ଧର୍ମଶାଳା: ରବିଚନ୍ଦ୍ରନ ଅଶ୍ୱୀନ ଭାରତ ପକ୍ଷରୁ ୧୦୦ତମ ଆନ୍ତର୍ଜାତୀୟ ଟେଷ୍ଟ ମ୍ୟାଚ ଖେଳିବାକୁ ଯାଉଛନ୍ତି । ଇଂଲଣ୍ଡ ବିପକ୍ଷ ୫ମ ଟେଷ୍ଟରେ ସେ ଖେଳିଲେ ଏହି ଉପଲବ୍ଧ ହାସଲ କରିବେ । ଅଶ୍ୱୀନଙ୍କ ଏହି ସଫଳତା ନେଇ ବିଭିନ୍ନ ମହଲରୁ ପ୍ରଶଂସା ଓ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ତେବେ ଏହା ମଧ୍ୟରେ ପୂର୍ବତନ ଲେଗ ସ୍ପିନର ଶିବରାମ କ୍ରିଷ୍ଣାନ ତାଙ୍କ ବିରୋଧରେ ଅଭିଯୋଗ ଆଣିଛନ୍ତି । ସେ କହିଛନ୍ତି ଅଶ୍ୱୀନ ମୋ ଫୋନର କଲକୁ କାଟି ଦେଉଥିବା ବେଳେ ମେସେଜର ଉତର ଦେଉ ନାହାନ୍ତି । ଜଣେ ସିନିୟର ଖେଳାଳିଙ୍କ ପ୍ରତି ଏହା ନିଶ୍ଚିତ ଭାବେ ଅପମାନର ବିଷୟ ।
ଅବଶ୍ୟ ଅଶ୍ୱୀନ ଏ ନେଇ କିଛି ମନ୍ତବ୍ୟ ଦେଇ ନାହାନ୍ତି । ପୂର୍ବରୁ ଶିବରାମ ଅନେକ ଥର ଅଶ୍ୱୀନଙ୍କୁ ସମାଲୋଚନା କରିଥିଲେ ମଧ୍ୟ ସେ ସମୟରେ ବି ସେ କିଛି କହି ନ ଥିଲେ । ଅଶ୍ୱୀନ ୯୯ ଟେଷ୍ଟରେ ୫୦୭ ୱିକେଟ ଅକ୍ତିଆର କରିଛନ୍ତି । ଏହା ବ୍ୟତୀତ ୧୪୦ ଇନିଂସରେ ୩୩୦୯ ରନ କରି ବ୍ୟାଟିଂ ଦକ୍ଷତା ପ୍ରତିପାଦିତ କରି ପାରିଛନ୍ତି । ଏଥିରେ ୫ ଶତକ ଓ ୧୪ ଅର୍ଦ୍ଧଶତକ ସାମିଲ ।
Comments are closed.