ଡ୍ରେନ ଖୋଳିବାବେଳେ ଭୁଶୁଡିଲା ପାଚେରୀ : ଜଣେ ଶ୍ରମିକ ମୃତ, ଦୁଇ ଆହତ

ଭୁବନେଶ୍ବର: ଭୁବନେଶ୍ବର ଇନ୍ଦିରା ହାଉସିଂ କଲୋନୀରେ ଅଭାବନୀୟ ଘଟଣା ଘଟିଛି  । ଡ୍ରେନ ଖୋଳିବାବେଳେ ଅଘଟଣ ଘଟିଛି  ।  ଡ୍ରେନ ଖୋଳା  କାମ ଚାଲିଥିବାବେଳେ ଡ୍ରେନ କଡରେ ଥିବା ନୀଳକଣ୍ଠେଶ୍ବର ମନ୍ଦିରର ପାଚେରୀଟି ଭୁଶୁଡି ପଡିଛି ।  ଫଳରେ ଏଠାରେ କାମ କରୁଥିବା ଜଣେ ଶ୍ରମିକଙ୍କର ମୃତ୍ୟୁ ଘଟିଛି  । ଏବଂ ଆଉ ଦୁଇ ଜଣ ଶ୍ରମିକ  ଗୁରୁତର ଆହତ ହୋଇଛନ୍ତି  । ଏମାନଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି  । ମୃତକ  ନୟାଗଡର ନବକିଶୋର ନାୟକ ବୋଲି ଜଣାପଡିଛି  । ଏବଂ ଗୁରୁତର ଆହତ ହୋଇଥିବା ଶ୍ରମିକ ନୟାଗଡ ଗୋଡିପଡାର ବୁଦ୍ଧୁରାମ ଦାସ ହୋଇଥିବାବେଳେ ଅନ୍ୟ ଜଣେ ଗୁରୁତରଙ୍କର ପତ୍ତା ମିଳିନି । ତେବେ ଡ୍ରେନ ଖୋଳା କାମ ଚାଲିଥିବାବେଳେ କିପରି ମନ୍ଦିରର ପାଚେରୀ ଭୁଶୁଡିଲା , ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।