Amul Cuts Prices: ଗ୍ରାହକଙ୍କ ପାଇଁ ଖୁସି ଖବର; ଅମୂଲ ୭୦୦ ରୁ ଅଧିକ ପ୍ରଡକ୍ଟର ମୂଲ୍ୟ କଲା କମ୍

ନୂଆଦିଲ୍ଲୀ: ଜିଏସଟି ସ୍ଲାବରେ ପରିବର୍ତ୍ତନ ପରେ, କମ୍ପାନୀଗୁଡ଼ିକ ଏବେ ଏହାର ଲାଭ ସିଧାସଳଖ ଜନସାଧାରଣଙ୍କୁ ପ୍ରଦାନ କରୁଛନ୍ତି। ଅମୂଲ ବ୍ରାଣ୍ଡ ଅଧୀନରେ ଦୁଗ୍ଧଜାତ ଦ୍ରବ୍ୟ ବଜାର କରୁଥିବା ଜିସିଏମଏମଏଫ ଶନିବାର ଦିନ ଘିଅ, ବଟର, ଆଇସକ୍ରିମ, ବେକେରୀ ଏବଂ ଫ୍ରୋଜେନ୍ ସ୍ନାକ୍ସ ସମେତ ୭୦୦ରୁ ଅଧିକ ପ୍ରଡକ୍ଟରର ଖୁଚୁରା ମୂଲ୍ୟ ହ୍ରାସ କରିଛି।

ଗୁଜରାଟ ସମବାୟ କ୍ଷୀର ବିପଣନ ମହାସଂଘ (GCMMF) ୭୦୦ ରୁ ଅଧିକ ଉତ୍ପାଦ ପ୍ୟାକ୍ ଉପରେ ମୂଲ୍ୟ ହ୍ରାସ ଘୋଷଣା କରିଛି, ଯାହା ଦ୍ଵାରା ଏହାର ଗ୍ରାହକମାନେ GST ହ୍ରାସରୁ ସମ୍ପୂର୍ଣ୍ଣ ଲାଭ ପାଇପାରିବେ। ଏହି ସଂଶୋଧନ ସେପ୍ଟେମ୍ବର ୨୨, ୨୦୨୫ ରୁ କାର୍ୟ୍ୟକାରୀ ହେବ।

ତେବେ ବଟର (୧୦୦ ଗ୍ରାମ)ର ସର୍ବାଧିକ ଖୁଚୁରା ମୂଲ୍ୟ ୬୨ ଟଙ୍କାରୁ ୫୮ ଟଙ୍କାକୁ ହ୍ରାସ କରାଯାଇଛି । ଘିଅର ମୂଲ୍ୟ ୪୦ ଟଙ୍କା ହ୍ରାସ ପାଇ ପ୍ରତି ଲିଟର ୬୧୦ ଟଙ୍କା ହୋଇଛି।

ଅମୂଲ ଚିଜ୍ ର ବ୍ଲକ (ଏକ କିଲୋଗ୍ରାମ)ର ସର୍ବାଧିକ ଖୁଚୁରା ମୂଲ୍ୟ ₹୩୦ ହ୍ରାସ ପାଇ ୫୪୫ଟଙ୍କା ହୋଇଛି। ଫ୍ରୋଜେନ୍ ପନିର (୨୦୦ ଗ୍ରାମ)ର ନୂତନ ସର୍ବାଧିକ ଖୁଚୁରା ମୂଲ୍ୟ ₹୯୫ ହେବ, ଯାହା ବର୍ତ୍ତମାନ ₹୯୯ ଥିଲା।

ଅମୂଲ କହେ ଯେ ମୂଲ୍ୟ ହ୍ରାସ ଦ୍ୱାରା କ୍ଷୀର ଉତ୍ପାଦ, ବିଶେଷକରି ଆଇସକ୍ରିମ, ପନିର ଏବଂ ବଟରର ବ୍ୟବହାର ବୃଦ୍ଧି ପାଇବ, କାରଣ ଭାରତରେ ଏହାର ମୁଣ୍ଡପିଛା ବ୍ୟବହାର ଏବେ ବି ବହୁତ କମ୍। ଏହା ପୂର୍ବରୁ ମଦର ଡେରୀ ମଧ୍ୟ ସେପ୍ଟେମ୍ବର ୨୨ ରୁ ନିଜର ଉତ୍ପାଦଗୁଡ଼ିକର ମୂଲ୍ୟ ହ୍ରାସ ଘୋଷଣା କରିଥିଲା।