ମଧ୍ୟପ୍ରଦେଶର ଭାଇରସ ମହାରାଷ୍ଟ୍ର ଆସିବନି: ଶିବସେନା

ମହାରାଷ୍ଟ୍ର: ମଧ୍ୟପ୍ରଦେଶରେ ଲାଗି ରହିଥିବା ରାଜନୈତିକ ସଂକଟକୁ ନେଇ ଶିବସେନା ପ୍ରତିକ୍ରିୟା ପ୍ରକାଶ କରିଛି । ମଧ୍ୟପ୍ରଦେଶରେ ବିଜେପି ପକ୍ଷରୁ କଂଗ୍ରେସ ସରକାରଙ୍କୁ କ୍ଷମତାଚ୍ୟୁତ କରାଇବା ଲାଗି କରାଯାଉଥିବା ଉଦ୍ୟମ ମହାରାଷ୍ଟ୍ରରେ କାମ ଦେବନି ବୋଲି କହିଛି ଶିବସେନା ।
ଶିବସେନା ସାଂସଦ ସଂଜୟ ରାଉତ କହିଛନ୍ତି ଯେ, ମଧ୍ୟପ୍ରଦେଶ ଭାଇରସ୍ ମହାରାଷ୍ଟ୍ରକୁ ଆସିବା ସମ୍ଭାବନା ନାହିଁ । ଏନେଇ ମହାରାଷ୍ଟ୍ର ସରକାର ଆଶ୍ୱସ୍ତ ରହିବା ଆବଶ୍ୟକ । ରାଜ୍ୟରେ ସରକାର ଗଠନ ପୂର୍ବରୁ ବିଜେପି ସଂକଟ ଜନକ ସ୍ଥିତି ସୃଷ୍ଟି କରିଥିଲା । ତେବେ ଏହା ପୂର୍ବରୁ ଏକ ବାଇପାସ୍ ସର୍ଜରୀ କରି ଶିବସେନା ସରକାରଙ୍କ ପାଇଁ ରାସ୍ତା କ୍ଲିଅର କରାଯାଇଥିବା କହିଛନ୍ତି ସଂଜୟ ।