ଭୁବନେଶ୍ୱର: ଦକ୍ଷିଣ ଓଡ଼ିଶାରେ କାୟା ବିସ୍ତାର କରି ଚାଲିଛି କରୋନା । ଗଞ୍ଜାମ, ଗଜପତି ପରେ କୋରାପୁଟ ଓ ମାଲକାନଗିରି ଜିଲ୍ଲାରେ ବଢୁଛି ଆକ୍ରାନ୍ତଙ୍କ ସଂଖ୍ୟା । ଗତ ଆଠ ଦିନରେ କୋରାପୁଟ ଓ ମାଲକାନଗିରି ଜିଲ୍ଲାରୁ ଭୂତାଣୁ ସଂକ୍ରମିତ ହୋଇଛନ୍ତି ୩୩୩ ଜଣ । କେବଳ ଜୁଲାଇରେ ବାହାରିଛନ୍ତି ୪୦୬ ଆକ୍ରାନ୍ତ ସେହିପରି କନ୍ଧମାଳ, ନବରଙ୍ଗପୁର, ରାୟଗଡ଼ା, ନୂଆପଡ଼ା ଆଦି ଜିଲ୍ଲାରୁ ପ୍ରତିଦିନ ଆସୁଛି କରୋନା କେସ୍ ।
ଜୁଲାଇରେ କୋରାପୁଟରୁ ୨୨୦ ପଜିଟିଭ୍
ଗତ ୨୪ ଘଣ୍ଟାରେ କୋରାପୁଟ ଜିଲ୍ଲାରୁ ବାହାରିଛି ୪୫ ନୂଆ ପଜିଟିଭ କେସ୍ । ମୋଟ୍ ଆକ୍ରାନ୍ତଙ୍କ ସଂଖ୍ୟା ୨୭୦କୁ ବୃଦ୍ଧି ପାଇଛି । ଏଥିରୁ କେବଳ ଜୁଲାଇ ମାସରେ ବର୍ତ୍ତମାନ ସୁଦ୍ଧା ସଂକ୍ରମିତ ହୋଇଛନ୍ତି ୨୨୦ ଜଣ । ଏପ୍ରିଲ ୨୭ ତାରିଖ କୋରାପୁଟ ଜିଲ୍ଲାରୁ ପ୍ରଥମ ପଜିଟିଭ ଚିହ୍ନଟ ହୋଇଥିଲେ । ଅର୍ଥାତ ଗତ ଦୁଇ ମାସରେ ମାତ୍ର ୫୦ଟି କେସ୍ ବାହାରିଥିଲା । ବର୍ତ୍ତମାନ ଜିଲ୍ଲାରେ ଆକ୍ଟିଭ୍ କେସ ରହିଛି ୧୯୦ ।
ଜୁଲାଇରେ ମାଲକାନଗିରିରୁ ୧୮୬ ଆକ୍ରାନ୍ତ
ଜୁଲାଇରେ ମାଲକାନଗିରି ଜିଲ୍ଲାରେ ସଂକ୍ରମଣ ବଢିଛି । ଗତ ୨୪ ଘଣ୍ଟାରେ ଆଉ ୧୮ ପଜିଟିଭଙ୍କୁ ମିଶାଇ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ୨୯୨ ହୋଇଛି । ଏଥିରୁ ଜୁଲାଇରେ ବାହାରିଛନ୍ତି କେବଳ ୧୮୬ ନୂଆ ଭୂତାଣୁ ସଂକ୍ରମିତ । ବର୍ତ୍ତମାନ ଆକ୍ଟିଭ୍ କେସ ରହିଛି ୧୪୦ ।
ଗଞ୍ଜାମ ଓ ଗଜପତିରେ ବଢୁଛି
ଦକ୍ଷିଣ ଓଡ଼ିଶାର ସବୁଠୁ ଅଧିକ ସଂକ୍ରମିତ ଜିଲ୍ଲା ଗଞ୍ଜାମ । ସେଠାରେ ଆକ୍ରାନ୍ତଙ୍କ ସଂଖ୍ୟା ୫ ହଜାର ୫୨୭ ରହିଥିବା ବେଳେ ଆକ୍ଟିଭ୍ କେସ୍ ସଂଖ୍ୟା ୧ ହଜାର ୯୧୮ । ସେହିପରି ଗଜପତି ଜିଲ୍ଲାରେ କରୋନା ସଂକ୍ରମିତ ହୋଇଛନ୍ତି ୭୦୩ ଜଣ । ଆକ୍ଟିଭ୍ କେସ୍ ରହିଛି ୧୬୬ ।
BREAKING NEWS
- ହରଦୀପ ସିଂ ନିଜ୍ଜର ହତ୍ୟା ମାମଲା: ୩ ଜଣଙ୍କୁ ଗିରଫ କରିଛି କାନାଡା ପୋଲିସ
- ରାଜ୍ୟରେ ଆରମ୍ଭ ହୋଇଛି କଲରାପତରିଆ ବାଘ ଗଣନା
- ଟିକେଟ୍ ଫେରାଇଲେ କଂଗ୍ରେସ ସାଂସଦ ପ୍ରାର୍ଥୀ ସୁଚରିତା ମହାନ୍ତି
- ଆଜି ୪ ଜିଲ୍ଲାରେ ମାରାଥନ ପ୍ରଚାର କରିବେ ନବୀନ
- ଆଜି ଓଡ଼ିଶା ଆସିବେ ବୈଦେଶିକ ମନ୍ତ୍ରୀ ଏସ.ଜୟଶଙ୍କର, କରିବେ ନିର୍ବାଚନୀ ପ୍ରଚାର
- ପାକିସ୍ତାନ ସୀମାରେ ପଶି ଆମ ସେନାକୁ ହତ୍ୟା କରୁଛି ଭାରତ: ଇମ୍ରାନ ଖାନ୍
- ଆମେଠି ବଦଳରେ ରାୟବରେଲିରୁ କାହିଁକି ପ୍ରାର୍ଥୀ ହେଲେ ସ୍ପଷ୍ଟ କଲେ ରାହୁଲ ଗାନ୍ଧୀ
- ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କ ଚକ୍ଷୁ ଅସ୍ତ୍ରୋପଚାର, ଏବେ ନିର୍ବାଚନ ପ୍ରଚାର କଲେ ସ୍ଥଗିତ
- ନିର୍ବାଚନ ରଣଭୂମିରେ ମୁହାଁମୁହିଁ: ଫଳାଫଳ ପରେ ରହିଛି କି ପ୍ୟାଚ୍-ଅପ ସମ୍ଭାବନା ?
- ସ୍ୱାଧୀନ ବାଟ ଆପଣାଇ ଘସିପୁରା ନିର୍ବାଚନ ମଇଦାନକୁ ଓହ୍ଲାଇଲେ ସୌମ୍ୟରଞ୍ଜନ ପଟ୍ଟନାୟକ