ପ୍ରଶଂସକଙ୍କ ହୃଦୟ ଜିତିଲା ଗୀତ ‘ତେରି ସେକ୍ସି ବ୍ୟୁଟି’, ୧୧ ବର୍ଷ ପରେ ଗାୟକ ଭାବେ ଫେରିଲେ ଭାଇଜାନ

ମୁମ୍ବାଇ: ସଲମାନ ଖାନ ତାଙ୍କର ଆଗାମୀ ଚଳଚ୍ଚିତ୍ର ‘ମାତୃଭୂମି’ରୁ ‘ତେରି ସେକ୍ସି ବ୍ୟୁଟି’ (Teri Sexy Beauty) ନାମକ ଏକ ନୂଆ ଗୀତ ରିଲିଜ୍ କରି ପ୍ରଶଂସକମାନଙ୍କୁ ଚକିତ କରିଦେଇଛନ୍ତି। ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ମାତୃଭୂମି: ମେ ୱାର୍ ରେଷ୍ଟ ଇନ୍ ପିସ୍’ ରୁ ଏକ ନୂତନ ଗୀତ ‘ତେରି ସେକ୍ସି ବ୍ୟୁଟି’ ମୁକ୍ତିଲାଭ କରିଛି। ଏହି ଗୀତରେ ସଲମାନ ଖାନ ନିଜ କଣ୍ଠଦାନ କରିଛନ୍ତି ଏବଂ ଏଥିରେ ସେ ଚିତ୍ରାଙ୍ଗଦା ସିଂଙ୍କ ସହ ପରଦାରେ ନଜର ଆସିଛନ୍ତି । ସଲମାନ ଖାନଙ୍କ କଣ୍ଠସ୍ୱର ଏବଂ ଚିତ୍ରାଙ୍ଗଦାଙ୍କ ଯୋଡ଼ି ଦର୍ଶକଙ୍କ ହୃଦୟ ଜିତିଛି।

୧୧ ବର୍ଷ ପରେ ସେ ଏହି ନୂତନ ଚଳଚ୍ଚିତ୍ର ପାଇଁ ପୁଣିଥରେ ଜଣେ ଗାୟକ ଭାବରେ କମ୍ ବ୍ୟାକ୍ କରିଛନ୍ତି। ଏହି ଉତ୍ସାହପୂର୍ଣ୍ଣ ଓ ରୋମାଣ୍ଟିକ ଗୀତଟି ଶ୍ରୋତାମାନଙ୍କୁ ଚକିତ କରିଦେଇଛି। ଚଳଚ୍ଚିତ୍ରଟି ଏକ ଯୁଦ୍ଧ-ଭିତ୍ତିକ କାହାଣୀ ଉପରେ ଆଧାରିତ ହୋଇଥିବାରୁ, ଏହାର ଏଭଳି ଉତ୍ସାହଜନକ ମିଜାଜକୁ ଦେଖି ଅନେକେ ଆଶ୍ଚର୍ଯ୍ୟ ପ୍ରକାଶ କରିଥିଲେ। ବୁଧବାର ସକାଳେ ଇନଷ୍ଟାଗ୍ରାମରେ ସଲମାନ ଏହି ଗୀତର ଏକ ଟିଜର୍ ସେୟାର କରିଛନ୍ତି। ଏହା ସହିତ ସେ ଏକ ଚମତ୍କାର କ୍ୟାପସନ୍ ମଧ୍ୟ ଲେଖିଛନ୍ତି, ଯେଉଁଥିରେ ସେ ସକାଳିଆ ବିମାନ ଯାତ୍ରା ଏବଂ ଗୀତର ବୋଲକୁ ନେଇ ଏକ ମଜାଦାର ଢଙ୍ଗରେ ଉଲ୍ଲେଖ କରିଛନ୍ତି।

“ତେରି ସେକ୍ସି ବ୍ୟୁଟି” ଗୀତର ସଙ୍ଗୀତ ସାଜିଦ ଖାନ ସଂଯୋଜନା କରିଛନ୍ତି ଏବଂ ଏହାର ଗୀତ ମଧ୍ୟ ସେ ଲେଖିଛନ୍ତି, ଯେତେବେଳେ କି ଏହି ଗୀତର ନୃତ୍ୟ ନିର୍ଦ୍ଦେଶନା ସିଜର ଗୋନସାଲଭେସ୍ ଦେଇଛନ୍ତି । ସଲମାନ ଖାନଙ୍କ କଣ୍ଠସ୍ୱର, ଆକର୍ଷଣୀୟ ସଙ୍ଗୀତ ତାଳ ଏବଂ ସୁନ୍ଦର ଉପସ୍ଥାପନା ସହିତ, ଏହି ଗୀତଟି ଚଳଚ୍ଚିତ୍ରରେ ଗ୍ଲାମର ଏବଂ ମନୋରଞ୍ଜନର ଏକ ଜବରଦସ୍ତ ମିଶ୍ରଣ ଯୋଗାଇଛି । ଉଲ୍ଲେଖଯୋଗ୍ୟ ଯେ, ଯଦିଓ ସାମ୍ପ୍ରତିକ ସମୟରେ ସଲମାନ ଖାନ କିଛି ସ୍ୱତନ୍ତ୍ର ଗୀତ ଗାଇଛନ୍ତି, ତଥାପି ହିରୋ (୨୦୧୫) ପରେ ଏହି ଗୀତ ମାଧ୍ୟମରେ ସେ ପୁଣି ଥରେ କୌଣସି ଚଳଚ୍ଚିତ୍ର ପାଇଁ ‘ପ୍ଲେ-ବ୍ୟାକ୍’ ଗାୟକ ଭାବରେ ଫେରିଛନ୍ତି ।