150 kg ammonium nitrate seized: ନୂଆବର୍ଷ ପାର୍ଟି ପୂର୍ବରୁ ୧୫୦ କିଲୋ ଆମୋନିୟମ୍ ନାଇଟ୍ରେଟ୍ ଜବତ; ୨ ଗିରଫ
ନୂଆଦିଲ୍ଲୀ:ରାଜସ୍ଥାନର ଟୋଙ୍କ ଜିଲ୍ଲାରେ DST (ଜିଲ୍ଲା ସ୍ପେଶାଲ୍ ଟିମ୍) ଦଳ ବିପୁଳ ପରିମାଣର ବିସ୍ଫୋରକ ଜବତ କରିଛି। ନୂଆବର୍ଷର ପାର୍ଟି ପୂର୍ବରୁ ରାଜସ୍ଥାନର ଟୋଙ୍କ ଜିଲ୍ଲାରେ ପୋଲିସର ଜିଲ୍ଲା ସ୍ୱତନ୍ତ୍ର ଦଳ (DST) ଏକ ବଡ଼ ଅଭିଯାନ ଚଳାଇଥିଲେ। ବରୋନି ପୋଲିସ ଷ୍ଟେସନ ଅଞ୍ଚଳରେ ଏକ ଯାଞ୍ଚ ସମୟରେ ବୁନ୍ଦିରୁ ଟୋଙ୍କକୁ ଏକ କାରରେ ପରିବହନ କରାଯାଉଥିବା ୧୫୦ କିଲୋଗ୍ରାମ ଆମୋନିୟମ୍ ନାଇଟ୍ରେଟ୍ ବିସ୍ଫୋରକ ଜବତ କରିଛି ।
ସୂଚନାଥାଉକି, ପୋଲିସ କାରରୁ ପ୍ରାୟ ୧୫୦ କିଲୋଗ୍ରାମ ଆମୋନିୟମ୍ ନାଇଟ୍ରେଟ୍ ଜବତ କରିଛି, ଯାହାକୁ ୟୁରିଆ ସାର ବସ୍ତାରେ ଲୁଚାଇ ରଖାଯାଇଥିଲା। କାରର ତଲାସୀ ସମୟରେ, ପୋଲିସ ୨୦୦ ଟି ବିପଜ୍ଜନକ ବିସ୍ଫୋରକ କାର୍ଟ୍ରିଜ୍ ଏବଂ ଛଅଟି ବଣ୍ଡଲ୍ ସେଫ୍ଟି ଫ୍ୟୁଜ୍ ତାର ମଧ୍ୟ ପାଇଲା। ପ୍ରତ୍ୟେକ ବଣ୍ଡଲ୍ରେ ପ୍ରାୟ ୧୮୩ ମିଟର ତାର ଥିଲା, ଫଳରେ ଜବତ ଫ୍ୟୁଜ୍ ତାରର ମୋଟ ପରିମାଣ ୧୧୦୦ ମିଟରରୁ ଅଧିକ ରହିଛି ।
ଡେପୁଟି ପୋଲିସ ସୁପରିଣ୍ଟେଣ୍ଡେଣ୍ଟ ମୃତ୍ୟୁଞ୍ଜୟ ମିଶ୍ର କହିଛନ୍ତି ଯେ ଗିରଫ ଅଭିଯୁକ୍ତମାନେ ହେଉଛନ୍ତି ସୁରେନ୍ଦ୍ର ପଟୱା ଏବଂ ସୁରେନ୍ଦ୍ର ମୋଚି। ଦୁହେଁ ବୁନ୍ଦି ଜିଲ୍ଲାର କରୱାରର ବାସିନ୍ଦା। ବିସ୍ଫୋରକ ସାମଗ୍ରୀ ୟୁରିଆ ବସ୍ତାରେ ପ୍ୟାକ୍ କରାଯାଇଥିଲା। ଯେତେବେଳେ କାରରେ ଥିବା ଦୁଇ ଜଣଙ୍କୁ ପଚରା ଉଚରା କରାଯାଇଥିଲା, ସେମାନେ କହିଥିଲେ ଯେ ଏହା ୟୁରିଆ । କିନ୍ତୁ ପୋଲିସ କାରରେ ୨୦୦ ବିସ୍ଫୋରକ କାର୍ଟ୍ରିଜ୍ ଏବଂ ୧୧୦୦ ସେଫ୍ଟି ଫ୍ୟୁଜ୍ ତାର ପାଇଥିଲା, ଏହାପରେ ଜାଣିପାରିଥିଲେ ଯେ ମାମଲାଟି ଗମ୍ଭୀର।
ସୂଚନାଥାଉକି, ଆମୋନିୟମ୍ ନାଇଟ୍ରେଟ୍ ମୁଖ୍ୟତଃ ପଥର ଖନନ ଏବଂ ଖଣି କାର୍ଯ୍ୟରେ ବ୍ୟବହୃତ ହୁଏ। ଆରାବଳୀ ପାହାଡ଼ ଏବଂ ଜିଲ୍ଲା ମୁଖ୍ୟାଳୟ ସଂଲଗ୍ନ ଅନ୍ୟାନ୍ୟ ଅଞ୍ଚଳରେ ଅନେକ ବେଆଇନ ଖଣି ଚାଲୁଛି, ଯେଉଁଠାରେ ଏହି ବିସ୍ଫୋରକ ବ୍ୟବହାର କରାଯାଉଛି। ଏପଟେ ଦିଲ୍ଲୀରେ ଘଟିଥିବା ବିସ୍ଫୋରଣରେ ସମାନ ସାମଗ୍ରୀ ବ୍ୟବହାର ହୋଇଥିବା ସନ୍ଦେହ କରାଯାଉଛି।
ବର୍ତ୍ତମାନ ପୋଲିସ ଅଭିଯୁକ୍ତମାନଙ୍କୁ ଜୋରଦାର ପଚରାଉଚରା କରୁଛି ଏବଂ ବିସ୍ଫୋରକ ସାମଗ୍ରୀ କେଉଁଠିକୁ ଏବଂ କେଉଁ ଉଦ୍ଦେଶ୍ୟରେ ନିଆଯାଉଥିଲା । ମାମଲାର ଅଧିକ ତଦନ୍ତ ଜାରି ରହିଛି।