ଢେଙ୍କାନାଳ: ଢେଙ୍କାନାଳ ଜିଲ୍ଲାର ସଦର ଥାନା ଅନ୍ତର୍ଗତ ଚାଉଳିଆ ଗ୍ରାମରେ ଶୁକ୍ରବାର ରାତିରେ ଇଣ୍ଡିଆ ରିଜର୍ଭ ବାଟାଲିୟନ (ଆଇଆରବି)ର ଜଣେ କନଷ୍ଟେବଳଙ୍କୁ ଗୁଳି କରି ହତ୍ୟା କରାଯାଇଛି।
ପ୍ରାପ୍ତ ସୂଚନାନୁଯାୟୀ ଗତକାଲି ରାତିରେ ଗାଁରେ ମେଲଣ ଯାତ୍ରା ଚାଲିଥିବା ବେଳେ କୌଣସି କାରଣବଶତଃ ଆଇଆରବି କନଷ୍ଟେବଳ ରାମ ଚନ୍ଦ୍ର ସାହୁ ଏବଂ ଗ୍ରାମ ସଭାପତିଙ୍କ ଭାଇ ଶ୍ରୀକାନ୍ତ ସାହୁଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ଶ୍ରୀକାନ୍ତ କନଷ୍ଟେବଳଙ୍କ ଉପରକୁ ଗୁଳି ଚଳାଇଥିଲେ।
ଏହି ଘଟଣାରେ ତାଙ୍କ ବାମ ଛାତିରେ ଗୁଳି ବାଜିଥିବା ବେଳେ କନଷ୍ଟେବଳଙ୍କୁ ତୁରନ୍ତ ଜିଲ୍ଲା ମୁଖ୍ୟାଳୟ ଡାକ୍ତରଖାନାକୁ ନିଆଯାଇଥିଲା ଏବଂ ପରେ କଟକସ୍ଥିତ ଏକ ଘରୋଇ ନର୍ସିଂହୋମକୁ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା ।
ତେବେ ଅଭିଯୁକ୍ତକୁ ଧରିବା ପାଇଁ ପୋଲିସ ପକ୍ଷରୁ ଛାନଭିନ୍ନ ଆରମ୍ଭ ହୋଇଥିବା ବେଳେ କୌଣସି ଅପ୍ରିତିକର ପରିସ୍ଥିତିର ମୁକାବିଲା ପାଇଁ ଗାଁରେ ଏକ ପ୍ଲାଟୁନ୍ ଫୋର୍ସ ମଧ୍ୟ ନିୟୋଜିତ କରାଯାଇଛି।
Comments are closed.