ଗତକାଲି ୨ ଝିଅଙ୍କୁ କୂଅରେ ଫିଙ୍ଗି ହତ୍ୟା କରିଥିଲା ମାଆ: ଆଜି ଝୁଲନ୍ତା ଅବସ୍ଥାରେ ମାଆର ମୃତଦେହ ଉଦ୍ଧାର

ସମ୍ବଲପୁର: ଶୁକ୍ରବାର ସମ୍ବଲପୁର ଜିଲ୍ଲାରେ ଜଣେ ମହିଳା ତାଙ୍କ ଦୁଇ ନାବାଳିକା ଝିଅଙ୍କୁ ଏକ କୂଅରେ ଫିଙ୍ଗି ହତ୍ୟା କରିଥିବା ଖବର ସାମ୍ନାକୁ ଆସିଥିଲା । ଏବେ ଏହି ଘଟଣାରେ ଉକ୍ତ ହତ୍ୟାକାରିଣୀ ମାଆ ଆତ୍ମହତ୍ୟା କରିଥିବା ଜଣାପଡିଛି । ଆଜି ଝୁଲନ୍ତା ଅବସ୍ଥାରେ ମାଆର ମୃତଦେହ ମିଳିଛି ।

ଅନ୍ୟ ଏକ ଗାଁରେ ଥିବା ଏକ ନାଳ ନିକଟରେ ପୋଲିସ ମୃତଦେହ ଠାବ କରିଛି। ସ୍ୱାମୀର ଅଭିଯୋଗ କ୍ରମେ ଆଜି ହତ୍ୟାକାରୀ ମାଆକୁ ଖୋଜୁଥିଲା ପୋଲିସ । ହେଲେ ତାଙ୍କର ମୃତଦେହ ଠାବ ହୋଇଛି ।

ସୂଚନା ମୁତାବକ, ସଞ୍ଜୁ ମାଦିକି ନାମକ ମହିଳା ତାଙ୍କର ଦୁଇ ଝିଅ, ଜଣେ ପ୍ରାୟ ୬ ବର୍ଷ ବୟସର ଏବଂ ଅନ୍ୟ ଜଣେ ପ୍ରାୟ ୪ ମାସର, ସେମାନଙ୍କ ସହିତ ଶୁକ୍ରବାର ଅପରାହ୍ନରେ ଘରୁ ବାହାରି ଯାଇଥିଲେ । ସେ ତାଙ୍କ ଦୁଇ ପିଲାଙ୍କୁ ନିକଟସ୍ଥ ଚାଷ ଜମିକୁ ନେଇ ଯାଇଥିଲେ ଏବଂ ସେଠାରେ ଥିବା ଏକ କୂଅରେ ଫିଙ୍ଗି ଦେଇଥିବା ଅଭିଯୋଗ ହୋଇଛି। ପରେ ସେ ଏକୁଟିଆ ଘରକୁ ଫେରି

ସଞ୍ଜୁଙ୍କ ସ୍ୱାମୀ ଜେମ୍ସ ମାଦିକି ସେମାନଙ୍କ ପିଲାମାନଙ୍କୁ ଘରେ ନପାଇ ପଚାରିବା ପରେ ଘଟଣାଟି ଜଣାପଡ଼ିଥିଲା । ଜେମ୍ସ କିଛି ସ୍ଥାନୀୟ ଲୋକଙ୍କ ସହିତ ଚାଷ ଜମିକୁ ଦୌଡ଼ି ଯାଇ କୂଅରୁ ଦୁଇ ପିଲାଙ୍କୁ ଉଦ୍ଧାର କରି ନିକଟସ୍ଥ ଡାକ୍ତରଖାନାକୁ ନେଇଯାଇଥିଲେ । କିନ୍ତୁ, ଡାକ୍ତର ପହଞ୍ଚିବା ପରେ ଦୁଇ ଭଉଣୀଙ୍କୁ ମୃତ ଘୋଷଣା କରିଥିଲେ ।