ଭୁବନେଶ୍ଵର: ଶରୀରକୁ ସୁସ୍ଥ ରଖିବା ପାଇଁ କିଏ ବା ନ ଚାହେଁ । ବିଶେଷ କରି ଅତ୍ୟଧିକ ଗରମ ସମୟରେ ସ୍ୱାସ୍ଥ୍ୟର ଯତ୍ନ ନେବା ବହୁତ ଆବଶ୍ୟକ । ଏହିପରି ପରିସ୍ଥିତିରେ ସାଧାରଣତଃ ଶରୀରରେ ଜଳୀୟ ଅଂଶ କମ୍ ରହିଥାଏ । ଆଉ ଶରୀରରେ ଏହି ଜଳୀୟ ଅଂଶର ମାତ୍ରା ଠିକ୍ ରଖିବାପାଇଁ ରାମବାଣ ସଦୃଶ୍ୟ ହୋଇଥାଏ ସପୁରୀ ଜୁସ୍ । ଏହି ଜୁସ ରୋଗ ପ୍ରତିରୋଧକ ଶକ୍ତି ଏବଂ ହଜମ ପାଇଁ ସବୁଠାରୁ ଉତ୍ତମ ମେଡିସିନ ଅଟେ । ସପୁରୀ ଜୁସରେ ଆଇରନ, ଭିଟାମିନ୍ ସି, ମାଙ୍ଗାନିଜ୍, କପର, ଫୋଲେଟ୍, ପୋଟାସିୟମ୍, ଭିଟାମିନ୍ କେ, ଭିଟାମିନ୍ ବି-୬, ଭିଟାମିନ୍ ବି -୧, କ୍ୟାଲସିୟମ୍, ଫସଫରସ୍, କୋଲାଇନ୍, ମ୍ୟାଗ୍ନେସିୟମ୍ ଆଦି ରହିଥାଏ।
ଅନେକ ଲୋକ ଜାଣିପାରନ୍ତି ନାହିଁ ଯେ ସପୁରୀ ରସ ପିଇବା ଦ୍ଵାରା ମୁହଁରେ ବ୍ରଣ ପରି ସମସ୍ୟା ଠାରୁ ମୁକ୍ତି ମିଳିଥାଏ ଏବଂ ତ୍ଵଚା ଉଜ୍ଵଳ ମଧ୍ୟ ହୋଇଥାଏ । ଏହି ରସକୁ ପିଇବା ଦ୍ୱାରା ଚର୍ମ ସତେଜ ରୁହେ ଏବଂ କୁଞ୍ଚନ ଦେଖାଯାଏ ନାହିଁ । ଯଦି ଆପଣ ନିୟମିତ ଭାବେ ସପୁରୀ ଜୁସ୍ ପିଅନ୍ତି, ତେବେ ଆପଣଙ୍କ ତ୍ୱଚା ସୁସ୍ଥ ଓ କୋମଳ ରହିବ। ଅନେକ ଥର କୌଣସି ଫାଷ୍ଟଫୁଡ୍ ଖାଇବା ଦ୍ଵାରା ପେଟ ଭାରୀ ହୋଇଯାଏ ଏବଂ ଯନ୍ତ୍ରଣା ଦିଏ । ଏହିପରି ପରିସ୍ଥିତିରେ ସପୁରୀକୁ ଜୁସ କରି ପିଇଲେ ଆପଣଙ୍କୁ ପେଟ ଯନ୍ତ୍ରଣାରୁ ମୁକ୍ତି ମିଳିବ ।
ସପୁରୀ ଜୁସରେ ହଜମ ପାଇଁ ଫାଇବର ଏବଂ ଭିଟାମିନ୍-ସି ର ଏକ ସମୃଦ୍ଧ ଉତ୍ସ ରହିଛି । ଯାହା ଖାଦ୍ୟ ହଜମ କରିବାରେ ସାହାଯ୍ୟ କରିଥାଏ। ଯଦି ପ୍ରତିଦିନ ଏହି ଜୁସକୁ ପିଅନ୍ତି, ତେବେ ଆପଣଙ୍କ କୋଷ୍ଠକାଠିନ୍ୟ, ଗ୍ୟାସ୍ ଭଳି ସମସ୍ୟା ଦୂର ହୋଇଯିବ । ଯେଉଁମାନେ ପ୍ରତିଦିନ ସପୁରୀ ଜୁସ୍ ପିଉଛନ୍ତି ସେମାନଙ୍କଠାରୁ ରୋଗ ଦୂରେଇ ରହିଥାଏ । ଏହି ଜୁସକୁ ପିଇବା ଦ୍ୱାରା ସେମାନଙ୍କ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ । ଏହି ଜୁସକୁ ପିଇଉଥିବା ବ୍ୟକ୍ତିଙ୍କୁ ସହଜରେ କୌଣସି ରୋଗ ଛୁଇଁ ପାରିବ ନାହିଁ ।
Comments are closed.