ଭୁବନେଶ୍ଵର: ଆଉ ମାତ୍ର ଦିନ କେଇଟା ବାକି । ଆସୁଛି ହିନ୍ଦୁ ଧର୍ମର ଏକ ପ୍ରମୁଖ ପର୍ବ ହୋଲି । ଆସନ୍ତା ସପ୍ତାହରେ ପୁରା ଦେଶରେ ହୋଲି ପର୍ବ ବହୁତ ଧୁମଦାମରେ ପାଳନ କରାଯିବ । ଏହି ପରିପ୍ରେକ୍ଷୀରେ ଦେଶର ଅନେକ ରାଜ୍ୟରେ ବନ୍ଦ ରହିବ ବ୍ୟାଙ୍କ । ମାର୍ଚ୍ଚ ମାସ ଆର୍ଥିକ କାରବାର ତଥା ବାକି ଥିବା ବ୍ୟାଙ୍କ କାର୍ଯ୍ୟ ତଥା ସେଟେଲମେଣ୍ଟ ପାଇଁ ଶେଷ ମାସ । ମାର୍ଚ୍ଚ ୩୧ ସୁଦ୍ଧା ବ୍ୟାଙ୍କ କାମ ନସାରିଲେ ଅନେକ ଉପାୟରେ ଫାଇନ ବି ଲାଗିପାରେ । ଏହା ସହିତ ଆୟକର ସମ୍ବନ୍ଧୀୟ ସମସ୍ୟା ବି ଦେଖାଦେଇପାରେ ।
ସୂଚନାମୁତାବକ ହୋଲି ସହିତ ଅନେକ ପର୍ବ ମାର୍ଚ୍ଚରେ ପାଳନ କରାଯାଏ । ଏହି ପର୍ବ ବ୍ୟତୀତ ମାର୍ଚ୍ଚରେ ରବିବାର ଏବଂ ଦ୍ୱିତୀୟ ଏବଂ ଚତୁର୍ଥ ଶନିବାର ସହିତ ପ୍ରାୟ ୬ଟି ସାପ୍ତାହିକ ଛୁଟି ମଧ୍ୟ ଅନ୍ତର୍ଭୁକ୍ତ। ବିଭିନ୍ନ ରାଜ୍ୟରେ ପାଳନ କରାଯାଉଥିବା ପର୍ବ କିମ୍ବା ସେହି ରାଜ୍ୟଗୁଡ଼ିକର ଅନ୍ୟାନ୍ୟ କାର୍ଯ୍ୟକ୍ରମରେ ବ୍ୟାଙ୍କ ଛୁଟି ମଧ୍ୟ ନିର୍ଭର କରେ । ତେଣୁ, ବିଳମ୍ବ ନକରି, ଏହି ମାସରେ ନିଜ ବ୍ୟାଙ୍କ ସହିତ ଜଡିତ ସମସ୍ତ କାର୍ଯ୍ୟ ସମାଧାନ କରନ୍ତୁ ।
କେଉଁ ଦିନ ବନ୍ଦ ରହିବ ବ୍ୟାଙ୍କ
- ୨୨ ମାର୍ଚ୍ଚ: ବିହାର ଦିବସ ଅବସରରେ ବିହାରରେ ବ୍ୟାଙ୍କ ବନ୍ଦ ରହିବ।
- ୨୩ ମାର୍ଚ୍ଚ: ଚତୁର୍ଥ ଶନିବାର ହେତୁ ବ୍ୟାଙ୍କ ବନ୍ଦ ।
- ୨୪ ମାର୍ଚ୍ଚ: ରବିବାର ହେତୁ ବ୍ୟାଙ୍କ ଗୁଡିକ ବନ୍ଦ ରହିବ ।
- ୨୫ ମାର୍ଚ୍ଚ: ଦୋଳ ପୂର୍ଣ୍ଣିମା ପାଇଁ ଅନେକ ରାଜ୍ୟରେ ବ୍ୟାଙ୍କ ବନ୍ଦ ରହିବ।
- ୨୬ ମାର୍ଚ୍ଚ: ହୋଲି ଅବସରରେ ଦେଶର ଅନେକ ରାଜ୍ୟରେ ବ୍ୟାଙ୍କ ବନ୍ଦ।
- ୨୭ ମାର୍ଚ୍ଚ: ବିହାରରେ ହୋଲି ଅବସରରେ ସେଠାରେ ବ୍ୟାଙ୍କଗୁଡିବ ବନ୍ଦ ରହିବ।
- ୨୯ ମାର୍ଚ୍ଚ: ଗୁଡ ଫ୍ରାଇଡେ ଅବସରରେ ତ୍ରିପୁରା, ଆସାମ, ରାଜସ୍ଥାନ, ଜମ୍ମୁ-କାଶ୍ମୀର ଏବଂ ହିମାଚଳ ପ୍ରଦେଶକୁ ଛାଡିଲେ ଅନ୍ୟ ସବୁ ରାଜ୍ୟରେ ବ୍ୟାଙ୍କ ବନ୍ଦ ରହିବ।
- ୩୧ ମାର୍ଚ୍ଚ: ରବିବାର ହେତୁ ବ୍ୟାଙ୍କ ବନ୍ଦ ।
ବ୍ୟାଙ୍କ ହେଉଛି ଏକ ଗୁରୁତ୍ୱପୂର୍ଣ୍ଣ ଆର୍ଥିକ ପ୍ରତିଷ୍ଠାନ । ଏଭଳି ପରିସ୍ଥିତିରେ, ବ୍ୟାଙ୍କଗୁଡିକରେ ଦୀର୍ଘ ଛୁଟି ହେତୁ ଅନେକ ଥର ଗ୍ରାହକଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡେ । ଆଜିକାଲି, ନେଟ୍ ବ୍ୟାଙ୍କିଙ୍ଗ୍, ମୋବାଇଲ୍ ବ୍ୟାଙ୍କିଙ୍ଗ୍ ଏବଂ ୟୁପିଆଇ ଲୋକଙ୍କ କାର୍ଯ୍ୟକୁ ସହଜ କରିଛି । ଆପଣ ଘରେ ବସି ଏକ ଆକାଉଣ୍ଟରୁ ଅନ୍ୟ ଆକାଉଣ୍ଟକୁ ଟଙ୍କା ସ୍ଥାନାନ୍ତର କରିପାରିବେ । ନଗଦ କାରବାର ପାଇଁ ଆପଣ ଏଟିଏମ୍ ବ୍ୟବହାର କରିପାରିବେ ।