ନୂଆଦିଲ୍ଲୀ: ବୀର ଯବାନ ଅମର ରହେ…ଭାରତ ମାତା କି ଜୟ ଧ୍ୱନିରେ କମ୍ପୁଥିଲା ଗଗନ ପବନ । ପରିବାର ଆଉ ଆତ୍ମୀୟ ସ୍ୱଜନଙ୍କ କାନ୍ଦରେ ଥରି ଯାଉଥିଲା ହୃଦୟ । ଏ ଭିଡ ଭିତରେ କୁନି ପୁଅ ଦେଖୁଥିଲା ବାପାଙ୍କୁ । ଭାବୁଥିଲା ବାପା ତାର କେଡେ ସାହାସୀ । କୁନି କୁନି ହାତରେ ସେନା ପୋଷାକ ପିନ୍ଧି ବାପାଙ୍କୁ ସାଲ୍ୟୁଟ ମାରୁଥିଲା । କହୁଥିଲା.. ବାପା ତୁମ ବାହାଦୁରୀକୁ ସଲାମ.. ।
ସହିଦ ଯବାନଙ୍କ ବିଦାୟ ବେଳର ଏ ଦୃଶ୍ୟ ସାରା ଦେଶବାସୀଙ୍କ ଆଖିକୁ ଓଦା କରି ଦେଇଛି । କାଶ୍ମୀର ଅନନ୍ତନାଗ ଏନକାଉଣ୍ଟରରେ ସହିଦ ହୋଇଥିଲେ ସେନାର କର୍ଣ୍ଣେଲ ମନପ୍ରୀତ ସିଂହ । ତାଙ୍କର ଅନ୍ତିମ ସଂସ୍କାର ଆଜି ମୋହାଲିର ବଡୋଦିଆ ଗାଁରେ ହୋଇଥିଲା ।
ଶହଶହ ଲୋକ ଯବାନଙ୍କ ଶେଷ ଦର୍ଶନ ପାଇଁ ରୁଣ୍ଡ ହୋଇଥିଲେ । କୁହାଯାଉଛି, ପଞ୍ଜାବର ରାଜ୍ୟପାଳ ବନବାରୀ ଲାଲ ପୁରୋହିତ ମଧ୍ୟ ଅନ୍ତିମ ସଂସ୍କାରରେ ସାମିଲ ହେବେ । ଆର୍ମିର ବହୁ ବରିଷ୍ଠ ଅଫିସର ଅନ୍ତିମ ସଂସ୍କାରରେ ଯୋଗ ଦେବେ । କର୍ଣ୍ଣେଲଙ୍କ ଅନ୍ତିମ ସଂସ୍କାର ମାହୋଲିର ମୁଲ୍ଲାପୁର ଗରିବଦାସରେ କରାଯିବ ।
ଜମ୍ମୁ କାଶ୍ମୀରର ଅନନ୍ତନାଗରେ ଆତଙ୍କୀଙ୍କୁ ହଟାଇବାକୁ ଯାଇ ଜୀବନ ଦେଇଛନ୍ତି ଦେଶର ତିନି ଜଣ ବୀର ସନ୍ତାନ । ସର୍ଚ୍ଚ ଅପରେଶନ ସମୟରେ ଆତଙ୍କୀମାନେ ଅତିର୍କିତ ଏମାନଙ୍କ ଉପରକୁ ଗୁଳି ଚଳାଇଥିଲେ । ସହୀଦ ତିନି ବୀର ଯବାନ ହେଲେ କର୍ନଲ ମନପ୍ରୀତ ସିଂହ, ମେଜର ଆଶିଷ ଏବଂ ଡିଏସପି ହୁମାୟୁଂ ଭଟ । ସହିନ ମନପ୍ରୀତ ବାଟାଲିୟନର ନେତୃତ୍ୱ ନେଉଥିଲେ ।
ବୁଧବାର ସକାଳୁ ସକାଳୁ ଅନନ୍ତନାଗରେ ଅପରେଶନ ପୁଣି ଥରେ ଆରମ୍ଭ ହୋଇଥିଲା । ଗୁଳିକାଣ୍ଡରେ ସେ ଗୁରୁତର ହୋଇଥିଲେ । ପରେ ଶେଷ ନିଃଶ୍ୱାସ ତ୍ୟାଗ କରିଥିଲେ । ଅପରେଶନ ପୂର୍ବରୁ ମନପ୍ରୀତ ସକାଳ ୬ଟା ୪୫ରେ ନିଜ ଫୋନ କରି ପରିବାର ସଦସ୍ୟଙ୍କ ସହ କଥା ହୋଇଥିଲେ । ତାଙ୍କୁ କହିଥିଲେ, ଏବେ ମୁଁ ବ୍ୟସ୍ତ ଅଛି,ସନ୍ଧ୍ୟାରେ କଲ କରିବି ।ହେଲେ ପରେ ତାଙ୍କର ସହିଦ ହେବାର ଖବର ମିଳିଥିଲା ପରିବାର ଲୋକଙ୍କୁ ।
#WATCH | Son of Col. Manpreet Singh salutes before the mortal remains of his father who laid down his life in the service of the nation during an anti-terror operation in J&K’s Anantnag on 13th September
The last rites of Col. Manpreet Singh will take place in Mullanpur… pic.twitter.com/LpPOJCggI2
— ANI (@ANI) September 15, 2023