ନୂଆଦିଲ୍ଲୀ: ବିରୋଧୀଙ୍କ ହଟ୍ଟଗୋଳ ମଧ୍ୟରେ ସରକାର ସୋମବାର ଲୋକସଭାରେ ପେପର ଲିକ୍ ସମ୍ପର୍କିତ ସାଧାରଣ ପରୀକ୍ଷା (ସଂଶୋଧନ) ବିଲ୍ ଆଗତ କରିଛନ୍ତି। ବିରୋଧୀଙ୍କ ବିରୋଧ ଏବଂ ନାରାବାଜି ମଧ୍ୟରେ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂହ ଗୃହରେ ଏହି ବିଲ୍ ଆଗତ କରିଛନ୍ତି।
କେନ୍ଦ୍ର ସରକାର ୨୦୨୪ ଆଇନକୁ ସଂଶୋଧନ କରିବା ପାଇଁ ସଂଶୋଧନ ବିଲ୍ ଆଗତ କରିଛନ୍ତି। ଏହି ସଂଶୋଧନ ୨୦୨୫ ଆଇନକୁ ଅଧିକ କଡ଼ାକଡ଼ି କରିଥାଏ। ପେପର ଲିକ୍ ପାଇଁ ଦୋଷୀ ସାବ୍ୟସ୍ତ ହୋଇଥିବା ଲୋକଙ୍କ ପାଇଁ କଠୋର ଦଣ୍ଡ ଏବଂ ଭାରୀ ଜରିମାନାର ବ୍ୟବସ୍ଥା କରାଯାଇଛି।
ଏହା ସହିତ ରାଜ୍ୟ ସରକାର ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ସ୍ୱତନ୍ତ୍ର ଫାଷ୍ଟ-ଟ୍ରାକ୍ କୋର୍ଟ ପ୍ରତିଷ୍ଠା କରିବାକୁ କ୍ଷମତା ଦିଆଯିବ, ଯେଉଁଠାରେ ପ୍ରତିଦିନ ମାମଲା ଶୁଣାଣି ହେବ। ଜୁଲାଇ ୨୩ରେ ଏହି ଆଇନରେ ସଂଶୋଧନ ଘୋଷଣା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ ଯେ ପେପର ଲିକ୍ ଲକ୍ଷ ଲକ୍ଷ ଛାତ୍ରଛାତ୍ରୀ ଏବଂ ସେମାନଙ୍କ ପରିବାରଙ୍କ ଭବିଷ୍ୟତ ସହିତ ଜଡିତ ଏକ ଗମ୍ଭୀର ସମସ୍ୟା। ତେଣୁ ସେମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ମେ ୩, ୨୦୨୬ରେ ଅନୁଷ୍ଠିତ NEET-UG 2026 ପରୀକ୍ଷା ପେପର୍ ଲିକ୍ ହୋଇଥିଲା। ସରକାର ଏବଂ ଜାତୀୟ ପରୀକ୍ଷା ଏଜେନ୍ସି (NTA) NEET-UG 2026 ପରୀକ୍ଷା ବାତିଲ କରି ପୁନଃପରୀକ୍ଷା କରିଥିଲେ। ଏହି ସମୟ ମଧ୍ୟରେ ଦେଶବ୍ୟାପୀ ଅନେକ ଛାତ୍ର ଆତ୍ମହତ୍ୟା କରିଥିଲେ। କକ୍ରୋଚ୍ ଜନତା ପାର୍ଟି ପେପର ଲିକ୍ ଘଟଣାକୁ ନେଇ ଏକ ମାସ ଧରି ଦିଲ୍ଲୀର ଜନ୍ତରମନ୍ତରରେ ପ୍ରତିବାଦ କରିଥିଲେ। ଏପରିକି ସାମାଜିକ କର୍ମୀ ସୋନମ ୱାଙ୍ଗଚୁକ୍ ୨୬ ଦିନ ଧରି ଉପବାସରେ ରହି ଅନଶନ କରିଥିଲେ।