ଭୁବନେଶ୍ୱର: ତାମିଲନାଡ଼ୁରେ ପ୍ରବାସୀ ଓଡ଼ିଆଙ୍କୁ ନିର୍ଯାତନା । ଜଣେ ବ୍ୟକ୍ତି ୪ରୁ ୫ ଜଣ ଯୁବକଙ୍କୁ ଏକ କୋଠରୀରେ ରଖି ଏକ ମୋଟା କାଠରେ ପିଟୁଛନ୍ତି । ଯେତେ କାକୁତି ମିନତି ହେଲେ ବି ଶୁଣୁନାହାଁନ୍ତି ନିର୍ଦ୍ଦୟ ବ୍ୟକ୍ତ ଜଣଙ୍କ । ଏମିତି ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା । ଆଉ ଏହି ଭାଇରାଲ୍ ଭିଡିଓକୁ ନେଇ ପୀଡ଼ିତ ପ୍ରବାସୀଙ୍କ ପାଖରେ ପହଞ୍ଚି ସହାୟତା ଯୋଗାଇଛନ୍ତି ଅଭିନେତା ସବ୍ୟସାଚୀ ମିଶ୍ର ।
Oh god…. So Disturbing!!! Check ur inbox and connect me to this group without wasting any time. I will make sure they move to secure place before sunrise! https://t.co/Acd5oaJx2M
— SABYASACHI MISHRA 🇮🇳 (@sabyaactor) May 17, 2021
ଭିଡିଓ ଭାଇରାଲର ମାତ୍ର ୨୪ ଘଣ୍ଟା ମଧ୍ୟରେ ତାମିଲନାଡ଼ୁ ପୋଲିସ, ଓଡ଼ିଶା ଶ୍ରମ ବିଭାଗ ଓ ଓଡ଼ିଶା ପୋଲିସ ସହାୟତାରେ ପ୍ରବାସୀଙ୍କୁ ସାହାଯ୍ୟ କରିଛନ୍ତି । ଘଟଣାଟି ତାମିଲନାଡ଼ୁର ହୋଇଥିବା ବେଳେ ପ୍ରବାସୀ ଓଡ଼ିଆଙ୍କୁ ମାଡ଼ ମାରୁଥିବା ବ୍ୟକ୍ତି ଜଣଙ୍କୁ ପୋଲିସ ଗିରଫ କରିଥିବା ସବ୍ୟସାଚୀ ସୂଚନା ଦେଇଛନ୍ତି । ସେଠାରେ ଫସିଥିବା ସମସ୍ତ ଓଡ଼ିଆଙ୍କୁ ଉଦ୍ଧାର କରାଯାଇଛି ।
Happy to Update that our boys r safe now.Tamil Nadu Police has taken action against the culprit & investigating.
Thx Odisha Labour dept & Odisha Police for prompt action.Big thanks to Chennai #SmileForce Naveen Bhandari for arranging food for 35,who were hungry since last 2days. https://t.co/BGGctm2L31 pic.twitter.com/lUE4O7sEzu— SABYASACHI MISHRA 🇮🇳 (@sabyaactor) May 18, 2021
ପ୍ରାୟ ୩୫ ଜଣ ଓଡ଼ିଆ ତାମିଲନାଡ଼ୁରେ ନିର୍ଯାତିତ ହେଉଥିଲେ । ସେମାନେ ଏବେ ସୁରକ୍ଷିତ ଅଛନ୍ତି । ୨ ଦିନ ହେଲା ସେମାନେ ଭୋକିଲା ଥିବା ବେଳେ ସବ୍ୟସାଚୀ ସେମାନଙ୍କ ଲାଗି ବନ୍ଦୋବସ୍ତ କରିଥିବା ଜଣାପଡ଼ିଛି ।