ସାନୋ (ଜାପାନ): ଟି୨୦ ଭାରତୀୟ କ୍ରିକେଟ ଟିମ ନାମରେ ଆଉ ଏକ କୀର୍ତିମାନ ଯୋଡି ହୋଇଛି । ଆନ୍ତର୍ଜାତୀୟ ଟି୨୦ରେ ଟିମ ଇଣ୍ଡିଆ ପ୍ରଥମ ଦଳ ଭାବେ ୨୦୦ ବିଜୟ ହାସଲ କରି ବିଶ୍ୱରେକର୍ଡ କରିଛି । ୨୦୦୬ରେ ଦକ୍ଷିଣ ଆଫ୍ରିକା ବିପକ୍ଷରେ ଭାରତ ପ୍ରଥମ ଟି୨୦ ବିଜୟ ହାସଲ କରିଥିଲା । ଶ୍ରୀଲଙ୍କାକୁ ହରାଇ ୫୦ତମ, ୱେଷ୍ଟଇଣ୍ଡିଜକୁ ପରାଜିତ କରି ୧୦୦ତମ ଓ ଅଷ୍ଟ୍ରେଲିଆକୁ ମାତ ଦେଇ ୧୫୦ତମ ବିଜୟ ହାସଲ କରିଥିଲା । ଏବେ ଚଳିତ ଏସିଆନ ଗେମ୍ସରେ ଜାପାନକୁ ହରାଇ ୨୦୦ତମ ବିଜୟ ହାସଲ କରିଛି ।
ବର୍ଷା ଯୋଗୁଁ ୫ ଓଭରକୁ ହ୍ରାସ କରାଯାଇଥିବା ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରି ଭାରତୀୟ ଦଳ ୪ ୱିକେଟ୍ ହରାଇ ମାତ୍ର ୩୨ ରନ୍ କରିଥିଲା। ଦଳ ପକ୍ଷରୁ ଅଧିନାୟକ ଶ୍ରେୟସ ଆୟର ସର୍ବାଧିକ ୧୬ ରନ୍ କରିଥିବା ବେଳେ ଓପନର ଅଭିଷେକ ଶର୍ମା ଖାତା ଖୋଲିବା ପୂର୍ବରୁ ଆଉଟ୍ ହୋଇଥିଲେ। ୩୩ ରନ୍ର ପିଛା କରୁଥିବା ଜାପାନକୁ ଶେଷ ଓଭରରେ ଜିତିବା ପାଇଁ ୮ ରନ୍ ଆବଶ୍ୟକ ଥିଲା। ତେବେ ଅକ୍ଷର ପଟେଲ୍ ଶେଷ ଓଭରରେ ଚମତ୍କାର ବୋଲିଂ କରି ଜାପାନକୁ ୩୦/୩ ରନ୍ରେ ଅଟକାଇ ଦେଇଥିଲେ ଏବଂ ଭାରତକୁ ୨ ରନ୍ରେ ନାଟକୀୟ ବିଜୟ ଦେଇଥିଲେ।
