ଭୁବନେଶ୍ୱର: ରାଜ୍ୟରେ କରୋନା କେସ ବଢୁଛି । ଚିନ୍ତା ବଢ଼ାଇଛନ୍ତି ପାଞ୍ଚ ଜିଲ୍ଲାର ଗଞ୍ଜାମ, ଖୋର୍ଦ୍ଧା, କଟକ, ଯାଜପୁର ଓ ସୁନ୍ଦରଗଡ଼ । ହଟସ୍ପଟ୍ ୫ ଜିଲ୍ଲାରୁ ପ୍ରତିଦିନ ଗଣ୍ଡା ଗଣ୍ଡା ପଜିଟିଭ୍ ବାହାରୁଛନ୍ତି । ମାଡ଼ି ମାଡ଼ି ଚାଲିଛି କରୋନା । ଜୁଲାଇରେ ଲମ୍ବା ଲମ୍ଫ ମାରୁଛି । ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୧୧ ହଜାର ୯୫୬ । କିନ୍ତୁ ଏହି ପାଞ୍ଚ ଜିଲ୍ଲାରେ ମୋଟ୍ ୬ ହଜାର ୯୨୬ ଜଣ ଭୂତାଣୁ ସଂକ୍ରମିତ ଅଛନ୍ତି । ରାଜ୍ୟର ମୋଟ୍ କରୋନା କେସର ୫୭.୯୨ ପ୍ରତିଶତ କେବଳ ଗଞ୍ଜାମ, ଖୋର୍ଦ୍ଧା, କଟକ, ଯାଜପୁର ଓ ସୁନ୍ଦରଗଡ଼ ଜିଲ୍ଲାରୁ ଚିହ୍ନଟ ହୋଇଛନ୍ତି ।
ରାଜ୍ୟରେ ଆକ୍ଟିଭ କେସ୍ ୪୪୭୬, ୫ଜିଲ୍ଲାରେ ୩୦୬୧
ରାଜ୍ୟରେ ବର୍ତ୍ତମାନେ ଯେତିକି ଆକ୍ରାନ୍ତ କୋଭିଡ୍ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ତାର ଅଧାରୁ ଅଧିକ ଏହି ପାଞ୍ଚଟି ଜିଲ୍ଲାରୁ ଅଛନ୍ତି । ଗଞ୍ଜାମରେ ସର୍ବାଧିକ ଆକ୍ଟିଭ୍ କେସ୍ ୧ ହଜାର ୬୭୪ ଥିବା ବେଳେ ସୁନ୍ଦରଗଡ଼ (୪୨୯), ଖୋର୍ଦ୍ଧା (୩୬୭), କଟକ (୩୨୧), ଯାଜପୁର (୨୭୦) ଜଣ ଚିକିତ୍ସିତ ହେଉଛନ୍ତି । ଅର୍ଥାତ ୫ ଜିଲ୍ଲାରେ ଆକ୍ଟିଭ୍ କେସ୍ ରହିଛି ୩ ହଜାର ୬୧ । ରାଜ୍ୟର ଆକ୍ଟିଭ୍ କେସର ୬୮ ପ୍ରତିଶତ ପାଞ୍ଚଟି ଜିଲ୍ଲାର । ରାଜ୍ୟରେ ମୋଟ୍ ଆକ୍ଟିଭ୍ କେସ ରହିଛି ୪ ହଜାର ୪୭୬ ।
ରାଜ୍ୟରେ ମୃତ୍ୟୁ ସଂଖ୍ୟା ୫୬, ୫ଟି ଜିଲ୍ଲାରେ ୪୯
କରୋନାରେ ରାଜ୍ୟରେ ମୃତ୍ୟୁବରଣ କରିଛନ୍ତି ୫୬ ଜଣ । କିନ୍ତୁ ଗଞ୍ଜାମ(୩୪), ଖୋର୍ଦ୍ଧା(୦୮), କଟକ(୦୫), ଯାଜପୁର(୦୧) ଓ ସୁନ୍ଦରଗଡ଼(୦୧) ଜିଲ୍ଲାରେ ପ୍ରାଣ ହରାଇଛନ୍ତି ମୋଟ୍ ୪୯ ଜଣ । ରାଜ୍ୟର ମୋଟ୍ ମୃତ୍ୟୁ ସଂଖ୍ୟାର ୮୭ ପ୍ରତିଶତ କେବଳ ଏହି ପାଞ୍ଚଟି ଜିଲ୍ଲାର ଆକ୍ରାନ୍ତ ଅଛନ୍ତି ।
ରାଜ୍ୟରେ ୨୨ଟି ଜିଲ୍ଲାରେ ତିନି ଅଙ୍କ ଉପରେ ରହିଛି କରୋନା ଆକ୍ରାନ୍ତଙ୍କ ସଂଖ୍ୟା । ୧୦ଟି ଜିଲ୍ଲାରେ ତିନି ଅଙ୍କ ଉପରେ ରହିଛି । ଆକ୍ଟିଭ୍ କେସ୍ ।
Comments are closed.