ନୂଆଦିଲ୍ଲୀ: ଫ୍ଲିପକାର୍ଟ, ଆମାଜନ ଏବଂ ପେଟିଏମ୍ ମଲ୍ ଭଳି ଅନ୍ଲାଇନ୍ କମ୍ପାନୀଗୁଡିକ ଏପ୍ରିଲ ମାସ ୨୦ ପରେ ସମ୍ପୂର୍ଣ୍ଣ କାର୍ଯ୍ୟ ଆରମ୍ଭ କରିବାକୁ ଯାଉଥିବା ଜଣାପଡିଛି।
ବୁଧବାର ଦିନ ଗୃହ ମନ୍ତ୍ରଣାଳୟ ଲକଡାଉନ ବିସ୍ତାର ସମୟରେ ଅନୁସରଣ କରିବାକୁ ନିର୍ଦ୍ଦେଶାବଳୀ ଜାରି କରିବା ପରେ କମ୍ପାନୀଗୁଡିକ କାର୍ଯ୍ୟକ୍ଷମ କରିବାକୁ ପ୍ରସ୍ତୁତ ହେଉଛନ୍ତି। ଦେଶର ଲକ୍ଷ ଲକ୍ଷ ଲୋକଙ୍କ ଜୀବନକୁ ସହଜ କରିବା ପାଇଁ ଏପ୍ରିଲ ୨୦ ପରେ କିଛି ସେବା ପୁନଃ ଆରମ୍ଭ କରିବାକୁ ସରକାର ଅନୁମତି ଦେବେ ବୋଲି ସରକାର କହିଛନ୍ତି।
ଫ୍ଲିପକାର୍ଟ, ଆମାଜନ ଏବଂ ପେଟିଏମ୍ ମଲ୍ ପରି ଅନଲାଇନ୍ ଖୁଚୁରା କମ୍ପାନୀଗୁଡିକ ଏପ୍ରିଲ୍ ୨୦ ପରେ ସେମାନଙ୍କ ବ୍ୟବସାୟକୁ ସମ୍ପୂର୍ଣ୍ଣ କାର୍ଯ୍ୟକ୍ଷମ କରିବାକୁ ପ୍ରସ୍ତୁତ ହେଉଛନ୍ତି | ତେବେ ଇ-ବାଣିଜ୍ୟ କମ୍ପାନୀଗୁଡ଼ିକୁ ସମସ୍ତ ପ୍ରକାର ସାମଗ୍ରୀ କିମ୍ବା କେବଳ ଜରୁରୀ ସାମଗ୍ରୀ ଯୋଗାଇବାକୁ ଅନୁମତି ଦିଆଯିବ ସେ ନେଇ ସରକାର ବର୍ତ୍ତମାନ ସୁଦ୍ଧା ସ୍ପଷ୍ଟ କରି ନାହାଁନ୍ତି। ଏହି ବିଷୟରେ କିଛି ଦ୍ୱନ୍ଦ୍ୱ ରହିଛି, ଯେଉଁଥିରେ କମ୍ପାନୀଗୁଡିକ ଗୃହ ମନ୍ତ୍ରଣାଳୟର ସ୍ପଷ୍ଟୀକରଣକୁ ଅପେକ୍ଷା କରିଥିବା ଜଣାପଡିଛି।
ଗାଇଡଲାଇନ ଅନୁଯାୟୀ ଇ-ବାଣିଜ୍ୟ କମ୍ପାନୀଗୁଡ଼ିକୁ ବ୍ୟବସାୟ ଆରମ୍ଭ କରିବାକୁ ଅନୁମତି ଦିଆଯିବ। ଇ-କମର୍ସ କମ୍ପାନୀଗୁଡିକର ପରିବହନ ଗାଡି ଗୁଡିକୁ ଆବଶ୍ୟକ ଅନୁମତି ସହିତ ଯାତ୍ରା କରିବାକୁ ଅନୁମତି ଦିଆଯିବ।
Comments are closed.