍କୁ ଏହି ପୁରସ୍କାର ପ୍ରଦାନ କରାଯାଇଥିଲା।
Grateful to the people and Government of Ethiopia as well as Prime Minister Abiy Ahmed Ali for conferring upon me the ‘Great Honour Nishan of Ethiopia’ last evening. To be honoured by one of the world’s most ancient and rich civilisations is a matter of immense pride. This honour… pic.twitter.com/MWrdGwVFcI
— Narendra Modi (@narendramodi) December 17, 2025
ପୁରସ୍କାର ଗ୍ରହଣ କରିବା ପରେ ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ଏହା ଭାରତର ୧.୪ କୋଟି ଲୋକଙ୍କ ପାଇଁ ଏକ ସମ୍ମାନ। ସେ କହିଥିଲେ, “ମୁଁ ସମସ୍ତ ଭାରତୀୟଙ୍କ ପକ୍ଷରୁ ସମ୍ପୂର୍ଣ୍ଣ ନମ୍ରତା ଏବଂ କୃତଜ୍ଞତାର ସହିତ ଏହି ସମ୍ମାନକୁ ଗ୍ରହଣ କରୁଛି। ଏହି ସମ୍ମାନ ସେହି ଅଗଣିତ ଭାରତୀୟଙ୍କର ଯେଉଁମାନେ ଆମର ସହଭାଗୀତାକୁ ଗଢ଼ି ତୋଳିଛନ୍ତି । ସେ ଆହୁରି କହିଥିଲେ ଯେ “ବିଶ୍ୱର ସବୁଠାରୁ ପୁରୁଣା ଏବଂ ସମୃଦ୍ଧ ସଭ୍ୟତା ମଧ୍ୟରୁ ଗୋଟିଏ ଦ୍ୱାରା ସମ୍ମାନିତ ହେବା ମୋ ପାଇଁ ଏକ ବଡ଼ ସୌଭାଗ୍ୟର ବିଷୟ।”
ଭାରତ ଏବଂ ଇଥିଓପିଆ ମଧ୍ୟରେ ସମ୍ପର୍କକୁ ସୁଦୃଢ଼ କରିବା ଏବଂ ବିଶ୍ୱସ୍ତରୀୟ ରାଜନେତା ଭାବରେ ତାଙ୍କର ଦୂରଦୃଷ୍ଟିପୂର୍ଣ୍ଣ ନେତୃତ୍ୱ ପାଇଁ ଇଥିଓପିଆ ପ୍ରଧାନମନ୍ତ୍ରୀ ଡକ୍ଟର ଆବି ଅହମ୍ମଦ ଅଲି ତାଙ୍କୁ ଏହି ସମ୍ମାନ ପ୍ରଦାନ କରିଛନ୍ତି ।
ଆହୁରି ମୋଦୀ କହିଛନ୍ତି ଯେ, “ଆତଙ୍କବାଦ ବିରୋଧରେ ଆମର ଲଢ଼େଇରେ ବନ୍ଧୁ ରାଷ୍ଟ୍ରଗୁଡ଼ିକର ସମର୍ଥନ ଆମକୁ ମଜବୁତ କରେ। ଆମେ ଇଥିଓପିଆ ସହିତ ଏହି ସମାନ ଦୃଷ୍ଟିକୋଣ ଏବଂ ସହଯୋଗକୁ ପ୍ରଶଂସା କରୁଛୁ ।
Thank you Ethiopia for a welcome that was unforgettable. The Indian community showed remarkable warmth and affection.
India-Ethiopia friendship is going to get even more robust in the times to come.@AbiyAhmedAli pic.twitter.com/hFdc0ztJNa
— Narendra Modi (@narendramodi) December 16, 2025
ସୂଚନାଥାଉକି, ଦୁଇ ଦେଶ ମଧ୍ୟରେ ଆଠଟି ଚୁକ୍ତି ସ୍ୱାକ୍ଷରିତ ହୋଇଛି। ଏଥିରେ ସୀମା ଶୁଳ୍କ ମାମଲାରେ ସହଯୋଗ, ଇଥିଓପିଆନ ବୈଦେଶିକ ମନ୍ତ୍ରଣାଳୟରେ ଏକ ଡାଟା ସେଣ୍ଟର ପ୍ରତିଷ୍ଠା, ଜାତିସଂଘ ଶାନ୍ତିରକ୍ଷା ଅଭିଯାନ ପାଇଁ ତାଲିମରେ ସହଯୋଗ ଏବଂ G20 ଢାଞ୍ଚା ଅଧୀନରେ ଋଣ ପୁନର୍ଗଠନ,ICCR ଛାତ୍ରବୃତ୍ତିରେ ଇଥିଓପିଆରୁ ଲୋକଙ୍କ ପାଇଁ ବର୍ଦ୍ଧିତ ଛାତ୍ରବୃତ୍ତିରେ ବୃଦ୍ଧି ଏବଂ ଏଥିରେ ଇଥିଓପିଆ ଲୋକଙ୍କ ପାଇଁ କୃତ୍ରିମ ବୁଦ୍ଧିମତ୍ତା ପାଠ୍ୟକ୍ରମ ଅନ୍ତର୍ଭୁକ୍ତ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କର ତ୍ରିରାଷ୍ଟ୍ର ବିଦେଶ ଗସ୍ତର ଦ୍ବିତୀୟ ଚରଣରେ ମଙ୍ଗଳବାର ଇଥିଓପିଆରେ ପହଞ୍ଚିଥିଲେ । ଇଥିଓପିଆ ପ୍ରଧାନମନ୍ତ୍ରୀ ତଥା ନୋବେଲ ଶାନ୍ତି ପୁରସ୍କାର ବିଜେତା ଆବି ଅହମ୍ମଦ ଅଲି ବିମାନବନ୍ଦରରେ ଉପସ୍ଥିତ ରହି ମୋଦୀଙ୍କୁ ସ୍ବାଗତ କରିଥିଲେ। ଏହା ପରେ ସେ ମୋଦୀଙ୍କୁ ନିଜ କାର୍ରେ ବସାଇଥିଲେ ଓ ନିଜେ କାର୍ ଚଳାଇ ବିମାନବନ୍ଦରରୁ ହୋଟେଲକୁ ନେଇଥିଲେ। ରାସ୍ତାରେ ପ୍ରଧାନମନ୍ତ୍ରୀ ମୋଦୀଙ୍କୁ ସାଇନ୍ସ ମ୍ୟୁଜିୟମ୍ ଏବଂ ଫ୍ରେଣ୍ଡସିପ୍ ପାର୍କ ବୁଲେଇଥିଲେ, ଯାହା ପ୍ରାରମ୍ଭରେ ତାଙ୍କ କାର୍ଯ୍ୟସୂଚୀରେ ଅନ୍ତର୍ଭୁକ୍ତ ନଥିଲା।
في الطريق إلى متحف الأردن برفقة صاحب السمو الملكي ولي العهد الأمير الحسين بن عبدالله الثاني pic.twitter.com/Kj5I2xuBFG
— Narendra Modi (@narendramodi) December 16, 2025
ଏହା ପୂର୍ବରୁ ଜୋର୍ଡାନ ଯୁବରାଜ ମଧ୍ୟ ମୋଦୀଙ୍କୁ ତାଙ୍କ କାର୍ରେ ବସାଇ ଅମନସ୍ଥିତ ସଂଗ୍ରହାଳୟକୁ ବୁଲାଇ ନେଇଥିଲେ। ସୋମବାର ମୋଦୀ ତାଙ୍କ ତ୍ରିରାଷ୍ଟ୍ର ଗସ୍ତର ପ୍ରଥମ ଚରଣରେ ଜୋର୍ଡାନ ଯାଇଥିଲେ।