ନୂଆଦିଲ୍ଲୀ: ଦୁନିଆର ପ୍ରାୟତଃ ସବୁ ଦେଶର ରାଜଧାନୀ ରହିଛି । ଯେଉଁଠାରେ ସେହି ଦେଶର ଗୁରୁତ୍ୱପୂର୍ଣ୍ଣ କାର୍ଯ୍ୟାଳୟ ରହିଛି । କିନ୍ତୁ କଣ ଆପଣ ଜାଣନ୍ତି କି ଦୁନିଆରେ ଏପରି ଏକ ଦେଶ ରହିଛି ଯାହାର ରାଜଧାନୀ ନାହିଁ । ବର୍ତ୍ତମାନ ତୁମେ ଭାବିବ ଏପରି କାହିଁକି? ତେବେ ଆସନ୍ତୁ ଜାଣିବା କାହିଁକି ଏହି ଦେଶର ରାଜଧାନୀ ନାହିଁ? ଆଉ ଏହି ଦେଶର ନାଁ କଣ?
ଏହି ଦେଶର ନାମ ହେଉଛି ନାଉରୁ । ଏହା ଏକ ଛୋଟ-ବଡ ଦ୍ୱୀପପୁଞ୍ଜରେ ଗଠିତ ଏକ ଦେଶ | ଯାହାକୁ ଦୁନିଆର ସବୁଠାରୁ ଛୋଟ ଦ୍ୱୀପ ଦେଶ ମଧ୍ୟ କୁହାଯାଏ | ଏହି ଦେଶ ମାଇକ୍ରୋନେସିଆ ଦକ୍ଷିଣ ପ୍ରଶାନ୍ତ ମହାସାଗରରେ ଅବସ୍ଥିତ | ଯାହା ନାରୁ ଦେଶ ଭାବରେ ମଧ୍ୟ ଜଣାଶୁଣା । ନାଉରୁ ଦୁନିଆର ସବୁଠାରୁ ଛୋଟ ସ୍ଵତନ୍ତ୍ର ଗଣରାଜ୍ୟ ଅଟେ । ଏହି ଦେଶ ୨୧ ବର୍ଗ କିଲୋମିଟର ଉପରେ ବ୍ୟାପିଛି । ନାଉରୁ ଦୁନିଆର ଏକମାତ୍ର ଗଣତନ୍ତ୍ରିକ ଦେଶ ଯାହାର ଏପର୍ଯ୍ୟନ୍ତ କୌଣସି ରାଜଧାନୀ ନାହିଁ । ୧୯୦୭ ପରଠାରୁ ଏଠାରେ ଫସଫେଟ୍ ଖଣିର ଖନନ କରାଯାଉଛି ।
ନାଉରୁ ୩,୦୦୦ ହଜାର ବର୍ଷ ପୂର୍ବେ ମାଇକ୍ରୋନେସିଆୟା ଏବଂ ପଲିନେସିଆନ୍ ଦ୍ୱାରା ସୃଷ୍ଟି ହୋଇଥିଲା । ଧୀରେ ଧୀରେ ଏହାର ଜନସଂଖ୍ୟା ବୃଦ୍ଧି ପାଇଲା କିନ୍ତୁ ଅନ୍ୟ ଦେଶ ତୁଳନାରେ ଏହାର ଜନସଂଖ୍ୟା ଆଜିବି ବହୁତ କମ୍ । କୁହାଯାଏ ଯେ, ପାରମ୍ପାରିକ ଭାବରେ ଏଠାରେ ୧୨ ଟି ଜନଜାତି ଶାସନ କରୁଥିଲେ। ଏହାର ପ୍ରଭାବ ଦେଶର ଜାତୀୟ ପତାକା ଉପରେ ମଧ୍ୟ ଦୃଶ୍ୟମାନ ହେଉଛି | ଫସଫେଟ୍ ଖଣି ଏଠାକାର ଆୟର ମୁଖ୍ୟ ଉତ୍ସ ଥିଲା, କିନ୍ତୁ ଅତ୍ୟଧିକ ଖଣି ଖନନ ହେତୁ ଏହା ମଧ୍ୟ ସମାପ୍ତ ହୋଇଗଲା । ବର୍ତ୍ତମାନ ଏଠାକାର ଲୋକମାନେ ନଡ଼ିଆ ଉତ୍ପାଦନ କରି ରୋଜଗାର କରୁଛନ୍ତି । ଏହି ଦେଶର ଜନସଂଖ୍ୟା ଅଧିକ ନୁହେଁ ଏବଂ ଏହି ଦେଶ ବହୁତ ଛୋଟ ମଧ୍ୟ । ତଥାପି ନାଉରୁ ଅଲିମ୍ପିକ୍ସ ଏବଂ କମନୱେଲଥ ଗେମ୍ସରେ ଅଂଶଗ୍ରହଣ କରେ । ଏହି ଦେଶର ବାସିନ୍ଦାଙ୍କୁ ନାଉରୁନ୍ କୁହାଯାଏ ଏବଂ ଏହି ଦେଶର ଜାତୀୟ ମୁଦ୍ରା ହେଉଛି ଅଷ୍ଟ୍ରେଲିୟ ଡଲାର ।