ନୂଆଦିଲ୍ଲୀ : ଅଭିନେତ୍ରୀ ସାରା ଖାନ ଏବେ ନିଜର ଅପ୍କମିଂ ଫିଲ୍ମ “୧୯୯୦” କୁ ନେଇ ଖୁବ୍ ବ୍ୟସ୍ତ । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ସହିଦ କାଜମି । ଫିଲ୍ମରେ ସାରାଙ୍କ ସହ ଅର୍ଜୁନ ମନହସ ଏବଂ ମୀର ସରୱରଙ୍କୁ ଦେଖିବାକୁ ମିଳିବ । ତେବେ ସାରାଙ୍କ ପ୍ରଫେସନାଲ ଲାଇଫ ସହିତ ବ୍ୟକ୍ତିଗତ ଲାଇଫକୁ ନେଇ ଏକ ଖୁସି ଖବର ସାମ୍ନାକୁ ଆସିଛି । ସାରା ଖୁବ୍ଶୀଘ୍ର ଦ୍ୱିତୀୟ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ନିଜର ଦୀର୍ଘଦିନର ପ୍ରେମିକ ଶାନ୍ତନୁ ରାଜେଙ୍କୁ ବିବାହ କରିବେ । ଶାନ୍ତନୁ ବୃତ୍ତିରେ ଜଣେ ପାଇଲଟ ସହ ରେଷ୍ଟୁରାଣ୍ଟର ମାଲିକ ମଧ୍ୟ ।
ସାରାଙ୍କ ଏହା ଦ୍ୱିତୀୟ ବିବାହ । ପୂର୍ବରୁ ସାରା ୨୦୧୦ ମସିହାରେ ବିଗ୍ବସ୍ ସିଜନ ୪ରେ ପ୍ରତିଯୋଗୀ ସାଜିଥିବା ଅଲି ମର୍ଚାଣ୍ଟଙ୍କୁ ବିଗ୍ବସ ଘରେ ବିବାହ କରିଥିଲେ । ସେତେବେଳେ ଏହି ବିବାହ ଖୁବ୍ ଚର୍ଚ୍ଚାର ବିଷୟ ପାଲଟିଥିଲା । ହେଲେ ଏହା ବେଶୀ ଦିନ ତିଷ୍ଠି ପାରି ନ ଥିଲା । ମାତ୍ର ଦୁଇ ମାସ ପରେ ଉଭୟଙ୍କ ଭିତରେ ଛାଡ଼ପତ୍ର ହୋଇଥିଲା ।
ଏବେ ସାରା ତାଙ୍କ ନୂଆ ପ୍ରେମିକ ଶାନ୍ତନୁଙ୍କ ସହ ପ୍ରାୟ ଦୁଇ ବର୍ଷ ଧରି ଡେଟ କରୁଛନ୍ତି । ପ୍ରଥମ ବିବାହର ଛାଡ଼ପତ୍ରର ୧୨ ବର୍ଷ ପରେ ସେ ଏବେ ଶାନ୍ତନୁଙ୍କୁ ନିଜ ଜୀବନସାଥୀ କରିବା ପାଇଁ ନିଷ୍ପତ୍ତି ନେଇଛନ୍ତି । ନିଜର ଏହି ଦ୍ୱିତୀୟ ବିବାହକୁ ନେଇ ଉଭୟ ସାରା ଓ ଶାନ୍ତନୁ ବହୁତ ଖୁସି । ଶାନ୍ତନୁ କୁହନ୍ତି, ସାରା କେବେ ନିଜ ଅତୀତ ବିଷୟରେ ସେୟାର କରନ୍ତି ନାହିଁ କି ମୁଁ କେବେ ମଧ୍ୟ ପଚାରେ ନାହିଁ । ମୁଁ ତାଙ୍କୁ ଯେତିକ ଭଲ ପାଉଛି ସେ ମଧ୍ୟ ମୋତେ ସେତିକି ଭଲ ପାଉଛନ୍ତି । ଆଗକୁ ଆମ ଲାଇଫ ଭଲରେ କଟିବ ବୋଲି ମୋର ଆଶା । ଏହି ବିବାହରେ ଉଭୟ ପରିବାର ମଧ୍ୟ ବେଶ୍ ଖୁସି ଅଛନ୍ତି ।
Comments are closed.