ରାଉରକେଲା: ମାଓ ଦମନ ବିରୋଧି ଲଢ଼େଇରେ ଜଣେ ୧୫ ବର୍ଷୀୟ କ୍ୟାଡର ମାଓବାଦୀ ରାଉରକେଲା ପୋଲିସ ନିକଟରେ ଆତ୍ମସମର୍ପଣ କରିଛନ୍ତି।
ରୋୟା କାଲୁଣ୍ଡି ଓରଫ ଗଣେଶ ନାମକ ଏହି କ୍ୟାଡର ଜଣକ ଝାଡ଼ଖଣ୍ଡର ପଶ୍ଚିମ ସିଂହଭୂମି ଜିଲ୍ଲାର କଣ୍ଟୋଡ୍ୟା ଗ୍ରାମର ବାସିନ୍ଦା। ଗଣେଶଙ୍କଠାରୁ ଏକ ୯ ଏମଏମ କାର୍ବାଇନ୍ ଉଦ୍ଧାର କରାଯାଇଛି।
ସରକାରୀ ରେକର୍ଡ ଅନୁଯାୟୀ, ବରିଷ୍ଠ ମୁଖିଆଙ୍କ ଦ୍ୱାରା ନିଯୁକ୍ତି ପାଇବା ପରେ ସେ ୨୦୨୨ ମସିହାରେ ମାତ୍ର ୧୨ ବର୍ଷ ବୟସରେ ଭାରତୀୟ କମ୍ୟୁନିଷ୍ଟ ପାର୍ଟି (ମାଓବାଦୀ)ରେ ଯୋଗ ଦେଇଥିଲେ। ପରବର୍ତ୍ତୀ ସମୟରେ ସେ ସରଣ୍ଡା ଏବଂ କୋଲହାନ ଜଙ୍ଗଲ ଅଞ୍ଚଳରେ କାର୍ଯ୍ୟ କରୁଥିଲେ। ଅସ୍ତ୍ରଶସ୍ତ୍ର ପରିବହନ ସହ ବିସ୍ଫୋରକ ପରିଚାଳନା କରୁଥିଲେ ଏବଂ ଗୁଇନ୍ଦା ଅଭିଯାନ ମଧ୍ୟ ପରିଚାଳନା କରୁଥିଲେ।
ପୋଲିସ ଅନୁଯାୟୀ, ସେ ଓଡ଼ିଶା ଏବଂ ଝାଡ଼ଖଣ୍ଡରେ କେ ବଲାଙ୍ଗ ଥାନା ଏବଂ ବିଏନଡିଏମ ଜିଆରପିଏସରେ ପଞ୍ଜିକୃତ ଅନେକ ମାମଲାରେ ଜଡିତ ଥିଲେ। ଯେଉଁଥିରେ ବେଆଇନ କାର୍ଯ୍ୟକଳାପ (ନିବାରଣ) ଆଇନ, ଅସ୍ତ୍ରଶସ୍ତ୍ର ଆଇନ ଏବଂ ବିସ୍ଫୋରକ ଜନିତ ଆଇନ ଅନୁଯାୟୀ ଅଭିଯୋଗ ରହିଛି। ଗଣେଶ ଚଳିତ ବର୍ଷ ମାଓ-ସମ୍ପର୍କିତ ଘଟଣାରେ ଜଡିତ ଥିବା ଅନୁମାନ କରାଯାଉଛି। ଯେଉଁଥିରେ ରେଳ ଟ୍ରାକ ବିସ୍ଫୋରଣ, ଆଇଇଡି ବିସ୍ଫୋରଣ ଏବଂ ବାଙ୍କୋରେ ଏକ ଲୁଟପାଟ ଘଟଣା ଅନ୍ତର୍ଭୁକ୍ତ। ଏହା ସହିତ ଦୁଇ ରାଜ୍ୟ ମଧ୍ୟରେ ଘଞ୍ଚ ଜଙ୍ଗଲରେ ଗୁପ୍ତଚର ଏବଂ ଲଜିଷ୍ଟିକ୍ ସହାୟତା ଯୋଗାଇବା ଆଦି ଅନ୍ତର୍ଭୁକ୍ତ ରହିଛି।