Mirabai Chanu Wins Silver Medal:ମୀରାବାଇ ରୌପ୍ୟ ପଦକ ଜିତି ରଚିଲେ ଇତିହାସ; ୨୮ ବର୍ଷ ପରେ ଏସୀୟ କ୍ରୀଡ଼ାରେ ଭାରତକୁ ମିଳିଲା…
ନୂଆଦିଲ୍ଲୀ:୨୮ ବର୍ଷର ଅପେକ୍ଷାର ଅନ୍ତ । ଭାରତର ଷ୍ଟାର୍ ଭାରଉତ୍ତୋଳନକାରୀ ମୀରାବାଇ ଚାନୁ ୨୦୨୬ ଏସିଆନ ଗେମ୍ସରେ ମହିଳା ୪୯ କିଗ୍ରା ବର୍ଗରେ ରୌପ୍ୟ ପଦକ ଜିତି ଇତିହାସ ସୃଷ୍ଟି କରିଛନ୍ତି। ଏସିଆନ ଗେମ୍ସରେ ମୀରାବାଇଙ୍କର ଏହା ପ୍ରଥମ ପଦକ ଅଟେ। ଏହା ସହିତ ଭାରତକୁ ଭାରଉତ୍ତୋଳନରେ ୨୮ ବର୍ଷ ପରେ ଏସିଆନ ଗେମ୍ସର କୌଣସି ପଦକ ମିଳିଛି।
ଉତ୍ତର କୋରିଆର ରି ସୋଙ୍ଗ ଗୁମ୍ ଏକ ବିଶ୍ୱ ରେକର୍ଡ ସ୍ଥାପନ କରି ସ୍ୱର୍ଣ୍ଣ ପଦକ ଜିତିଥିଲେ ।
Mirabai Chanu nails all her three Snatch attempts, successfully lifting 83kg, 85kg and 87kg in a perfect start to her Asian Games campaign! 🔥
Watch the 20th Asian Games Aichi-Nagoya LIVE on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/E1DnrjOhuB
— Sony Sports Network (@SonySportsNetwk) September 23, 2026
ଉଲ୍ଲେଖନୀୟ ଯେ, ମୀରାବାଇ ଚାନୁଙ୍କ ପାଇଁ ଏହି ପଦକ ଅତ୍ୟନ୍ତ ସ୍ୱତନ୍ତ୍ର ଅଟେ। ଗ୍ଲାସ୍ଗୋ କମନୱେଲ୍ଥ ଗେମ୍ସରେ ସ୍ୱର୍ଣ୍ଣ ପଦକ ଜିତିବା ପରେ ସେ ଏସୀୟ କ୍ରୀଡ଼ାରେ ପଦକ ଜିତିବାକୁ ପ୍ରତିଶ୍ରୁତି ଦେଇଥିଲେ,ଯାହାକୁ ସେ ବର୍ତ୍ତମାନ ପୂରଣ କରିଛନ୍ତି। ମୋଟ ୧୯୮ କିଲୋଗ୍ରାମ ଓଜନ ଉଠାଇ ମୀରାବାଇ ନିଜର ପ୍ରଥମ ଏସୀୟ କ୍ରୀଡ଼ା ପଦକ ହାସଲ କରିଛନ୍ତି।
ମୀରାବାଇ ଚାନୁ ୨୮ ବର୍ଷ ପରେ ଭାରତ ପାଇଁ ପଦକ ଜିଣିଲେ
୨୮ ବର୍ଷର ବ୍ୟବଧାନ ପରେ ଭାରତ ଏସୀୟ କ୍ରୀଡ଼ାର ଭାରୋତ୍ତୋଳନ ପ୍ରତିଯୋଗିତାରେ ଏକ ପଦକ ହାସଲ କରିଛି। ଏହା ପୂର୍ବରୁ, ୧୯୯୮ ଏସୀୟ କ୍ରୀଡ଼ାରେ ଭାରତ ଭାରୋତ୍ତୋଳନରେ ଶେଷ ପଦକ ଜିତିଥିଲା, ଯେଉଁଥିରେ କର୍ଣ୍ଣମ ମଲେଶ୍ୱରୀ ୬୩ କିଗ୍ରା ବର୍ଗରେ ରୌପ୍ୟ ପଦକ ଜିତିଥିଲେ। ପଦକ ଜିତିବାର ଏହି ଦୀର୍ଘ ଦିନର ଅପେକ୍ଷାକୁ ଦୂର କରି ମୀରାବାଇ ପୁଣିଥରେ ପ୍ରମାଣିତ କରିଛନ୍ତି ଯେ ସେ ଦେଶର ଅନ୍ୟତମ ଭରସାଯୋଗ୍ୟ ଏବଂ ଉତ୍କୃଷ୍ଟ କ୍ରୀଡ଼ାବିତ୍। ତାଙ୍କର ଏହି ସଫଳତା ପାଇଁ ସମଗ୍ର ଦେଶ ଗର୍ବ ଅନୁଭବ କରୁଛି।
ଉଲ୍ଲେଖନୀୟ ଯେ, ୨୦୨୩ ଏସୀୟ କ୍ରୀଡ଼ାରେ ମୀରାବାଇ ଚତୁର୍ଥ ସ୍ଥାନ ଅଧିକାର କରିଥିଲେ; କାରଣ ଫାଇନାଲ୍ରେ ଜଙ୍ଘରେ ଆଘାତ ଲାଗିବା ଯୋଗୁଁ ତାଙ୍କର ‘କ୍ଲିନ୍-ଆଣ୍ଡ-ଜର୍କ’ (clean-and-jerk) ପ୍ରୟାସ ବାଧାପ୍ରାପ୍ତ ହୋଇଥିଲା।
ସୂଚନାଥାଉକି, ମୀରାବାଇ ଚାନୁ ପ୍ରଥମେ ୨୦୧୪ ମସିହାରେ ଏସୀୟ କ୍ରୀଡ଼ାରେ ଅଂଶଗ୍ରହଣ କରିଥିଲେ କିନ୍ତୁ ପଦକ ଜିତିବାରେ ବିଫଳ ହୋଇଥିଲେ। ୨୦୧୮ ମସିହାରେ ଆହତ ହେବା କାରଣରୁ ସେ ପୁଣିଥରେ ପଦକ ଜିତିବାର ସୁଯୋଗ ହରାଇଥିଲେ। ୨୦୨୩ ମସିହାରେ ସେ ଚତୁର୍ଥ ସ୍ଥାନ ଅଧିକାର କରିଥିଲେ, କିନ୍ତୁ ୨୩ ସେପ୍ଟେମ୍ବର ୨୦୨୬ରେ ସେ ଶେଷରେ ଏସୀୟ କ୍ରୀଡ଼ାରେ ରୌପ୍ୟ ପଦକ ଜିତିଥିଲେ।