ବିହାରରେ ଭୋଟର ତାଲିକା ଯାଞ୍ଚ ବିରୁଦ୍ଧରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେଲା ଏଡିଆର୍

ନୂଆଦିଲ୍ଲୀ: ଆସୋସିଏସନ୍ ଫର୍ ଡେମୋକ୍ରାଟିକ୍ ରିଫର୍ମସ୍ (ADR) ସୁପ୍ରିମକୋର୍ଟରେ ଏକ ପିଟିସନ୍ ଦାଖଲ କରିଛି। ଏହି ଆବେଦନ ଭାରତୀୟ ନିର୍ବାଚନ କମିଶନ (ECI)ଙ୍କ ନିଷ୍ପତ୍ତି ବିରୁଦ୍ଧରେ। ବିହାରରେ ଭୋଟର ତାଲିକା ପୁନଃଯାଞ୍ଚର କାମ ECI କରୁଛି। ଆବେଦନରେ କୁହାଯାଇଛି ଯେ ECIର ଏହି ନିର୍ଦ୍ଦେଶ ଠିକ୍ ନୁହେଁ। ଆବେଦନରେ ଏହା ମଧ୍ୟ କୁହାଯାଇଛି ଯେ ଏହା ଲକ୍ଷ ଲକ୍ଷ ଲୋକଙ୍କୁ ଭୋଟ ଦେବାରୁ ବାଧା ଦେଇପାରେ, ଅର୍ଥାତ୍ ଭୋଟର ତାଲିକାରୁ ସେମାନଙ୍କ ନାମ ବାଦ ଦିଆଯାଇପାରେ।

ଲାଇଭ୍‌ ଲ, ଏକ୍ସ ରେ ପୋଷ୍ଟ କରିଛି, ‘ସୁପ୍ରିମ କୋର୍ଟରେ ଏକ ଆବେଦନ ଦାଖଲ କରାଯାଇଛି, ଏହି ଆବେଦନ ଭାରତୀୟ ନିର୍ବାଚନ କମିଶନଙ୍କ ଏକ ନିଷ୍ପତ୍ତି ବିରୁଦ୍ଧରେ ଅଟେ, ଯେଉଁଥିରେ ବିହାରରେ ଭୋଟର ତାଲିକା ପୁନଃ ଯାଞ୍ଚ କରିବାକୁ ନିର୍ଦ୍ଦେଶ ଦିଆଯାଇଛି। ଏହି ଆବେଦନ ଆସୋସିଏସନ୍ ଫର୍ ଡେମୋକ୍ରାଟିକ୍ ରିଫର୍ମସ୍ ନାମକ ଏକ ସଂଗଠନ ଦ୍ୱାରା ଦାଖଲ କରାଯାଇଛି। ସେମାନେ କହିଛନ୍ତି ଯେ ଇସିଆଇର ଏହି ନିର୍ଦ୍ଦେଶ ମନମୁଖୀ ଅଟେ। ଏହା ଲକ୍ଷ ଲକ୍ଷ ଲୋକଙ୍କୁ ଭୋଟ ଦେବାରୁ ବଞ୍ଚିତ କରିପାରେ।’

ପୂର୍ବରୁ, ନିର୍ବାଚନ କମିଶନ ସୂଚନା ଦେଇଥିଲେ ଯେ ବୁଥ୍ ସ୍ତରୀୟ ଅଧିକାରୀ (ବିଏଲ୍‌ଓ) ବିହାରରେ ପ୍ରାୟ ୧.୫ କୋଟି ଘରକୁ ପରିଦର୍ଶନ କରିଛନ୍ତି। ଏହି ଗସ୍ତ ଶୁକ୍ରବାର ଦିନ ଶେଷ ହୋଇଥିଲା। ୨୪ ଜୁନ୍ ୨୦୨୫ ସୁଦ୍ଧା, ବିହାରରେ ୭,୮୯,୬୯,୮୪୪ (ପ୍ରାୟ ୭ କୋଟି ୯୦ ଲକ୍ଷ) ଭୋଟର ଅଛନ୍ତି। ଏଥିମଧ୍ୟରୁ ୮୭ ପ୍ରତିଶତ ଭୋଟରଙ୍କୁ ଗଣନା ଫର୍ମ ଦିଆଯାଇଛି। ଏହା ଏସ୍‌ଆଇଆର୍‌ ସମୟରେ କରାଯାଇଛି। ତେବେ ଘରଘର ବୁଲିବା ବେଳେ କିଛି ଘର ଅନେକ ଦିନ ହେବ ବନ୍ଦ ଥିଲା।

ସୂଚନା ଅନୁସାରେ କିଛି ସ୍ଥାନରେ ବଂଶ ନିପାତ ଯୋଗୁଁ ଅନେକ ଘର ଏହାର ପରିଚୟ ହରାଇଥିଲା। କିଛି ଲୋକ ଅନ୍ୟ ସହରକୁ ଚାଲିଯାଇଥିଲେ, କିମ୍ବା କୌଣସି ସ୍ଥାନକୁ ବୁଲିବାକୁ ଯାଇଥିଲେ। ତେଣୁ, ବିଏଲ୍‌ଓ ସେହି ଘରଗୁଡ଼ିକରେ ପହଞ୍ଚି ପାରିନଥିଲେ। ଏହି କାର୍ଯ୍ୟ ସମୟରେ ବୁଥ୍‌ ସ୍ଥରୀୟ ଅଧିକାରୀମାନେ ତିନିଥର ଘର ପରିଦର୍ଶନ କରିବେ। ତେଣୁ, ଏହି ସଂଖ୍ୟା ଆହୁରି ବଢ଼ିପାରେ। ଭୋଟର ତାଲିକାର ଯାଞ୍ଚ ୨ ଅଗଷ୍ଟ ୨୦୨୫ ରୁ ଆରମ୍ଭ ହେବ। ଭୋଟର ତାଲିକାର ଡ୍ରାଫ୍ଟ ପ୍ରକାଶିତ ହେବା ପରେ, ଯେକୌଣସି ଦଳ କିମ୍ବା ସାଧାରଣ ନାଗରିକ ୨ ଅଗଷ୍ଟ ୨୦୨୫ ରୁ ଭୋଟର ତାଲିକା ଉପରେ ଦାବି କିମ୍ବା ଆପତ୍ତି ଦାଖଲ କରିପାରିବେ। ଚୂଡ଼ାନ୍ତ ଭୋଟର ତାଲିକା ୩୦ ସେପ୍ଟେମ୍ବର ୨୦୨୫ ରେ ପ୍ରକାଶିତ ହେବ। ଏହା ପରେ ମଧ୍ୟ, ଆପଣ ଡିଏମ (ଜିଲ୍ଲା ମାଜିଷ୍ଟ୍ରେଟ) ଏବଂ ସିଇଓ (ମୁଖ୍ୟ ନିର୍ବାଚନ ଅଧିକାରୀ) ଙ୍କ ନିକଟରେ ଆବେଦନ କରିପାରିବେ।