Lashkar commander Lateef Bhat:ମୋଷ୍ଟ ୱାଣ୍ଟେଡ ଆତଙ୍କବାଦୀ ଲତିଫ୍ ଭଟ୍ଟ ସଫା, ଆତ୍ମସମର୍ପଣ କରିବା ପାଇଁ କହିବାରୁ କହିଲା, “ମୁଁ ଆଲ୍ଲାଙ୍କୁ ଭେଟିବି”
ଶ୍ରୀନଗର: ଜମ୍ମୁ ଓ କାଶ୍ମୀରର କୁଲଗାମରେ ସୁରକ୍ଷା ବାହିନୀ ଏକ ବଡ଼ ସଫଳତା ହାସଲ କରିଛନ୍ତି। ବୁଧବାର ଦିନ କୁଲଗାମର ଜଙ୍ଗଲପୋରା ଅଞ୍ଚଳରେ ହୋଇଥିବା ଏକ ଏନ୍କାଉଣ୍ଟର, ସୁରକ୍ଷା ବାହିନୀ ଲସ୍କର-ଏ-ତାଇବାର କମାଣ୍ଡର ମହମ୍ମଦ ଲତିଫ୍ ଭଟ୍ଟକୁ ନିପାତ କରିଛନ୍ତି।
ନଭେମ୍ବର ୧୧ ତାରିଖରେ କୁଲଗାମରେ ସିଆରପିଏଫ୍ (CRPF) ଯବାନଙ୍କ ଉପରେ ହୋଇଥିବା ଆକ୍ରମଣର ଯୋଜନା ଲତିଫ୍ ହିଁ କରିଥିଲା ଏବଂ ଏହାକୁ କାର୍ଯ୍ୟକାରୀ ମଧ୍ୟ କରିଥିଲା। ଏହି ଆକ୍ରମଣରେ ତିନି ଜଣ ଯବାନ ଆହତ ହୋଇଥିଲେ। ସୁରକ୍ଷା ବାହିନୀ ଦୀର୍ଘ ଦିନ ଧରି ଲତିଫ୍ ଭଟ୍ଟକୁ ଖୋଜୁଥିଲେ। ଶେଷରେ, ଗୁଇନ୍ଦା ସୂଚନା ଆଧାରରେ ସେମାନେ ତାକୁ ଜଙ୍ଗଲପୋରା ସ୍ଥିତ ଏକ ମସଜିଦ ନିକଟରେ ଘେରାଉ କରାଯାଇଥିଲା। ସୁରକ୍ଷା ବାହିନୀ ତାଙ୍କୁ ଆତ୍ମସମର୍ପଣ କରିବାର ସୁଯୋଗ ଦେଇଥିଲେ, କିନ୍ତୁ ସେ ମନା କରିଦେଲେ।
#WATCH | Kulgam encounter: An exchange of fire is underway in the Zangalpora area of Kulgam district, Jammu & Kashmir
The operation is underway to neutralise Lashkar-e-Taiba (LeT) commander Lateef Bhat, who has been cornered inside a local mosque after refusing repeated surrender appeals.
(Visuals deferred by unspecified time; no live operational details disclosed)
— ANI (@ANI) November 18, 2026
କୁଲଗାମ୍ ଏସ୍ଏସ୍ପି (SSP) ଅନାୟତ ଅଲି ଚୌଧୁରୀ କହିଛନ୍ତି ଯେ ଆତଙ୍କବାଦୀ ଲତିଫକୁ ଆତ୍ମସମର୍ପଣ କରାଇବା ପାଇଁ ଅନେକ ଥର ଉଦ୍ୟମ କରାଯାଇଥିଲା। ସେ ନିଜେ ୯ ରାଷ୍ଟ୍ରୀୟ ରାଇଫଲ୍ସର କମାଣ୍ଡିଂ ଅଫିସରଙ୍କ ସହ ମିଶି ଭିଡିଓ କଲ୍ ମାଧ୍ୟମରେ ଉକ୍ତ ଆତଙ୍କବାଦୀ ସହ କଥା ହୋଇଥିଲେ ଏବଂ ତାକୁ ଅସ୍ତ୍ରଶସ୍ତ୍ର ତ୍ୟାଗ କରିବାକୁ ଅନୁରୋଧ କରିଥିଲେ।
ଅନାୟତ ଅଲି ଚୌଧୁରୀ ସାମ୍ବାଦିକମାନଙ୍କୁ କହିଛନ୍ତି ଯେ,”ମୁଁ ନିଜେ ତାଙ୍କ ସହ ଭିଡିଓ କଲ୍ରେ ବହୁତ ସମୟ ଧରି କଥା ହେଲି। ତାଙ୍କୁ ବୁଝାଇବା ପାଇଁ ଆମେ ଯଥାସମ୍ଭବ ଚେଷ୍ଟା କଲୁ ଯେ, ତାଙ୍କର ସମ୍ପୂର୍ଣ୍ଣ ଜୀବନ ଏବେ ବି ଆଗରେ ପଡ଼ିଛି। ଆମେ ତାଙ୍କୁ କହିଲୁ ଯେ ସେ ଏବେ ବି ବହୁତ ଛୋଟ ଅଛନ୍ତି, କିନ୍ତୁ ସେ କଥା ଶୁଣିଲେ ନାହିଁ। ଆମେ ତାଙ୍କୁ ଭରସା ଦେଲୁ ଯେ ଆମେ ତାଙ୍କ ସାଥୀରେ ଅଛୁ।”
ଆତଙ୍କବାଦୀ ଲତିଫ୍ କହିଲା, “ମୁଁ ଆଲ୍ଲାଙ୍କୁ ଭେଟିବାକୁ ଯାଉଛି; ମୁଁ ବହୁତ ଖୁସି ଅଛି। ମୁଁ କେବଳ ଆଲ୍ଲାଙ୍କୁ ହିଁ ଭୟ କରେ। ଆଲ୍ଲାଙ୍କ ବ୍ୟତୀତ ମୋ ସହିତ ଆଉ କେହି ନାହାନ୍ତି।”
ଏସ୍ଏସ୍ପି (SSP) ଅନାୟତ ଅଲି ଚୌଧୁରୀ କହିଛନ୍ତି ଯେ ମସଜିଦ ବାହାରୁ ମଧ୍ୟ ଘୋଷଣା କରାଯାଇଥିଲା, କିନ୍ତୁ ଭଟ୍ଟ ଆତ୍ମସମର୍ପଣ କରିବାକୁ ମନା କରିଦେଇଥିଲା। ଆହୁରି ମଧ୍ୟ ସେ କହଛନ୍ତି, “ରାତି ପ୍ରାୟ ୨:୪୫ ସମୟରେ ସେ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇଥିଲା, ଯାହା ଫଳରେ ଉଭୟ ପକ୍ଷରୁ ଗୁଳିବିନିମୟ ହୋଇଥିଲା।” ଅଲି କହିଛନ୍ତି ଯେ ସୁରକ୍ଷାକର୍ମୀମାନେ ଅତ୍ୟନ୍ତ ସଂଯମତା ଅବଲମ୍ବନ କରିଥିଲେ, କାରଣ ଭଟ୍ଟ ମସଜିଦ୍ ଭିତରୁ ଗୁଳି ଚଳାଉଥିଲା। ମସଜିଦ୍ର କୌଣସି କ୍ଷତି ନ ହେବା ସୁନିଶ୍ଚିତ କରିବା ପାଇଁ, ସୁରକ୍ଷାକର୍ମୀମାନେ ଅତ୍ୟନ୍ତ ସଂଯମତା ଓ ସତର୍କତାର ସହ ଏହି ଅଭିଯାନ ପରିଚାଳନା କରିଥିଲେ।
ସେ କହିଛନ୍ତି ଯେ, ସମ୍ପୂର୍ଣ୍ଣ ଅଞ୍ଚଳକୁ ଘେରାବନ୍ଦୀ କରାଯାଇଥିଲା ଏବଂ ନିର୍ଦ୍ଧାରିତ ଅପରେସନ ଅନୁଯାୟୀ ପଦକ୍ଷେପ ନିଆଯାଇଥିଲା। ସୁରକ୍ଷା ବାହିନୀର ଲକ୍ଷ୍ୟ ଥିଲା ଆତଙ୍କବାଦୀକୁ ଜୀବନ୍ତ ଧରିବା—ବିଶେଷକରି ତାକୁ ଆତ୍ମସମର୍ପଣ କରିବା ପାଇଁ ରାଜି କରାଇବା—କିନ୍ତୁ ଶେଷରେ ଲତିଫ୍ ନିହତ ହେଲା। ଏସ୍ଏସ୍ପି (SSP) ଜଣାଇଛନ୍ତି ଯେ, ପୋଲିସ୍ ଦୀର୍ଘ ଦିନ ଧରି ଲତିଫ୍ ଉପରେ ନଜର ରଖିଥିଲା। ବିଶ୍ୱସ୍ତ ଗୁଇନ୍ଦା ସୂଚନା ପାଇବା ପରେ, ଜମ୍ମୁ ଓ କଶ୍ମୀର ପୋଲିସ୍ ଅନ୍ୟ ସୁରକ୍ଷା ବାହିନୀ ସହ ମିଶି ଏହି ଅଭିଯାନ ଆରମ୍ଭ କରିଥିଲା।
ଏସ୍ଏସ୍ପି (SSP) ଅନାୟତ ଅଲି ଜଣାଇଛନ୍ତି ଯେ, ଲତିଫ୍ ୨୦୨୫ ମସିହା ନଭେମ୍ବର ୧୮ ତାରିଖରେ ‘ଲଶ୍କର-ଏ-ତାଇବା’ ନାମକ ଆତଙ୍କବାଦୀ ସଂଗଠନରେ ଯୋଗ ଦେଇଥିଲା। ପୋଲିସର ସୂଚନା ଅନୁଯାୟୀ, ସେ ସୀମା ପାର୍ ରୁ ନିର୍ଦ୍ଦେଶ ପାଉଥିଲା। ତାର ଉଦ୍ଦେଶ୍ୟ ଥିଲା ଏକାଧିକ ବଡ଼ ଧରଣର ଆକ୍ରମଣ କରିବା, ଯାହା ଦ୍ୱାରା ଏହି ଅଞ୍ଚଳରେ ଶାନ୍ତି, ପର୍ଯ୍ୟଟନ ଏବଂ ଅର୍ଥନୀତି ପ୍ରଭାବିତ ହେବ। ପୋଲିସ ଏହି ଅଭିଯାନକୁ ୨୦୨୬ ମସିହାର ଅନ୍ୟତମ ଗୁରୁତ୍ୱପୂର୍ଣ୍ଣ ସଫଳତା ବୋଲି ବର୍ଣ୍ଣନା କରିଛି।
