ବ୍ରହ୍ମପୁର: ଗଞ୍ଜାମ ଜିଲାର ଜଣେ ଅତିରିକ୍ତ ତହସିଲାର ନିଜ ପୋଷ୍ୟ ସନ୍ତାନକୁ ନିର୍ଯାତନା ଦେଉଥିବା ଭଳି ସାଂଘାତିକ ଘଟଣା ସାମ୍ନାକୁ ଆସିଛି। ପୋଷ୍ୟ ସନ୍ତାନ ଜଣକ ଅତିରିକ୍ତ ତହସିଲଦାର୍ଙ୍କ କବଳରୁ ମୁକୁଳିବା ପରେ ନିର୍ଯାତନାର କାହାଣୀ ଜଣାପଡ଼ିଛି। ଶିଶୁ ମଙ୍ଗଳ କମିଟିର ନିର୍ଦେଶ ପ୍ରକାରେ ଉଦ୍ଧାର ତାଙ୍କୁ ବ୍ରହ୍ମପୁରର ସର୍ଟ ଷ୍ଟେ ହୋମ୍ରେ ରଖାଯାଇଛି। ସେ ଆଉ ଘରକୁ ଯିବାକୁ ଚାହୁଁନାହାନ୍ତି। ତେବେ ଏଥିରେ ପ୍ରଶାସନିକ ଅଧିକାରୀଙ୍କ ସଂପୃକ୍ତ ରହିଥିବା ଯୋଗୁ ଘଟଣାକୁ ଚାପି ଦେବାକୁ ଉଦ୍ୟମ ଚାଲିଛି।
ମିଳିଥିବା ସୂଚନା ଅନୁଯାୟୀ, ପ୍ରାୟ ବର୍ଷେ ପୂର୍ବେ ଅତିରିକ୍ତ ତହସିଲଦାର ଜଣକ ଏହି ନାବାଳକଙ୍କୁ ଯାଜପୁରରୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଥିଲେ। ତାଙ୍କ ବୟସ ଥିଲା ପ୍ରାୟ ୧୦ ବର୍ଷ । ପତ୍ନୀଙ୍କ ସହ ଅତିରିକ୍ତ ତହସିଲଦାର ଛତ୍ରପୁରରେ ରହୁଛନ୍ତି। ଦୁଇ ଦିନ ପୂର୍ବେ ନାବାଳକ ଜଣକ ସ୍କୁଲକୁ ଯିବା ପାଇଁ ଘରୁ ବାହାରିଥିଲେ ମଧ୍ୟ ଆଉ ଫେରିନଥିଲେ । ରାତି ୧୨ଟା ବେଳେ ବ୍ରହ୍ମପୁର ପୁରୁଣା ବସଷ୍ଟାଣ୍ଡରେ ବୁଲାବୁଲି କରୁଥିବା ଦେଖିବା ପରେ ସୂଚନା ପାଇ ଚାଇଲ୍ଡ ଲାଇନ ସଦସ୍ୟମାନେ ପହଞ୍ଚି ତାଙ୍କୁ ଉଦ୍ଧାର କରିଥିଲେ । ତାଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ଚିହ୍ନ ରହିଥିଲା । ତାଙ୍କୁ ନିର୍ଯାତନା ଦିଆଯାଉଥିବା ସନ୍ଦେହ ସୃଷ୍ଟି ହୋଇଥିଲା। ଏଣୁ ଏମ୍କେସିଜି ମେଡ଼ିକାଲକୁ ନିଆଯାଇଥିଲା। ତାଙ୍କ ଚିକିତ୍ସା ପରେ ଜିଲା ଶିଶୁ ମଙ୍ଗଳ କମିଟିରେ ହାଜର କରାଯାଇଥିଲା। କମିଟିର ନିର୍ଦେଶ ପ୍ରକାରେ ନାବାଳକଙ୍କୁ ସର୍ଟ ଷ୍ଟେ ହୋମ୍ରେ ରଖାଯାଇଛି। ଅତିରିକ୍ତ ତହସିଲଦାର ନିର୍ଯାତନା ଦେଉଥିବା ଯୋଗୁ ଆଉ ଘରକୁ ଫେରିବାକୁ ଚାହୁଁନଥିବା ନାବାଳକ ଜଣକ କହୁଛନ୍ତି। ଏପଟେ ଶିଶୁ ମଙ୍ଗଳ କମିଟି ପକ୍ଷରୁ ଘଟଣାର ତଦନ୍ତ ପାଇଁ ଜିଲା ଶିଶୁ ସୁରକ୍ଷା ୟୁନିଟ(ଡିସିପିୟୁ)କୁ କୁହାଯାଇଥିବା ସୂଚନା ମିଳୁଥିଲେ ମଧ୍ୟ ଏନେଇ ୟୁନିଟ୍ ପକ୍ଷରୁ କେହି କିଛି କହୁନାହାନ୍ତି। ଘଟଣାକୁ ଚପାଇ ଦେବାକୁ ଉଦ୍ୟମ ଚାଲିଥିବା ଆଶଙ୍କା ସୃଷ୍ଟି ହୋଇଛି।
BREAKING NEWS
- ପ୍ରଚାର ମଇଦାନରେ କଙ୍ଗନା, କହିଲେ ଲୋକଙ୍କ ମଧ୍ୟରେ ରହି ସେମାନଙ୍କ ସେବା କରିବି
- ଏପ୍ରିଲ ୨ରୁ ନୂଆ ଶିକ୍ଷା ବର୍ଷ ଆରମ୍ଭ, ବାହାରିବ ପ୍ରଥମ ରୁ ନବମ ଶ୍ରେଣୀ ପିଲାଙ୍କ ପରୀକ୍ଷା ଫଳ
- ଓଡ଼ିଶାରେ ବେକାରି ସଂଖ୍ୟା ଅଧିକ: ଆଇଏଲଓ ରିପୋର୍ଟ
- ମୁଖତାର ଅନସାରୀ ମୃତ୍ୟୁକୁ ନେଇ ଚୁପ୍ ରହିଲେ ସାଂସଦ ରବି କିଶାନ, ଜାଣନ୍ତୁ କ’ଣ କହିଲେ ଅଭିନେତା…
- ବିଜେଡି ସୁପ୍ରିମୋଙ୍କୁ ଭେଟିଲେ ଦେବେଶ; କହିଲେ,’ସାଧାରଣ ନିର୍ବାଚନରେ ହ୍ୟାଟ୍ରିକ ବିଜୟ ହାସଲ କରିବି’
- ସି-ଭିଜିଲ୍ ଆପ୍ରେ ହେଲା ୭୯ ହଜାରରୁ ଅଧିକ ଅଭିଯୋଗ, ୯୯ ପ୍ରତିଶତ ହେଲା ସମାଧାନ: ନିର୍ବାଚନ ଆୟୋଗ
- ‘ପୁଣି କ୍ଷମତାକୁ ଆସିଲେ ଯୁବକଙ୍କ ପାଇଁ ସ୍ୱତନ୍ତ୍ର ବଜେଟ୍ ଆଣିବ ବିଜେଡି ସରକାର’
- ସର୍ବାଧିକ ସ୍ତରରେ ପହଞ୍ଚିଲା ସୁନା ଦର, ୭୦ ହଜାର ଛୁଇଁଲା
- ଏନଡିଏରେ ଯୋଗଦେବାର ୮ ମାସ ପରେ ପ୍ରଫୁଲ୍ଲ ପଟେଲଙ୍କ ବିରୋଧରେ କେସ୍ ବନ୍ଦ କଲା ସିବିଆଇ
- ଆପଣଙ୍କ ପାଖକୁ ଆସୁଛି କି ଦୂରସଞ୍ଚାର ବିଭାଗର ନାଁରେ ଧମକପୂର୍ଣ୍ଣ କଲ, ଜାଣନ୍ତୁ ସରକାରଙ୍କ ମାର୍ଗଦର୍ଶିକା