ମୁମ୍ବାଇ: ଟାଇଗର ଭର୍ସେସ ପଠାନ ଫିଲ୍ମର ଘୋଷଣା ପରେ ପ୍ରଶଂସକମାନେ ବେଶ ଉତ୍ସାହିତ ହୋଇ ପଡିଥିଲେ । ପଠାନରେ ଶାହାରୁଖ ଖାଁଙ୍କ ସହ ସଲମାନ ଖାଁଙ୍କ କାମିଓ ରୋଲକୁ ଦର୍ଶକ ବେଶ ପସନ୍ଦ କରିଥିଲେ । ଏହା ପରେ ଉକ୍ତ ଫିଲ୍ମର ଘୋଷଣା ହୋଇଥିଲା । ମାତ୍ର ପରେ ସଲମାନ ଖାଁଙ୍କ ଅଭିନୀତ ଟାଇଗର ୩ ବକ୍ସ ଅଫିସରେ ସେଭଳି ଆଖି ଦୃଶିଆ ବ୍ୟବସାୟ କରି ନ ଥିଲା । ଯାହାକୁ ନେଇ ୟଶରାଜ ଫିଲ୍ମସ ଚିନ୍ତାରେ ପଡିବା ସହ ବିଗ ବଜେଟ ଟାଇଗର ଭର୍ସେସ ପଠାନକୁ ଘୁଂଚାଇ ଦେଇଛନ୍ତି । ୨୦୨୪ରେ ଏହି ଫିଲ୍ମ ଫ୍ଲୋରକୁ ଯାଇଥାନ୍ତା । ବର୍ତମାନ ରିପୋର୍ଟ ଅନୁସାରେ ୨୦୨୫ ପର୍ଯ୍ୟନ୍ତ ଏହାକୁ ହୋଲ୍ଡ କରାଯାଇଛି ।
ସିଦ୍ଧାର୍ଥ ଆନନ୍ଦଙ୍କୁ ସ୍କ୍ରିପ୍ଟ ଉପରେ ଆଉ ଥରେ କାର୍ଯ୍ୟ କରିବା ପାଇଁ କୁହାଯାଇଛି । ସିଦ୍ଧାର୍ଥ ଏବେ ଫାଇଟରର ପୋଷ୍ଟ ପ୍ରଡକ୍ସନ କାର୍ଯ୍ୟରେ ବ୍ୟସ୍ତ ଅଛନ୍ତି । ଏହା ପରେ ଆଦିତ୍ୟ ଚୋପ୍ରା ଓ ସିଦ୍ଧାର୍ଥ ସ୍କ୍ରିପ୍ଟ ଉପରେ ଧ୍ୟାନ ଦେବେ । ସଲମାନ କରନ ଜୋହରଙ୍କ ଆଗାମୀ ଫିଲ୍ମର ଶୁଟିଂରେ ବ୍ୟସ୍ତ ରହିବେ । ଅପରପକ୍ଷରେ ଶାହାରୁଖ ଜାନୁୟାରୀରୁ ୨୦୨୪ରୁ ଦି କିଙ୍ଗର ଶୁଟିଂରେ ବ୍ୟସ୍ତ ରହିବେ ।
Comments are closed.