ସାଧାରଣତଃ ଲୋକମାନେ ଘରେ କୁକୁର,ବିଲେଇ ହେଉ ବା ବିଭିନ୍ନ ପ୍ରକାର ପକ୍ଷୀ ରଖିବାକୁ ପସନ୍ଦ କରିଥାନ୍ତି । ସେମାନେ ତାଙ୍କୁ ନିଜ ଘରର ସଦସ୍ୟ ଭାବେ ଭଲ ପାଇବା ସହ ଯତ୍ନ ବି ନେଇଥାନ୍ତି । ସେମାନଙ୍କ ରହିବା ପାଇଁ ସ୍ୱତନ୍ତ୍ର ବ୍ୟବସ୍ଥା କରିଥାନ୍ତି । ପୋଷା କୁକୁର ଓ ବିଲେଇ ଖଟ ଉପରେ ଶୋଇବା ପ୍ରାୟ ସମସ୍ତେ ଦେଖିଥିବେ । କିନ୍ତୁ ଘୋଡ଼ା ଖଟରେ ଶୋଇବା ଦେଖିଛନ୍ତି କି ? ଏବେ ଏକ ଘୋଡ଼ାର ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଘୋଡ଼ାଟି ମଣିଷ ପରି ଏକ ଖଟରେ ଶୋଇଛି ।
ଭାଇରାଲ ଭିଡ଼ିରେ ଦେଖିବାକୁ ମିଳିଛି ଯେ, ଜଣେ ମହିଳା ଘୋଡ଼ାକୁ ଶୁଆଇଥିବାର ନଜର ଆସିଛନ୍ତି । ସାଧାରଣତଃ ଯେଉଁ ଲୋକମାନେ ଘରେ ଘୋଡ଼ା ପାଳିଥାନ୍ତି । ସେମାନଙ୍କୁ ତାହାକୁ ବାନ୍ଧିକି ରଖିଥାନ୍ତି । କିନ୍ତୁ ଏହି ଭିଡିଓରେ ଭିନ୍ନ ଦୃଶ୍ୟ ନଜର ଆସିିଛି । ଏକ କୋଠରିରେ ଘୋଡ଼ା ପାଇଁ ଖଟ ପ୍ରସ୍ତୁତ କରାଯାଇଛି । ଘୋଡ଼ାଟି ଏହି ଖଟ ଉପରେ ଶୋଇଥିବା ବେଳେ ଜଣେ ମହିଳା ତା’ର ଯତ୍ନ ନେଉଛନ୍ତି । ପ୍ରଥମେ ଘୋଡ଼ାଟି ଖଟ ଉପରେ ଆରାମରେ ବସେ, ପରେ ଧୀରେ ଧୀରେ ଖଟ ଉପରେ ଶୋଇଥାଏ । ଘୋଡ଼ାଟି ଖଟ ଉପରେ ମୁଣ୍ଡ ତଳେ ତକିଆ ଦେଇ ଶୋଉଛି । ଏହା ପରେ ମହିଳା ଜଣକଙ୍କ ଘୋଡ଼ା ପାଖରେ ଶୋଇ ତା’ ମୁଣ୍ଡକୁ ଆଉଁଶୁଛନ୍ତି । ପରେ ଘୋଡ଼ାଟି ଆରାମରେ ଶୋଇପଡ଼େ । ଏହି ଭିଡ଼ିଓକୁ ଅନେକ ଲୋକ ପସନ୍ଦ କରିଛନ୍ତି ।
Comments are closed.