ଜମ୍ମୁ କଶ୍ମୀର: ଚୀନ୍ ସହ ସୀମା ବିବାଦ ଭିତରେ ଦୁଇ ଦିନି ଲେହ ଗସ୍ତରେ ଯାଇଛନ୍ତି ସ୍ଥଳସେନା ମୁଖ୍ୟ ଜେନେରାଲ୍ ଏମ୍. ଏମ୍. ନର୍ଭାଣେ । ସୀମାରେ ସ୍ଥିତି ଅନୁଧ୍ୟାନ କରିଛନ୍ତି । ବରିଷ୍ଠ ସେନା ଅଧିକାରୀଙ୍କ ସହ ସ୍ଥିତି ସମ୍ପର୍କରେ ଆଲୋଚନା କରିଛନ୍ତି ।
ସେନାମୁଖ୍ୟ କହିଛନ୍ତି, ସୀମାରେ ପ୍ରସ୍ତୁତ ରହିଛି ଭାରତୀୟ ସେନା । ଯବାନଙ୍କ ମନୋବଳ ଦୃଢ଼ ରହିଛି । ସୀମାରେ ସ୍ଥିତି ସାମାନ୍ୟ ଉତ୍ତେଜନାପୂର୍ଣ୍ଣ ରହିଛି । ଯବାନଙ୍କ ସୁରକ୍ଷା ଓ ଏକତା ବଜାୟ ରଖିବାକୁ ପ୍ରାଥମିକତା ଦିଆଯିବ । ଆମର ଯବାନଙ୍କୁ ନେଇ ଦେଶ ଗର୍ବିତ ବୋଲି କହିଛନ୍ତି ସେନାମୁଖ୍ୟ ।
#WATCH: Army Chief General Manoj Mukund Naravane says to ANI, “The situation along LAC is slightly tensed. Keeping in view of the situation, we have taken precautionary deployment for our own safety & security, so that our security & integrity remain safeguarded.” pic.twitter.com/NvONwyJvbM
— ANI (@ANI) September 4, 2020
ଲଦାଖରେ ଭାରତ-ଚୀନ୍ ମଧ୍ୟରେ ପୁଣି ଥରେ ଉତ୍ତେଜନା ଜାରି ରଖିଛି । ଗତ ମାସ ୨୯-୩୦ ରାତିରେ ପାଙ୍ଗୋଙ୍ଗ ସୁ ନିକଟରେ ଅନୁପ୍ରବେଶ ଉଦ୍ୟମ କରିଥିଲା ଚୀନ୍ ସେନା । ସତର୍କ ଥିବା ଭାରତୀୟ ସେନା ସେମାନଙ୍କୁ ତଡ଼ିଥିଲେ । ଏହାପରେ କମାଣ୍ଡରସ୍ତରୀୟ ଆଲୋଚନା ହୋଇଥିଲା ।