ଭାରତ ଏକ କୃଷି ପ୍ରଧାନ ଦେଶ । କୃଷିରେ ବ୍ୟାପକ ସମ୍ଭାବନା ଓ ସୁଯୋଗ ରହିଥିବା ସତ୍ତ୍ୱେ ଛାତ୍ର-ଛାତ୍ରୀମାନେ ଏହାକୁ ବୃତ୍ତିଗତ ଭାବରେ ଗ୍ରହଣ କରିବାକୁ ପସନ୍ଦ କରୁ ନାହାନ୍ତି । କିନ୍ତୁ ଦେଖିବାକୁ ଗଲେ ଏହି କ୍ଷେତ୍ରରେ ସେମାନଙ୍କ ପାଇଁ ଅପାର ସମ୍ଭାବନା ଅଛି । ଭବିଷ୍ୟତ ପାଇଁ ବୃତ୍ତି ହିସାବରେ ଦେଖିବାକୁ ଗଲେ ଏହା ଏକ ଉତ୍ତମ ବିକଳ୍ପ ବୋଲି ପ୍ରମାଣିତ ହୋଇପାରେ ।
ଯଦି ଜଣେ ଛାତ୍ର କୃଷିକୁ ନିଜର ବୃତ୍ତି ଭାବରେ ଗ୍ରହଣ କରିବ ତେବେ ଦ୍ବାଦଶ ପରେ ଆପଣ ସ୍ନାତକ, ସ୍ନାତକୋତ୍ତର, ପିଏଚଡି କିମ୍ବା କୃଷି କ୍ଷେତ୍ରରେ ଡିପ୍ଲୋମା କରିପାରିବେ । ଅଧ୍ୟୟନ ପରେ ଅନେକ ସୁଯୋଗ ପାଇବେ ।
ସମୟର ପରିବର୍ତ୍ତନ ତଥା ଜ୍ଞାନକୌଶଳର ପ୍ରୟୋଗ ସହ କୃଷ୍ଟି କ୍ଷେତ୍ର କେବଳ ଚାଷଜମିରେ ସୀମିତ ହୋଇ ନରହି ଅନେକ ପରିବର୍ତ୍ତନ ହୋଇସାରିଛି । ଉଦାହରଣ ସ୍ୱରୂପ ଛାତ୍ରଛାତ୍ରୀମାନେ କୃଷି ଅର୍ଥନୀତି ଅଧ୍ୟୟନ କରି କୃଷି ଅର୍ଥନୀତିଜ୍ଞ ହୋଇପାରିବେ । ଜଣେ ଅର୍ଥନୀତିଜ୍ଞ ଭାବରେ, କୃଷକମାନଙ୍କୁ ଆର୍ଥିକ ନିଷ୍ପତ୍ତି ବିଷୟରେ ବୁଝାଇବା ପାଇଁ କ୍ଷୁଦ୍ର ରୁ କ୍ଷୁଦ୍ରତର ବିଷୟ ଉପରେ ବିଭିନ୍ନ ପରୀକ୍ଷା କରାଯାଇପାରିବ । ଯାହାର ଫଳ ସ୍ୱରୂପ ଚାଷକୁ ସହଜ କରାଯାଇପାରିବ ସହ ଅମଳ ମଧ୍ୟ ଭଲ ହୋଇପାରିବ ।
ଆଉ ଏକ ଉଦାହରଣ ଭାବରେ ଜଣେ କୃଷି ଇଞ୍ଜିନିୟର ଭାବରେ ନିଜ କ୍ୟାରିଅର୍ କରିପାରିବ । କମ୍ପ୍ୟୁଟର ସହାୟକ ବୈଷୟିକ ସହାୟତାରେ, ଆପଣ ନୂତନ ଉପକରଣ, ଯନ୍ତ୍ରପାତି ଡିଜାଇନ୍ କରାଯାଇପାରିବ । ନୂତନ ପଦ୍ଧତି ସହିତ ଚାଷ ପ୍ରଯୁକ୍ତିକୁ ଉନ୍ନତ କରାଯାଇପାରିବେ ।
କୃଷି କ୍ଷେତ୍ରରେ ଅଧ୍ୟୟନ କରି ଜଣେ ସଂରକ୍ଷଣ ଯୋଜନାକାରୀ କିମ୍ବା ବ୍ୟବସାୟିକ ଉଦ୍ୟାନ କୃଷି ବିଶେଷଜ୍ଞ ହୋଇପାରିବ । ସଂରକ୍ଷଣ ଯୋଜନାକାରୀମାନେ ଜମିର ପରିବେଶ ନିର୍ଣ୍ଣୟ କରୁଥିବାବେଳେ ଉଦ୍ୟାନ କୃଷି ବିଶେଷଜ୍ଞମାନେ ଯେକୌଣସି ଚାଷ ପ୍ରକ୍ରିୟାର ତଦାରଖ କରନ୍ତି ଯାହା ଏକ ଭଲ ବିହନ ଉତ୍ପାଦନରେ ସାହାଯ୍ୟ କରେ ।
କୃଷି ବିକ୍ରେତା ଭାବରେ ମଧ୍ୟ ଜଣେଭଲ ଟଙ୍କା ରୋଜଗାର କରିପାରିବ । ଏହି କ୍ଷେତ୍ରରେ ଅନେକ ସମ୍ଭାବନା ଅଛି । ଛାତ୍ରଛାତ୍ରୀମାନେ କୃଷି ବିକ୍ରେତା ହୋଇ ସେମାନଙ୍କ କ୍ୟାରିଅରରେ ଉନ୍ନତି କରିପାରିବେ । କୃଷି ବିକ୍ରେତାଙ୍କ କାମ ହେଉଛି ଯନ୍ତ୍ରପାତି, ପଶୁ ଖାଦ୍ୟ, ସାର ଏବଂ ମଞ୍ଜି ଚାଷୀଙ୍କୁ ବିକ୍ରି କରିବା ।
ବୃତ୍ତି ହିସାବରେ କୃଷି ତଥା କୃଷି ସମ୍ପର୍କିତ ଅନ୍ୟାନ୍ୟ ପନ୍ଥା ଛାତ୍ର ଛାତ୍ରୀମାନଙ୍କୁ ଏକ ନୂଆ ସୁଯୋଗ ଦେବ ।
Comments are closed.