ମୁମ୍ବାଇ: ଅମିତାଭ ବଚ୍ଚନ, ଅନୁପମ ଖେର ଏବଂ ବୋମାନ ଇରାନୀଙ୍କ ଅଭିନୀତ ଚଳଚ୍ଚିତ୍ର ‘ଉଁଚାଇ’ ନିରନ୍ତର ଚର୍ଚ୍ଚାରେ ରହିଛି। ଫିଲ୍ମ ବିଷୟରେ ପ୍ରଶଂସକଙ୍କ ମଧ୍ୟରେ ବହୁତ ଗୁଜବ ରହିଛି। ଲୋକଙ୍କ ମଧ୍ୟରେ ଉତ୍ସାହ ବଜାୟ ରଖିବା ପାଇଁ ନିର୍ମାତାମାନେ ଗୋଟିଏ ପରେ ଗୋଟିଏ ପୋଷ୍ଟର ରିଲିଜ କରୁଛନ୍ତି। ଅମିତାଭ ବଚ୍ଚନ ଏବଂ ଅନୁପମ ଖେରଙ୍କ ପରେ ବୋମାନ ଇରାନୀଙ୍କ ଲୁକ ପୋଷ୍ଟର ସେୟାର କରାଯାଇଛି। ଯାହା ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି।
ନିର୍ମାତାମାନେ ତାଙ୍କର ବିଶେଷ ବନ୍ଧୁ ତଥା ପ୍ରସିଦ୍ଧ ନିର୍ଦ୍ଦେଶକ ରାଜକୁମାର ହିରାନୀଙ୍କୁ ବୋମାନ ଇରାନୀଙ୍କ ପୋଷ୍ଟର ସେୟାର କରିବାକୁ ଚୟନ କରିଥିଲେ ଏବଂ ସୋସିଆଲ ମିଡିଆ ଆକାଉଣ୍ଟରେ ବୋମନଙ୍କ ଲୁକ ପୋଷ୍ଟର ସେୟାର କରିଛନ୍ତି। ନିକଟରେ ପ୍ରସିଦ୍ଧ ଅଭିନେତା ଧର୍ମେନ୍ଦ୍ର ତାଙ୍କର ଘନିଷ୍ଠ ବନ୍ଧୁ ଅମିତାଭ ବଚ୍ଚନଙ୍କୁ ‘ଉଁଚାଇ’ର ପୋଷ୍ଟର ଲଞ୍ଚ ହେବା ପୂର୍ବରୁ ଶୁଭେଚ୍ଛା ଜଣାଇଛଥିଲେ। ଦ୍ୱିତୀୟ ଦିନରେ ଅନୁପମ ଖେରଙ୍କ ପୋଷ୍ଟର ସେୟାର କରୁଥିବାବେଳେ ଅନିସ କପୁର ମଧ୍ୟ ତାଙ୍କ ପାଇଁ ଏକ ସ୍ନେହପୂର୍ଣ୍ଣ ବାର୍ତ୍ତା ଲେଖିଥିଲେ।
‘ଉଁଚାଇ’ର ଏହି ପୋଷ୍ଟରରେ ବୋମାନ ଇରାନୀଙ୍କର ଦୁଇଟି ଅବତାର ଦେଖିବାକୁ ମିଳିଛି। ଗୋଟିଏ ପଟେ ତାଙ୍କୁ ବଜାର ଏବଂ ଖାଦ୍ୟ କାର୍ଟର ଅଗ୍ରଭାଗରେ ଦେଖିବାକୁ ମିଳୁଛି ଏବଂ ଅନ୍ୟ ପଟେ ସେ ତୁଷାରପାତ ପର୍ବତ ଉପରେ ଆଶ୍ଚର୍ଯ୍ୟ ହୋଇ ଚାହୁଁଥିବାର ନଜର ଆସିଛନ୍ତି। ତାଙ୍କ ମୁହଁରେ ତୁଷାରପାତ ହେଉଥିବା ଦୃଶ୍ୟମାନ ହେଉଛି। ପୋଷ୍ଟରରେ ବୋମାନ ଇରାନୀଙ୍କ ଏହି ଲୁକ୍ ତାଙ୍କ ସାଧାରଣ ବ୍ୟକ୍ତିତ୍ୱଠାରୁ ବହୁତ ଭିନ୍ନ। ତେଣୁ, ‘ଉଁଚ୍ଚଇ’ର ଯାତ୍ରା କିପରି ହେବ, ସେନେଇ ସମସ୍ତଙ୍କ ମନରେ ପ୍ରଶ୍ନ ଉଙ୍କି ମାରିଛି।
Comments are closed.